11-Apr-2026

ବରୀ (ରଂଜିତ ମିହାନ୍ତ )
ବରୀ ଅରଙ୍ଗାବାଦ୍ (ଚତର) ଠାରେ ବରୀ ଅଞ୍ଚଳର ଅଗ୍ରଣୀ ହୋମିଓ ପ୍ରତିଷ୍ଠାନ କମଳା ହୋମିଓ ସେବା ସଦନ ଏବଂ ଯୁଧିଷ୍ଠିର ତ୍ରିପାଠୀ ମେମୋରିଆଲ୍ ଚାରିଟେବୁଲ୍ ଟ୍ରଷ୍ଟ ର ମିଳିତ ଆନୁକୁଲ୍ୟରେ ଟ୍ରଷ୍ଟ ର ସଭା ଗୃହରେ ହୋମିଓପ୍ୟାଥିକ ଚିକିତ୍ସା ବିଜ୍ଞାନର ଜନକ ଡାକ୍ତର ସି.ଫେଡ୍ରିକ.ସାମୁଏଲ୍ ହ୍ୟାନିମାନ ଙ୍କ ୨୭୨ ତମ ଜୟନ୍ତୀ ଏବଂ ବିଶ୍ଵ ହୋମିଓପ୍ୟାଥିକ ଦିବସ ମହାସମାରହରେ ପାଳିତ ହୋଇଯାଇଅଛି।
ଏହି କାର୍ଯ୍ୟକ୍ରମ କୁ ବରୀ ଅଞ୍ଚଳର ବରିଷ୍ଠ ନାଟ୍ୟକାର ଅଭୟ କୁମାର ଶତପଥି ପ୍ରଦ୍ଵିପ ପ୍ରଜ୍ବଳନ କରି ଉଦ୍ଘାଟନ କରିଥିଲେ।
ପ୍ରଥମେ ହ୍ୟାନିମାନ ଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇ ସର୍ବଧର୍ମ  ପ୍ରାର୍ଥନା ମାଧ୍ୟମରେ ସମାରୋହ ଆରମ୍ଭ କରାଯାଇଥିଲା। ଏହି ସମାରୋହ କାର୍ଯ୍ୟକ୍ରମ ସମାଜସେବୀ ପ୍ରଭାସ ଚନ୍ଦ୍ର ଦାସ ଙ୍କ ସଭାପତିତ୍ବରେ ବିଶ୍ଵ ହୋମିଓପ୍ୟାଥିକ ଦିବସ ଅବସରରେ ସଞ୍ଜମୀ ଖାଦ୍ୟ, ଆଦର୍ଶ ଦିନଚର୍ଯ୍ୟା, ଯୋଗ,ପ୍ରାଣାୟାମ ଆଦି କେଉଁଭଳି ଭାବରେ ଶାରୀରିକ ଓ ମାନସିକ ସୁସ୍ଥତା ଆଣିବା ସହ ଅବସାଦ ମୁକ୍ତ ଜୀବନ ହୋଇପାରେ ସେ ବିଷୟରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା ।
ପ୍ରଥମେ ଶିବିରର ଆବାହକ ଯୁବ ସମାଜସେବୀ ଡଃ ବିଶ୍ଵନାଥ ତ୍ରିପାଠୀ ଅତିଥି ପରିଚୟ ସ୍ବାଗତ ଭାଷଣ ସହ ଚିକିତ୍ସା କ୍ଷେତ୍ରରେ ବିଶ୍ଵ ସମୁଦାୟ ପାଇଁ ହ୍ୟାନିମାନ ଙ୍କ ଅବଦାନ ବିଷୟରେ ବର୍ଣ୍ଣନା କରିଥିଲେ। ସମ୍ମାନିତ ଅତିଥି ଭାବେ ନବ ନିର୍ମାଣ କୃଷକ ସଂଗଠନ ର ଉପଦେଷ୍ଟା ମାଧବାନନ୍ଦ ଶାନ୍ତି, ପୂର୍ବତନ ଜିଲ୍ଲପରିଷଦ ରବୀନ୍ଦ୍ର କୁମାର ଜେନା, ଟ୍ରଷ୍ଟ ର ଅଧ୍ୟକ୍ଷା ଚଞ୍ଚଳା ତ୍ରିପାଠୀ,ସାମ୍ବାଦିକ ବିଶ୍ବଭୂଷଣ ଜେନା,ଅତିସ୍ କୁମାର ଜେନା, ଦେବୀ ପ୍ରସାଦ ଜେନା, ବିଶ୍ବହିନ୍ଦୁ ପରିଷଦ ଯାଜପୁର ର ସମରସତ୍ତା  ପ୍ରମୁଖ ଚିତ୍ତ ରଞ୍ଜନ ପରିଡ଼ା ପ୍ରଭୃତି ହ୍ୟାନି ମ୍ୟାନ ଙ୍କ ଜୀବନୀ  ଓ ହୋମିଓପ୍ୟାଥିକ ଔଷଧ ର ଗୁରୁତ୍ୱତା, ଉପକାରିତା ଆବଶ୍ୟକତା ବିଷୟରେ ନିଜ ନିଜର ମତବ୍ୟକ୍ତ କରିଥିଲେ । ଅନ୍ୟ ମାନଙ୍କ ମଧ୍ୟରେ ହୋମିଓ ଭେଷଜ ସହାୟକ କାହ୍ନୁ ଚରଣ ନାୟକ,ପ୍ରତିଭା ତ୍ରିପାଠୀ, ଚିତ୍ତ ରଞ୍ଜନ ପାଢ଼ୀ, ଜୟ ପ୍ରକାଶ ନାଥ, ସ୍ଵୟଂ ସମ୍ପୂର୍ଣ୍ଣା ତ୍ରିପାଠୀ ପ୍ରଭୃତି ଯୋଗ ଦେଇଥିଲେ। ଚାରିଟେବୁଲ୍ ଟ୍ରଷ୍ଟ ର ସଦସ୍ୟ ହରପ୍ରସାଦ ପଣ୍ଡା ଧନ୍ୟବାଦ୍ ଅର୍ପଣ କରିଥିଲେ।