26-Mar-2026

ବରପାଲି  (ସୁଦାମ ଦୀପ )
ବରଗଡ ଜ଼ିଲ୍ଲା ବରପାଲି ବ୍ଲକ ଅନ୍ତର୍ଗତ ସିକିର୍ଡି ଗ୍ରାମରେ ପବିତ୍ର ରାମ ନବମୀ ଉପଲକ୍ଷେ ସିକିର୍ଡି ଗ୍ରାମ ରେ ୨୪ପ୍ରହରୀ ଅଖଣ୍ଡ ନାମଯଜ୍ଞ ଆଜି ଆରମ୍ଭ ହୋଇଯାଇଛି l ଏହି ଅଵସରରେ ପ୍ରଥମେ କଳସ ଯାତ୍ରା ଅନୁଷ୍ଠିତ ହୋଇଥିଲା l ଗ୍ରାମର ପୋଖରୀ ରୁ ପାଣି ଆଣି କଳସ ସ୍ଥାପନ କରାଯାଇଥିଲା l ଏହି ଅବସରରେ କର୍ତ୍ତା ଭାବରେ କିଶୋର ଭୋଇ ଏବଂ ତାଙ୍କ ଧର୍ମପତ୍ନୀ କୁନ୍ତୀ ଭୋଇ ଯୋଗଦାନ କରିଛନ୍ତି l ଦୀର୍ଘ ଚାରିଦିନ ବ୍ୟାପି ହେଉଥିବା ନାମଯଜ୍ଞ ରେ ବିଶେଷକରି ସ୍ଥାନୀୟ ଦଳ ସାହାଯବାହାଲ, ମାଲିପାଲି, ଲେଣ୍ଡା, ବିଜୟପଲ୍ଲୀ, ମିର୍ଧାପଡା ଗ୍ରାମ ସହିତ କମଗାଁ, କରଲାଜୁରୀ, ବାଞ୍ଜିପାଲି ଓ ଆଗଲପୁର ର କୀର୍ତ୍ତନ ପାର୍ଟି ମାନେ ଭାଗ ନେବେ l  ଏହି ଅବସରରେ ବ୍ୟାପକ ଜନସମାଗମ ହେବ ବୋଲି ସ୍ଥାନୀୟ କମିଟି ତରଫରୁ ପ୍ରକାଶ କରିଛନ୍ତି l  ଗ୍ରାମର ଜନତା ଭୋଇ,ସୁଶ୍ରୀତା ଭୋଇ, ସସ୍ମିତା ଭୋଇ, ପପଲୁ ପଣ୍ଡା ପ୍ରମୁଖ କଳସ ଯାତ୍ରା ରେ ସାମିଲ ହୋଇଥିଲେ l  ପୂଜକ ଭାବରେ ତୁଳଣ୍ଡି ଗ୍ରାମର ଅଶ୍ୱିନୀ ରଥ ଯୋଗଦାନ କରିଥିବାବେଳେ ସ୍ଥାନୀୟ ପୂଜକ ଗତିକୃଷ୍ଣ ତ୍ରିପାଠୀ ସହଯୋଗ କରିଥିଲେ l