16-Apr-2026

ବଲାଙ୍ଗିର(ପ୍ରେରଣା ଖବର): ରାଜେନ୍ଦ୍ର ବିଶ୍ୱବିଦ୍ୟାଳୟର ଆଇଡିପି ଭବନରେ ନ୍ୟାସନାଲ ସର୍ଭିସ୍ ସ୍କିମ, ନ୍ୟାସନାଲ କାଡେଟ କର୍ପସ (ଏନସିସି) ଏବଂ ଯୁବ ରେଡକ୍ରସ୍ (ୱାଇ.ଆର୍.ସି)ଙ୍କ ସଂଯୁକ୍ତ ଉଦ୍ୟମରେ ଏକ ରକ୍ତଦାନ ଶିବିର ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମ ‘ଓଡ଼ିଆ ପକ୍ଷ ପାଳନ-୨୦୨୬’  ଅବସରରେ ଆୟୋଜିତ ହୋଇଥିଲା। ଏହି ଶିବିରରେ ମୋଟ ୨୧ ଇଉନିଟ୍ ରକ୍ତ ସଂଗ୍ରହ କରାଯାଇଥିଲା। ଏହି ଶିବିରକୁ ଓଡିଶା ବ୍ଲଡ୍ ସେଣ୍ଟର (ବି.ବି.ଏମ୍.ସି.ଏଚ), ବଲାଙ୍ଗୀର ତରଫରୁ ସହଯୋଗ ମିଳିଥିଲା। ଏହି କାର୍ଯ୍ୟକ୍ରମ ଏନ.ଏସ.ଏସ ପ୍ରୋଗ୍ରାମ ଅଫିସର ଦିପ୍ତିମୟୀ ନାଏକ, ଏନ.ସି. ସି ସି କୋ-ଓର୍ଡିନେଟର ଡ଼.ଏମ୍.ଡି.ମୈନୁଲ ଏସ୍.କେ.,ଏନ ଏସ ଏସ ବ୍ୟୁରୋ କୋ-ଓର୍ଡିନେଟର ଡ଼.ବଂଶୀଧର ଦୀପ ଏବଂ ୱାଈ ଆର୍ ସି କୋ-ଓର୍ଡିନେଟର ଚନ୍ଦ୍ରଶେଖର ପାତ୍ରଙ୍କ ନିର୍ଦ୍ଦେଶରେ ଆୟୋଜିତ ହୋଇଥିଲା। ମୁଖ୍ୟ ଅତିଥି ଭାବେ ମାନ୍ୟବର କୁଳପତି ପ୍ରଫେସର ବିଭୂତି ଭୂଷଣ ମଲିକ ଉପସ୍ଥିତ ଥିଲେ।ଅନ୍ୟାନ୍ୟ ଅତିଥିମାନଙ୍କ ମଧ୍ୟରେ ବିତ୍ତୀୟ ନିୟନ୍ତ୍ରକ ଚନ୍ଦ୍ରମଣି ମିର୍ଧା,ଉପ-ରେଜିଷ୍ଟ୍ରାର ବିଶ୍ୱଜିତ ବେହେରା ଏବଂ କମ୍ପ୍ୟୁଟର ସାଇନ୍ସ ବିଭାଗର ମୁଖ୍ୟ ଡ଼.ଦେବବ୍ରତ ଦାନସନା ଉପସ୍ଥିତ ଥିଲେ। ବିଶ୍ୱବିଦ୍ୟାଳୟର କର୍ମଚାରୀ, ଛାତ୍ରଛାତ୍ରୀ ଏବଂ ସ୍ୱୟଂ ସେବକ ମାନଙ୍କର ସକ୍ରିୟ ଅଂଶଗ୍ରହଣ ସହିତ କାର୍ଯ୍ୟକ୍ରମଟି ସଫଳତାର ସହ ଶେଷ ହୋଇଥିଲା।