02-May-2026

ଭୁବନେଶ୍ୱର(ସମୀର ରଞ୍ଜନ ନାୟକ): କେନ୍ଦ୍ର ଅର୍ଥମନ୍ତ୍ରୀଙ୍କ ପାଖରେ ପହଞ୍ଚିଲା ଜିତୁ ମୁଣ୍ଡା ମାମଲା । ଭଉଣୀଙ୍କ କଙ୍କାଳ ଧରି ବ୍ୟାଙ୍କକୁ ଯାଇଥିବା କେନ୍ଦୁଝରର ଜିତୁ ମୁଣ୍ଡା ଘଟଣାକୁ ନେଇ ଚିଠି ଲେଖିଲେ ନବୀନ ପଟ୍ଟନାୟକ । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ଏହି ଘଟଣାରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ନବୀନ । କେନ୍ଦୁଝର ଜିଲ୍ଲା ପାଟଣା ବ୍ଲକରେ ଘଟିଥିଲା ଏହି ଲଜ୍ଜାଜନକ ଘଟଣା । ପାଟଣା ମଲ୍ଲିପଶିରେ ଥିବା ଓଡ଼ିଶା ଗ୍ରାମୀଣ ବ୍ୟାଙ୍କକୁ ଯାଇଥିଲେ ଜିତୁ ମୁଣ୍ଡା ।ସେ ଆହୁରି ଲେଖିଛନ୍ତିଯେ, ବ୍ୟାଙ୍କ ଅଧିକାରୀଙ୍କର ଦାୟିତ୍ୱବୋଧତାକୁ ଲୁଚାଇବା ପାଇଁ ଚେଷ୍ଟା କରାଯାଉଛି। ଏହି ଅଭାବନୀୟ ଘଟଣା ପାଇଁ କିଏ ଦାୟୀ ତୁରନ୍ତ ସ୍ଥିର କରାଯାଉ ବୋଲି ମତ ରଖିଛନ୍ତି ନବୀନ | ଆପଣଙ୍କ ହସ୍ତକ୍ଷେପରେ ଦ୍ବାରା କୌଣସି ସ୍ଥାନରେ ଏଭଳି ଘଟଣାର ଆଉ ପୁନରାବୃତ୍ତି ହେବ ନାହିଁ ଏହାସହିତ ଗ୍ରାମୀଣ ବ୍ୟାଙ୍କଗୁଡ଼ିକୁ ନାଗରିକ କୈନ୍ଦ୍ରିକ ସେବା ପ୍ରଦାନକୁ ସହଜ କରିବ ବୋଲି ଚିଠିରେ ଅର୍ଥମନ୍ତ୍ରୀଙ୍କୁ ଆଲୋକପାତ କରିଛନ୍ତି |
ସୂଚନାଯୋଗ୍ୟ ,କେନ୍ଦୁଝର ଜିଲ୍ଲା ପାଟଣା ବ୍ଲକ୍‌ ଏରେଣ୍ଡେଇ ପଞ୍ଚାୟତ ଡିଆନାଳି ଗ୍ରାମର ଜିତୁ ମୁଣ୍ଡା ନିଜ ଭଉଣୀଙ୍କ ମୃତ୍ୟୁ ପରେ ତାଙ୍କ ନାମରେ ଜମା ହୋଇଥିଵା ଟଙ୍କା ଉଠାଇବା ପାଇଁ ବ୍ୟାଙ୍କକୁ ଯାଇଥିଲେ ସେଠାରେ ବ୍ୟାଙ୍କ୍ ଅଧିକାରୀ ଜଣକ ତାଙ୍କୁ ପ୍ରମାଣ ମାଗିଥିଲେ। ଉପଯୁକ୍ତ ପ୍ରମାଣ ନ ଥିବାରୁ ବ୍ୟାଙ୍କରୁ ବାରମ୍ବାର ନିରାଶ ହୋଇ ଫେରୁଥିଲେ ଜିତୁ ମୁଣ୍ଡା | ବ୍ୟାଙ୍କ କର୍ତ୍ତୃପକ୍ଷ ତାଙ୍କୁ ଉପରେ ଚାପ ପକାଇଥିଲେଯେ, ପ୍ରମାଣ ଆଣ ପଇସା ଦେବି। ଶେଷରେ ଅସହାୟ ଜିତୁ ମୁଣ୍ଡା ଅନ୍ୟ କିଛି ଉପାୟ ନ ପାଇ କବର୍ ଭିତରୁ ଭଉଣୀର ମୃତଦେହ କାଢ଼ି ବସ୍ତାରେ ଭର୍ତ୍ତି କରି ବ୍ୟଙ୍କକୁ ନେଇ ଯାଇଥିଲେ। ବ୍ୟାଙ୍କ ସମ୍ମୁଖରେ କଙ୍କାଳକୁ ରଖି ଭଉଣୀକୁ ଦେଖ ପଇସା ଦିଅ ବୋଲି କହିଥିଲେ ।