11-Apr-2026

ବିନିକା(ହିମାଂଶୁ ଶେଖର ପୁଟେଲ)ପେଟରେ ମୁଠିଏ ଦାନାପାଇଁ ତାମିଲନାଡୁକୁ ଦାଦନ ଖଟିବାକୁ ଯାଇଥିଲେ । ହେଲେ ସେ ଶବ ହୋଇ ଘରକୁ ଫେରିଲେ l ସୁବର୍ଣ୍ଣପୁର ଜିଲ୍ଲା ବିନିକା ସହର ଗଡ଼ଭିତର ପଡ଼ାର ଚିତାନନ୍ଦ ବାରିକ ରୋଜଗାର କରିବା ପାଇଁ ତାମିଲନାଡୁ ରାଜ୍ୟର ତିରପୁର ଜିଲ୍ଲା ଲିଙ୍ଗପାଲିୟନ ଗାଁ ନିକଟରେ ଥିବା ଏସିଏମ କମ୍ପାନୀରେ ଶ୍ରମିକ ଭାବେ କାମ କରୁଥିଲେ l ଗତ ୫ ତାରିଖ ରାତ୍ରି ସମୟରେ କାମସାରି  ଚିତାନନ୍ଦ ରାସ୍ତା ପାରିହେବା ସମୟରେ ଏକ କାର ଧକ୍କାରେ ତାଙ୍କ ମୃତ୍ୟୁ ଘଟିଥିଲା l ଏହି ଖବର ପାଇବା ପରେ ପରିବାର ଲୋକେ ତାଙ୍କ ମୃତଦେହକୁ ଘରକୁ ଆଣିବା ପାଇଁ ଚିନ୍ତାରେ ପଡି ଯାଇଥିଲେ l  ଜିଲ୍ଲା ପ୍ରଶାସନ ଓ ବିରମହାରାଜପୁର ବିଧାୟକଙ୍କ ସହଯୋଗରେ ତାଙ୍କ ଶବ ତାମିଲନାଡୁରୁ ଘରକୁ ଫେରିଛି l ଯେଉଁଥିପାଇଁ ତାଙ୍କ ବିଧବା ମା ଓ ପରିବାର ଲୋକେ ପୁଅକୁ ହରାଇ ବାହୁନି ବାହୁନି କାନ୍ଦିଥିଲେ l ମୃତ ଚିତାନନ୍ଦ ବାପ ଛେଉଣ୍ଡ ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଯୋଗାଇଦେବାକୁ ଦାବୀ ହୋଇଛି l ତାଙ୍କ ମୃତଦେହ ତାମିଲନାଡୁରୁ ଆମ୍ବୁଲାନ୍ସରେ ଆଣିବା ପରେ ମହାନଦୀ ପୋଲ ନିକଟରେ ଥିବା ସ୍ୱର୍ଗଦ୍ୱାରରେ ତାଙ୍କ ଶେଷକୃତ୍ୟ ସମ୍ପନ୍ନ କରାଯାଇଛି l ତାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ସାରା ବିନିକା ସହରର ଶୋକାକୁଲ ପରିବେଶ ସୃଷ୍ଟି କରିଛି।