04-Apr-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ପ୍ରବେଶ ଉତ୍ସବ ଓ ଖଡ଼ି ଛୁଆଁ ଲାଗି ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସାରା ରାଜ୍ୟରେ ଶିଶୁ ବାଟିକା ଓ ପ୍ରଥମ ଶ୍ରେଣୀ ଛାତ୍ର ଛାତ୍ରୀଙ୍କ ବିଦ୍ୟା ଆରମ୍ଭ ଓ ଖଡ଼ିଛୁଆଁ କରିବାକୁ କେତେ ଆଡ଼ମ୍ବରରେ କୋଟି କୋଟି ଟଙ୍କା ଖର୍ଚ୍ଚ କରିଛନ୍ତି ସରକାର । ମୁଖ୍ୟମନ୍ତ୍ରୀ ନିଜେ ବି ରାଜ୍ୟ ଖଡ଼ି ଛୁଆଁ ଉତ୍ସବରେ ମୂଖ୍ୟ ଅତିଥି ଥିଲେ । ହେଲେ ଏହାର ବ୍ୟତିକ୍ରମ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲାରେ । ସୁନ୍ଦର ସ୍କୁଲ୍ କୋଠା ସହ ମୁରୁଜରେ ସାଜ ସଜ୍ଜା କୁ ଚକା ଚକ ପରିବେଶ । ଜିଲ୍ଲା ସ୍ତରୀୟ ଖଡିଛୁଆଁ ପର୍ବ ପାଳନ ପାଇଁ ସୁବର୍ଣ୍ଣପୁର ମଝିପଡା ଉଚ୍ଚ ପ୍ରାଥମିକ ବିଦ୍ୟାଳୟରେ ଠାରେ ସକାଳ ୯ ଟା ବେଳେ ଉତ୍ସଵର ସମୟ ଧାର୍ଯ୍ୟ ହୋଇଥିଲା । ଶିକ୍ଷକ ଶିକ୍ଷୟିତ୍ରୀ ଶିକ୍ଷା ବିଭାଗ ଅଧିକାରୀ, ସାମ୍ୱାଦିକ, ଅତିଥି ଜିଲ୍ଲା ପ୍ରଶାସନର ଅଧିକାରୀ ସମସ୍ତେ ଠୁଳ । ଦୁଇ ଘଣ୍ଟା ଅପେକ୍ଷା ହେଲେ ଯାହାଙ୍କୁ ନେଇ ଏହି ପର୍ବ ପାଳନ ହେବ ତାଙ୍କର ଦେଖା ନ ଥିଲା । ଶେଷ କୁ ଗଣିଲା ବେଳେ ପିଲା ମାତ୍ର ୯ ଜଣ । କାରଣ ଏ ନେଇ ଅଭିଭାବକ ଓ ଛାତ୍ର ଛାତ୍ରୀଙ୍କୁ କୋଡ଼ିନେଟର ଅଭାବ ଥିଲା ନିଶ୍ଚିତ । କେମିତି ପୁଅ ଝିଅ ମାନେ ଅପାଠୁଆ ନ ରହିବେ, ଅଧାରୁ ସ୍କୁଲ ନ ଛାଡ଼ିବେ ଏ ନେଇ "ସଭିଏଁ ପଢ଼ିବା ସଭିଏଁ ସ୍କୁଲ ଯିବା" ଅଭିଯାନ ରେ  ଖଡିଛୁଆଁ ପର୍ବରେ ଦିଲ୍ ଖୋଲି ମନ ଖୋଲି ଟଙ୍କା ଖର୍ଚ୍ଚ  କରୁଛନ୍ତି ରାଜ୍ୟ ସରକାର । କିନ୍ତୁ ସେଠାରେ ଯେଉଁ ଛୁଆଙ୍କୁ ନେଇ ଏହି ଉତ୍ସବ ସେମାନଙ୍କ ପାଖରେ ପଙ୍ଖା ନାହିଁ ଝାଳନାଳ କିନ୍ତୁ ସେଠାରେ ଉପସ୍ଥିତ ଅତିଥି ମାନେ ଆରାମ ରେ ପଙ୍ଖା ତଳେ।

ଜିଲ୍ଲା ଶିକ୍ଷା ଅଧିକାରୀ ମାନଙ୍କ ମନ ଊଣା କାହିଁକି ? ମନମାନି କାହିଁକି ? କେତେ ପିଲାଙ୍କର ଖଡିଛୁଆଁ ହେବ ? ପିଲାଙ୍କପାଇଁ କଣସବୁ ବ୍ୟବସ୍ଥା କରାଯାଇଛି ? ଏ ସ୍କୁଲରେ କେତେ ପିଲା ପାଠ ପଢୁଛନ୍ତି ଏସବୁର ସୂଚନା କିନ୍ତୁ ଜିଲ୍ଲା ଶିକ୍ଷା ଅଧିକାରୀଙ୍କ ପାଖରେ ନ ଥିଲା ଆଜି ଭଳି ଦିନରେ ।ଏନେଇ ଗଣମାଧ୍ୟମ ପ୍ରତିନିଧି  ପଚାରିବାରୁ ସେମିତି କିଛି ନାଇଁ ପିଲା ଆସୁଛନ୍ତି କହି ଆଦୌ ଉତ୍ତର ଦେଇ ପାରିଲେନି । ମିଡିଆ ବୁମ୍ ଆଗରେ ଗୁମ୍ ହୋଇଗଲେ ଓ ଝାଳ ନାଳ ହୋଇ ପ୍ରଶ୍ନ ସବୁ ଏଡାଇ ବୁମ୍ ଏଡ଼ାଇ ଚାଲିଗଲେ । ଉତ୍ସବ ରେ ଭାଷଣ ଦେଲେ ପିଲାଙ୍କ ସହ ଭାବ ବିନିମୟ ମାଧ୍ୟମରେ ପରିସ୍ଥିତି କୁ ସୁଧାରି ବାକୁ ଖୁବ୍ ଚେଷ୍ଟା କଲେ ଓ ମନ ଖୋଲା ହସ ଟିଏ ହସିବାକୁ ଚେଷ୍ଟା କଲେ ତାହା ବି ହେଲାନି । କାରଣ ଏହା ପୁର୍ବରୁ ସର୍ଵ ସମ୍ଭୁଖରେ ସାମ୍ୱାଦିକଙ୍କ ପ୍ରଶ୍ନରେ ଜିଲ୍ଲା ଶିକ୍ଷା ଅଧିକାରୀ ମିନାରାଣୀ ମେଡମ ଆଜି ଘାଇଲା ହୋଇ ଯାଇଥିଲେ । ସମଗ୍ର ଶିକ୍ଷା ବିଭାଗ ପକ୍ଷରୁ ବିଦ୍ୟାବନ୍ତ ବିଦ୍ୟାର୍ଥୀ, ବିକଶିତ ଓଡିଶା ଗଠନ ଲକ୍ଷ୍ୟରେ ରାଜ୍ୟ ସରକାରଙ୍କ କୋଟି କୋଟି ଟଙ୍କା ଖର୍ଚ୍ଚ ସବୁ ବେକାର ବୋଲି ଆଜି ସବୁଠି ଚର୍ଚ୍ଚା ।