27-Mar-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବିଜୁ ପଟ୍ଟନାୟକ ସ୍ନାତକ ମହାବିଦ୍ୟାଳୟ ବୋଡ଼େନ ର ଜାତୀୟ ସେବା ଯୋଜନା ତରଫରୁ ବାଲୁଗାଁ ମହାବିଦ୍ୟାଳୟ ବାଲୁଗାଁ ଖୋର୍ଦ୍ଧା ଠାରେ ଆୟୋଜିତ ରାଜ୍ୟ ସ୍ତରୀୟ ଚିଲିକା ପ୍ରକୃତି ଶିବିରକୁ +୩ ଦ୍ଵିତୀୟ ବର୍ଷର ଛାତ୍ରୀ ସୁଶ୍ରୀ ଅଞ୍ଜଳି ସାହୁ ମା ମାଣିକେଶ୍ଵରୀ ବିଶ୍ଵବିଦ୍ୟାଳୟ କଳାହାଣ୍ଡି ଦ୍ଵାରା ମନୋନୀତ ହୋଇ ଏ ଅଞ୍ଚଳ କୁ ଗୌରବାନ୍ୱିତ କରିଛନ୍ତି । ଶିବିରଟି ମାର୍ଚ୍ଚ ୨୬ ତାରିଖରୁ ୩୧ ତାରିଖ ପର୍ଯ୍ୟନ୍ତ ଚାଲିବ ।ଏଥିରେ ଚିଲିକା ଆମ ଅସ୍ମିତା,ମାଁ କାଳିଜାଇ, ମରାଳ ମାଳିନୀ ନୀଳାମ୍ବୁ ଚିଲିକା,ଡଲଫିନ,ଚଢ଼େଇ ହଗା,ମଙ୍ଗଳା ଯୋଡ଼ି ପ୍ରକୃତି ନିବାସ, ରାଜହଂସ ପ୍ରଭୃତି ସ୍ଥାନକୁ ବୁଲିଯିବାର କାର୍ଯ୍ୟକ୍ରମ ରହିଛି।ଏହି ଶିବିରରେ ଓଡ଼ିଶାର ୨୦୦ ଜଣ ଜାତୀୟ ସେବା ଯୋଜନାର ସ୍ବେଚ୍ଛାସେବୀ ଅଂଶ ଗ୍ରହଣ କରିଛନ୍ତି ।ସୁଶ୍ରୀ ଅଞ୍ଜଳୀଙ୍କୁ ଅଧ୍ୟକ୍ଷ ଅବନୀ କୁମାର ଖମାରି ଓ ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ଡଃ କିଶୋର କୁମାର କର୍ଣ୍ଣ ଶୁଭେଚ୍ଛା ଜଣାଇଛନ୍ତି ।ବୋଡ଼େନ ଭଳି ଏକ ଉପାନ୍ତ ଅଞ୍ଚଳରେ ଅଞ୍ଜଳୀଙ୍କ ଯୋଗଦାନ ଏକ ବିସ୍ମୟ ଏଣୁ ଅଞ୍ଜଳିଙ୍କୁ ବି ଏମ ଏସ ଜିଲ୍ଲା ମେଡିଆ ସେଲ ରାମନାଥ ପଣ୍ଡା,ସମ୍ବାଦ ସାମ୍ବାଦିକ ଭୀଷ୍ମ ଦେବ ହେର୍ଣ୍ଣା,ପ୍ରମେୟ ସାମ୍ବାଦିକ ବଂଶୀ ଧର ନାଗଙ୍କ ସମେତ ବିଭିନ୍ନ ମହଲରୁ ଶୁଭେଚ୍ଛା ଜଣାଉଛନ୍ତି ।