27-Mar-2026

ବରପାଲି  (ସୁଦାମ ଦୀପ )    ସ୍ଥାନୀୟ ଗଙ୍ଗାଧର କଳା ପରିଷଦ ବରପାଲି ଠାରେ ଡ଼ ରବୀନ୍ଦ୍ର କୁମାର ଗଡତିଆ ଙ୍କ ସଭାପତିତ୍ୱ ରେ ଓଡ଼ିଆ ଭାଷା ସାହିତ୍ୟର ପ୍ରଥିତଯଶା ପ୍ରଫେସର ତଥାଗ ଗଙ୍ଗାଧର ସାହିତ୍ୟର ତାଲ୍ଲୀନ ସମାଲୋଚକ ବିଶିଷ୍ଟ ବାଗ୍ମୀ ଡ଼. ବୈରାଗୀ ଚରଣ ଜେନାଙ୍କ ବିୟୋଗରେ ଏକ ଶୋକସଭା ଅନୁଷ୍ଠିତ ହୋଇ ଯାଇଛି । ଦିବଂଗତ ଆତ୍ମା ପ୍ରତି ଦୁଇ ମିନିଟ ନୀରବ ପ୍ରାର୍ଥନା ପରେ   ବରିଷ୍ଠ କଣ୍ଠଶିଳ୍ପୀ ବୀରେନ୍ଦ୍ର ନାଥ ନାଗ , ବାନ୍ଧଶିଳ୍ପୀ ସୁରେନ୍ଦ୍ର ମେହେର, ଚିତ୍ରଶିଳ୍ପୀ ନିରଞ୍ଜନ ମେହେର, ଅନୁଷ୍ଠାନର ସମ୍ପାଦକ ହରି ଚରଣ ଖଟୁଆ, ବିଶିଷ୍ଟ କବି ରୋହିତ ଦାଶ ଓ ସଦସ୍ୟ ମହାଦେବ ରାଉତ,ବାନ୍ଧ ଶିଳ୍ପୀ ଭିକାରୀ ମେହେର, ମୋହନ ମେହେର ପ୍ରମୁଖ ଦିବଂଗତ ଜେନାଙ୍କ ସ୍ମୃତି ଚାରଣ କରିଥିଲେ । ସେ ଜ୍ୟୋତି ବିହାର ରେ ଓଡ଼ିଆ ବିଭାଗ ର ପ୍ରଫେସର ରୂପେ ଅବସ୍ଥାପିତ ଥିଲେ. ଅବସର ପରେ ସେ ପରିବାର ସହ କଟକ ରେ ରହୁଥିଲେ  ଓ ଆଜୀବନ ସାହିତ୍ୟ ସାଧନା ରେ ନିଜକୁ ନିୟୋଜିତ କରିଥିଲେ ବରପାଲି ଗଙ୍ଗାଧର ସାହିତ୍ୟ ଆଲୋଚନା ଚକ୍ରର ସେ ଥିଲେ ନିୟମିତ ବକ୍ତା । ତାଙ୍କ ସରସ ସୁନ୍ଦର ବିଶ୍ଳେଷଣ ଶ୍ରୋତା ମାନଙ୍କୁ ମନ୍ତ୍ର ମୁଗ୍ଧ କରୁଥିଲା । ତାଙ୍କ ପରି ଜଣେ ମେଳାପି, ଆଦର୍ଶ ଶିକ୍ଷକ ତଥା ଗଙ୍ଗାଧର ପ୍ରେମୀଙ୍କ ସ୍ମୃତି ବରପାଲିର ଜନ ମାନସରେ ଚିର ଉଜ୍ବଳ ହୋଇ ରହିବ । ତାଙ୍କ ବିୟୋଗରେ  ଓଡିଶା ର ସାହିତ୍ୟ ଜଗତ ରେ ଶୋକ ର ଛାୟା ଖେଳି ଯାଇଛି l