03-May-2026

ବରପାଲି -(ସୁଦାମ ଦୀପ)
ଚଳିତ ମାଟ୍ରିକ ପରୀକ୍ଷାରେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ମାତୃପୁରୀ ,ଲାଦରପାଲି,ଅତାବିରା  ଶତ ପ୍ରତିଶତ ହାସଲ କରିଛି। ସୁଶ୍ରୀ କ୍ରିଷ୍ଣା ପତି- ୫୬୩ମାର୍କ ରଖି ଅତାବିରା ବ୍ଲକରେ ଟପ୍ପର ତଥା ବରଗଡ଼ ଜିଲ୍ଲାରେ ଦ୍ଵିତୀୟ ସର୍ବୋଚ୍ଚ ଅଙ୍କ ରଖି ବିଦ୍ୟାଳୟକୁ ସାରା ଓଡ଼ିଶାରେ ଗୌରବାନ୍ବିତ କରିଛନ୍ତି। ମନିଷା ପ୍ରଧାନ ୫୫୪ ମାର୍କ ,  ସୌରଭ ଚନ୍ଦନ ପ୍ରଧାନ ମାର୍କ ୫୪୫ , ରେଶ୍ମା ପ୍ରଧାନ ୫୪୦ ମାର୍କ  , ସୁଭସ୍ମିତା ମହାକୁଲ ୫୪୦ ରଖି ବରଗଡ ଜିଲ୍ଲା ରେ ସର୍ବାଧିକ A1 ରଖିଥିବା ବିଦ୍ୟାଳୟ ହୋଇ ପାରିଛି ।ଏ୨-୧୬ ଜଣ, ବି୧-୨୩ ଜଣ, ବି୨-୧୪ ଜଣ, ସି-୧୬ ଜଣ, ଡି-୩ ଜଣ ପାସ କରିଛନ୍ତି I ସଫଳତା ପଛରେ ଶ୍ରୀମା ଶ୍ରୀଅରବିନ୍ଦଙ୍କ ଆଶୀର୍ବାଦ ବିଦ୍ୟାଳୟର ଅନୁଶାସନ, ସମସ୍ତ ଅପାଭାଇଙ୍କ କଠିନ ପରିଶ୍ରମ ଓ ମାର୍ଗଦର୍ଶନ ସହିତ ଉନ୍ନ‌ତମାନର ଶିକ୍ଷାଦାନ, କଠିନ ଅଧ୍ଯବସାୟ ସଂସ୍କାର ତଥା ଅଭିଭାବକ, ଅଭିଭାବିକା, ପରିଚାଳନା କମିଟିର ସଭ୍ୟମାନଙ୍କର ମାର୍ଗଦର୍ଶନ ତଥା ଛାତ୍ରଛାତ୍ରୀ ଆପଭାଇମାନଙ୍କ କଠୋର ପରିଶ୍ରମରେ ଶତ ପ୍ରତିଶତ ଫଳାଫଳ ରଖିଥ‌ିବାରୁ ବିଦ୍ୟାଳୟକୁ ସମସ୍ତ ମହଲରୁ ଶୁଭେଚ୍ଛା ଓ ଅଭିନନ୍ଦନର ସୁଅ ଛୁଟିଛି। ଏଥିପାଇଁ ବିଦ୍ୟାଳୟର ଅଧ୍ୟକ୍ଷ ଶ୍ରୀ ବବ୍ରୁବାହନ ମିଶ୍ର ସମସ୍ତଙ୍କୁ ଅଭିନନ୍ଦନ ଓ କୃତଜ୍ଞତା ଜଣାଇଛନ୍ତି।