10-Apr-2026

ଡୁଙ୍ଗୁରିପାଲି (ଅରବିନ୍ଦ ମିଶ୍ର ): ସୁବର୍ଣ୍ଣପୁର ଜିଲ୍ଲାର ଏକ ସମୃଦ୍ଧ ବ୍ଲକ ଭାବରେ ଡୁଙ୍ଗୁରିପାଲିକୁ ଗଣାଯାଇଥାଏ। ବ୍ଲକର ସଦର ମହକୁମାରେ ରାସ୍ତାକଡରେ ରାତ୍ରି ସମୟରେ ଲାଇଟ ବ୍ଯବସ୍ଥା ନ ଥିବାରୁ ଦୂରଦୂରାନ୍ତକୁ ଯିବା ପାଇଁ ବସକୁ ଅପେକ୍ଷାକରିଥିବା ଯାତ୍ରୀ ଓ  ଯିବା ଆସିବା କରୁଥିବା ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିଲେ। ଏହି ଅସୁବିଧାକୁ ଦୂର କରିବା ପାଇଁ  ଅଞ୍ଚଳବାସୀ ସ୍ଥାନୀୟ ସରପଞ୍ଚ, ଜିଲ୍ଲାପାଳ, ବିଧାୟକଙ୍କ ଠାରେ 

ବାରମ୍ବାର ଗୁହାରୀ କରି ନୟାନ୍ତ ହୋଇଥିଲେ, ଶେଷରେ ବଲାଙ୍ଗୀର ସାଂସଦ ସଙ୍ଗୀତା ସିଂହଦେଓଙ୍କୁ ଏହି ବିଷୟରେ ଅବଗତ କରାଯିବା ପରେ ଲୋକପ୍ରିୟ ସାଂସଦ ଶ୍ରୀମତୀ ସିଂହ ଦେଓ ଙ୍କ ନିର୍ଦ୍ଦେଶ କ୍ରମେ ତାଙ୍କର ପ୍ରତିନିଧି ସାନନ୍ଦ କୁମାର ମେହେରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଆଜି ନିତେଇ ପାଲ, ବିକାଶ ହାତୀ, 

ବିରେନ୍ଦ୍ର କଠାର, ସୁରେଶ ପଧାନ, ପଟୁଆରୀ ପଧାନ,ଡାକ୍ତର ସେଟ ଙ୍କ ସହିତ ବହୁ କର୍ମୀଙ୍କ ଉପସ୍ଥିତିରେ ଡୁଙ୍ଗୁରିପାଲିର ଶିଶୁ ମନ୍ଦିର ଛକ, କୁଦେଇ ପଡା ଛକ, ଆର୍ ଏମ୍ ସି ଛକ, ସହଲା ଛକ, ଥାନା ପାଖ ଓ ବସଷ୍ଟାଣ୍ଡ, ଆମ୍ବେଦକର ଛକ, ଡେଲି ମାର୍କେଟ, ଶିବ ମନ୍ଦିର ଓ ହାଇସ୍କୁଲ ଛକ ଠାରେ ସୋଲାର ଲାଇଟ ଲଗାଯାଇଥିଲା। ଏହି ରାସ୍ତା କଡ ଆଲୋକୀକରଣ ଯୋଗୁ ଅଞ୍ଚଳବାସୀଙ୍କ ମଧ୍ଯରେ ଆନନ୍ଦର ଲହରୀ ଖେଲି ଯାଇଛି। ସମସ୍ତେ ବଲାଙ୍ଗୀର ସାଂସଦ ଶ୍ରୀମତୀ ସଙ୍ଗୀତା ସିଂହ ଦେଓ ଓ ତାଙ୍କ ପ୍ରତିନିଧି ସାନନ୍ଦ କୁମାର ମେହେର ଏବଂ ଅଞ୍ଚଳର ବିଜେପି କାର୍ଯ୍ଯକର୍ତ୍ତାଙ୍କୁ ଧନ୍ୟବାଦ ଅର୍ପଣ କରୁଛନ୍ତି।