03-Apr-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
ଜିଲ୍ଲାରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ପରିସ୍ଥିତିକୁ ଦୃଷ୍ଟିରେ ରଖି ସୁବର୍ଣ୍ଣପୁର ଜିଲ୍ଲାର ସରକାରୀ ଓ ଘୋରୋଇ ସ୍କୁଲରେ ପ୍ରଥମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଶ୍ରେଣୀର ସମୟକୁ ତୁରନ୍ତ ସକାଳ ୬.୩୦ ରୁ ସକାଳ ୧୦.୩୦ ପର୍ଯ୍ୟନ୍ତ ପୁନଃ ନିର୍ଦ୍ଧାରିତ ପାଇଁ ଜିଲ୍ଲାପାଳ ଡ଼. ନୃପରାଜ ସାହୁ ନିର୍ଦ୍ଦେଶ ଦେଇଛନ୍ତି । ଏବଂ ଏହା ସହିତ ସମସ୍ତ ସ୍କୁଲରେ ପାନୀୟ ଜଳର ଉପଲବ୍ଧତା ସୁନିଶ୍ଚିତ କରିବାକୁ ସ୍ୱତନ୍ତ୍ର ଭାବେ ଯତ୍ନ ନେବାକୁ ତଥା ଆବଶ୍ୟକ ସ୍ଥଳେ ସ୍କୁଲ କ୍ୟାମ୍ପସ ଭିତରେ ଥିବା ନଳକୂପ ଗୁଡ଼ିକୁ ମରାମତି କରାଯିବା ଉଚିତ ଯାହା ଦ୍ୱାରା ନିରବଚ୍ଛିନ୍ନ ପାନୀୟ ଜଳ ଯୋଗାଣ ସୁନିଶ୍ଚିତ କରାଯାଇପାରିବ।
ପୁଣି ସ୍କୁଲରେ ପର୍ଯ୍ୟାପ୍ତ ORS ପ୍ୟାକେଟ ରଖିବା ସହ ଆବଶ୍ୟକତା ଅନୁଯାୟୀ ଛାତ୍ର/କର୍ମଚାରୀଙ୍କୁ ଯୋଗାଇ ଦିଆଯିବା ଉଚିତ ବୋଲି ନିର୍ଦ୍ଦେଶନାମା ରେ ଉଲ୍ଲେଖ ରହିଛି । ଛାତ୍ରମାନେ ଯେପରି ଗ୍ରୀଷ୍ମ ପ୍ରବାହର ସମ୍ମୁଖୀନ ନ ହୁଅନ୍ତି ସେଥିପାଇଁ ବାହ୍ୟ କାର୍ଯ୍ୟକଳାପକୁ ସୀମିତ କରିବାକୁ ପଡିବ। ସମସ୍ତ ପିତାମାତାଙ୍କୁ ସ୍କୁଲକୁ ଯିବା ସମୟରେ ସେମାନଙ୍କ ପିଲାମାନେ ପାଣି ବୋତଲ ବହନ କରିବା ପାଇଁ ସଚେତନ କରାଯିବା ଉଚିତ ବୋଲି ମଧ୍ଯ କୁହାଯାଇଛି । ଅଭିଭାବକ ମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ଏହା ପର୍ଯ୍ୟାପ୍ତ ପ୍ରଚାର କରାଯିବା କରାଯିବା ଉଚିତ ବୋଲି ଜିଲ୍ଲାପାଳ ଆଜି ମିଡିଆ ଙ୍କୁ ସୂଚନା ଦେଇଛନ୍ତି ।