05-Feb-2021

କୋରାପୁଟ (ପ୍ରେରଣା ଖବର): ଓଡ଼ିଆ ଓ ଆନ୍ଧ୍ର ମିଳିତ ମାଛକୁଣ୍ଡ  ଜଳ ବିଦ୍ୟୁତ ପ୍ରକଳ୍ପର ଅନୁଧ୍ୟାନ କରି ଫେରିଯାଇଛନ୍ତି ଓଡ଼ିଶା ରାଜ୍ୟ ପ୍ରଧାନ ସଚିବ ତଥା ଓଡ଼ିଶା ଜଳ ବିଦ୍ୟୁତ ନିଗମ ସି ଏମ୍ ଡି ବିଷ୍ଣୁପଦ ସେଠି । ପ୍ରଥମେ ଜଳାପୁଟ ଜଳଭଣ୍ଡାର, ପରେ ମାଛକୁଣ୍ଡ ଜଳ ଭଣ୍ଡାରର ସ୍ଥିତି ଅନୁଧ୍ୟାନ କରିଥିଲେ । ପରେ ମାଛକୁଣ୍ଡ  ବିଦ୍ୟୁତ ପ୍ରକଳ୍ପ ରେ ପହଂଚି ପ୍ରକଳ୍ପର ଅନୁଧ୍ୟାନ କରିଥିଲେ । ବିଦ୍ୟୁତ ପ୍ରକଳ୍ପ ଅଧିକାରୀମାନଙ୍କୁ ନେଇ ଏକ ସମୀକ୍ଷା କରିଥିଲେ । ଆଗାମୀ ଦିନରେ ପ୍ରକଳ୍ପର ନବୀକରଣ, ଜଳାପୁଟ ଠାରେ 18 ମେଗାୱାଟ ମିନି  ବିଦ୍ୟୁତ ପ୍ରକଳ୍ପ ନିର୍ମାଣ କରିବା, ମାଛକୁଣ୍ଡ ବିଦ୍ୟୁତ ପ୍ରକଳ୍ପ ତଳ ପାର୍ଶ୍ୱରେ 20 ମେଗାୱାର ମିନି ବିଦ୍ୟୁତ ପ୍ରକଳ୍ପ ନିର୍ମାଣ କରିବା ନେଇ ସମୀକ୍ଷା ବୈଠକରେ ଉପସ୍ଥିତ ଅଧିକାରୀ ମାନଙ୍କୁ ସହ ଆଲୋଚନା । ତା ସହ ବ୍ରିଟିଶ ଅମଳର ସମସ୍ତ ଯାନ୍ତ୍ରାଶଗୁଡିକୁ ଏକ ସଂଗ୍ରହାଳୟରେ ନିର୍ମାଣ କରି ରଖାଯିବ, ଜଳ ଭଣ୍ଡାର ପାର୍ଶ୍ୱରେ ପାର୍କ ନିର୍ମାଣ କରିବା ନେଇ ମଧ୍ୟ ଆଲୋଚନା କରିଥିଲେ । କୋରାପୁଟ ଅତିରିକ୍ତ ଜିଲ୍ଲାପାଳ ଦେବନ ପ୍ରଧାନ, ମାଛକୁଣ୍ଡ, ଓ ଏଚ୍ ପି ସି ଡ଼ାଇରେକ୍ଟର ଅପରେସନ, ନନ୍ଦପୁର ତହସିଲଦାର, ବିଦ୍ୟୁତ ପ୍ରକଳ୍ପ ଅଧିକାରୀ,ନନ୍ଦପୁର ବିଡିଓ ସମେତ ବହୁ ବିଦ୍ୟୁତ ବିଭାଗ ଅଧିକାରୀ ଉପସ୍ଥିତ ରହିଥିଲେ ।