01-May-2026

ବରପାଲି : (ସୁଦାମ ଦୀପ) ବରପାଲି ଶୀତଳଷଷ୍ଠୀ ଯାତ୍ରାକୁ ଅଧିକ ଆକର୍ଷଣୀୟ ଓ ଭବ୍ୟ କରିବା ପାଇଁ ବିଜେପୁର ବିଧାୟକ ସନତ ଗଡତିଆ ଙ୍କ ସହ ଯାତ୍ରା କମିଟି ସଦସ୍ୟ ସଂସ୍କୃତି ମନ୍ତ୍ରୀଙ୍କୁ ଭେଟି ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ। । ଏହାସହ ଆଇନ ମନ୍ତ୍ରୀଙ୍କ ଅନୁପସ୍ଥିତିରେ ତାଙ୍କ ବ୍ୟକ୍ତିଗତ ସଚିବଙ୍କ ସହ ମଧ୍ୟ ଯାତ୍ରାର ସଫଳ ରୂପାୟନ ନେଇ ଗୁରୁତ୍ୱପୂର୍ଣ୍ଣ ଆଲୋଚନା କରିଥିଲେ।
ଏହି ବୈଠକରେ ବିଜେପୁର ବିଧାୟକଙ୍କ ସମେତ ଶୀତଳଷଷ୍ଠୀଯାତ୍ରା କମିଟି ସଭାପତି ଶ୍ରୀ ଆନନ୍ଦ ବାବୁ ଏବଂ ବରଗଡ଼ ବିଜେପି ଜିଲ୍ଳା ସଭାପତି ଶ୍ରୀ ଅରୂପାନନ୍ଦ ସାହୁ ପ୍ରମୁଖ ଉପସ୍ଥିତ ଥିଲେ।
ବର୍ଷକୁ ବର୍ଷ ବରପାଲି ଶୀତଳଷଷ୍ଠୀ ଯାତ୍ରାର କଳେବର ବୃଦ୍ଧି ପାଉଥିବା ବେଳେ ଶ୍ରଦ୍ଧାଳୁଙ୍କ ସଂଖ୍ୟା ମଧ୍ୟ ଅହେତୁକ ଭାବେ ବଢ଼ୁଛି। ଏହାକୁ ଦୃଷ୍ଟିରେ ରଖି ସରକାରୀ ସ୍ତରରେ ଅଧିକ ଆର୍ଥିକ ତଥା ପ୍ରଶାସନିକ ସହାୟତା ଯୋଗାଇ ଦେବାକୁ କମିଟି ପକ୍ଷରୁ ମନ୍ତ୍ରୀଙ୍କ ନିକଟରେ ଅନୁରୋଧ କରାଯାଇଛି।
ଉକ୍ତ ଆଲୋଚନା ସମୟରେ ମାନ୍ୟବର ସଂସ୍କୃତି ମନ୍ତ୍ରୀ ଯାତ୍ରାର ମାହାତ୍ମ୍ୟକୁ ସ୍ୱୀକାର କରିବା ସହ ଏହାର ଭବ୍ୟତା ପାଇଁ ସରକାରଙ୍କ ପକ୍ଷରୁ ସମସ୍ତ ପ୍ରକାର ସହଯୋଗ ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି।