15-Apr-2026

(ଡୋଲେଶ୍ୱର  ବାଗ )
ନୂଆପଡ଼ା ଜିଲ୍ଲାରେ ଓଡ଼ିଶା ଜୀବିକା ମିଶନ (ଓଏଲଏମ) ଓ ମିଶନ ଶକ୍ତିର ଜିଲ୍ଲା ସ୍ତରୀୟ ସମୀକ୍ଷା ବୈଠକ ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ମୁଖ୍ୟାଳୟ ସମ୍ମିଳନୀ କକ୍ଷରେ ଅନୁଷ୍ଠିତ ସଭାରେ ଜୀବନ ଜୀବିକା ଉପରେ ଗୁରୁତ୍ବ ଦେଇ ଜିଲ୍ଲାର ଅଗ୍ରଗତି ସନ୍ତୋଷଜନକ ଥିବା ପ୍ରକାଶ ପାଇଥିଲା। ମୋଟ ୫୪୪୦ ଟି ଭୌତିକ (physical) ଲକ୍ଷ୍ୟ ଥିଲାବେଳେ ୫୯୫୮ ଟି ସାଧନ କରାଯାଇ ୧୦୯.୫୨% ଅଗ୍ରଗତି ହୋଇଛି। ଅର୍ଥିକ ଲକ୍ଷ୍ୟ ୨୨୧୫୪ ଲକ୍ଷ ଟଙ୍କା ଥିଲାବେଳେ ୩୦୩୬୯ ଲକ୍ଷ ଟଙ୍କା ସାଧନ କରାଯାଇ ୧୩୭ % ଅଗ୍ରଗତି ହାସଲ ହୋଇଛି।
ମାର୍ଚ୍ଚ ମାସରେ ସର୍ବମୋଟ ୭୭ ଗୋଟି ପ୍ରବାସୀ ଶ୍ରମିକ ପରିବାରକୁ ୮ ଲକ୍ଷ ୧୫ ହଜାର ଟଙ୍କାର ଆର୍ଥିକ ସହାୟତା ଯୋଗାଇ ଦିଆଯାଇଛି। ଏଥିରେ ବୋଡେନ ବ୍ଲକରେ ୧୭ଟି ପରିବାରକୁ ୧.୬୦ ଲକ୍ଷ ଟଙ୍କା, ଖରିଆରରେ ୧୦ଟି ପରିବାରକୁ ୧.୨୫ ଲକ୍ଷ ଟଙ୍କା, କୋମନାରେ ୨୦ଟି ପରିବାରକୁ ୨.୩୦ ଲକ୍ଷ ଟଙ୍କା, ନୂଆପଡ଼ାରେ ୨୫ଟି ପରିବାରକୁ ୨.୫୦ ଲକ୍ଷ ଟଙ୍କା ଯୋଗାଣ ହୋଇଅଛି।