26-Mar-2026

ବରପାଲି (ସୁଦାମ ଦୀପ) ବରଗଡ ଜିଲ୍ଲା ବରପାଲି ବ୍ଲକ ଅନ୍ତର୍ଗତ ସୁଜିଆ ଗ୍ରାମରେ ଷୋହଳ ପ୍ରହରୀ ନାମଯଜ୍ଞ ଅନୁଷ୍ଟିତ ହୋଇଯାଇଛି l ଗତ ସୋମବାର ଦିନ ସକାଳେ ନାମ ସଂକୀର୍ତ୍ତନ ଶହ ଶତାଧିକ ମହିଳା କଳସ ଶୋଭାଯାତ୍ରାରେ ବାହାରି ରାଞ୍ଜ ନଦୀ ଠାରୁ ପୂର୍ଣ୍ଣ କଳସ ସହ ଗ୍ରାମ ପରିକ୍ରମା କରି ପୁଜା ମଣ୍ଡପରେ    ପହଞ୍ଚିବା ପରେ ଅଧିବାସ ହୋଇଥିଲା 
ପୁରୋହିତ ଭାବରେ ଅଚ୍ୟୁତ ପଣ୍ଡା, ଜିତୁ ପାଣିଗ୍ରାହୀ, ଏଵଂ ରବୀନ୍ଦ୍ର ଦେବତା, ମନ୍ତ୍ର ପାଠ କ୍ରମେ ଷୋଡ଼ଶ ପୂଜା, ହୋମ ଆହୁତି ପ୍ରଦାନ ପୂର୍ବକ ମହାମନ୍ତ୍ର ଜପ ଆରମ୍ଭ ହୋଇଥଲା  l ଗ୍ରାମର ଦେବରାଜ ବର୍ଗେ କର୍ତ୍ତା ଦାୟିତ୍ଵ ତୁଲାଇଥିଲେ l ନାମ ଯଜ୍ଞରେ କାଞ୍ଚନପୁର, ଭୂଳିଆଡିହି, ବଙ୍କବିରା, ବିନିକା ତେଲିପାଲି, ବର୍ଲାବାହାଲ, ଆଗଲପୁର, ଖଇରପାଲି, ତିନିକାନି ପ୍ରମୁଖ ସଂକୀର୍ତ୍ତନ ଦଳ ଯୋଗଦାନ କରିଥିଲେ l ରାତ୍ରରେ 
 କାଞ୍ଚନପୁର ଓ ଭୁଲିଆଡିହି କୀର୍ତ୍ତନ ଦଳ ମଧ୍ୟରେ ବୈଠକୀ କୀର୍ତ୍ତନ ହୋଇଥିଲା l