25-Mar-2026

ନୂଆଦିଲ୍ଲୀ(ପ୍ରେରଣା ଖବର): ବଜେଟ ସତ୍ର ସମୟରେ ରାଜ୍ୟସଭା ସାଂସଦ ଶ୍ରୀ ନିରଞ୍ଜନ ବିଶି ଓଡିଶାର ଅନୁସୂଚିତ ଅଞ୍ଚଳରେ  ପଞ୍ଚାୟତ ସମ୍ପ୍ରସାରଣ (ପେସା) ଆଇନ, ୧୯୯୬ ର କାର୍ଯ୍ୟକାରି  ନେଇ ଗୁରୁତର ଚିନ୍ତା ବ୍ୟକ୍ତ କରିଥିଲେ।
ସେ ପ୍ରଶ୍ନ କରିଥିଲେ ଯେ ଗ୍ରାମ ସଭାଙ୍କୁ ଜମି ଅଧିଗ୍ରହଣ, ଲଘୁ ଜଙ୍ଗଲ ଜାତ ଦ୍ରବ୍ୟ ସଂଗ୍ରହ ବିକ୍ରୟ ଓ ପ୍ରାକୃତିକ ସମ୍ପଦ ସୁରକ୍ଷା ଉପରେ ପୂର୍ଣ୍ଣ କ୍ଷମତା ଦିଆଯାଇଛି କି ନାହିଁ, ଏବଂ ପେସା ଆଇନ ର ପରିଚାଳନା ଏବଂ କାର୍ଯ୍ୟାନୁଷ୍ଠାନରେ କେଉଁ ସମସ୍ୟା ରହିଛି କି ବୋଲି ପ୍ରଶ୍ନ ପଚାରିଥିଲେ l
ଏହାର ଲିଖିତ ଉତ୍ତର ରେ କେନ୍ଦ୍ର ଆଦିବାସୀ କାର୍ଯ୍ୟ ରାଜ୍ୟ ମନ୍ତ୍ରୀ ଶ୍ରୀ ଦୁର୍ଗାଦାସ ଉଇକେ କହିଥିଲେ ଯେ ଏହା ମୁଖ୍ୟତଃ ରାଜ୍ୟ ବିଷୟ ସେଥିପାଇଁ ଓଡିଶାରେ ପେସା ଆଇନ ବ୍ୟବସ୍ଥାକୁ ଓଡିଶା ଗ୍ରାମ ପଞ୍ଚାୟତ ଆଇନ ୧୯୬୪ ରେ ସାମିଲ କରାଯାଇଛି। ପେସା ନିୟମ ୨୦୨୩ ର ଖସଡା ୧୦ ନଭେମ୍ବର ୨୦୨୩ରେ ପ୍ରକାଶିତ ହୋଇଥିଲା ଓ ବର୍ତ୍ତମାନ ଶେଷ ପର୍ଯ୍ୟାୟରେ ଅଛି।
ସରକାର ସ୍ୱୀକାର କରିଛନ୍ତି ଯେ ନିୟମ ପ୍ରକାଶନ ରେ ବିଳମ୍ବ, ଜାଗୃକତାର ଅଭାବ, କ୍ଷମତା ଗଠନର ଅଭାବ ଓ ଗ୍ରାମ ସଭାର କମ୍ ସହଭାଗିତା ଏହାର ପ୍ରଭାବଶାଳୀ କାର୍ଯ୍ୟlନ୍ଵୟନ ବାଧା ସୃଷ୍ଟି କରୁଅଛି ।
କେନ୍ଦ୍ର ସରକାର ପେସା ଆଇନ ର ୧୦ଟି ସୂଚକ ମାଧ୍ୟମରେ ଏହାର ନିରୀକ୍ଷଣ କରୁଛନ୍ତି।
ସାଂସଦ ଶ୍ରୀ ବିଶି ଜୋର ଦେଇ କହିଛନ୍ତି ଯେ ପେସା ଆଇନ କୁ  ନିର୍ଦ୍ଧିଷ୍ଟ ସମୟସୀମା ମଧ୍ୟରେ କାର୍ଯ୍ୟକlରି କରାଯାଉ, ଗ୍ରାମ ସଭାକୁ ସମ୍ପୂର୍ଣ କ୍ଷମତା ପ୍ରଦାନ କରାଯାଉ  ଓ ଆଦିବାସୀ ମାନଙ୍କୁ ସଶକ୍ତିକରଣ କରାଯାଉ, ଯାହା ଦ୍ୱାରା ଆଦିବାସୀ ଅଞ୍ଚଳରେ ପ୍ରକୃତ ସ୍ୱଶାସନ ସୁନିଶ୍ଚିତ ହେବ।
“ଗ୍ରାମ ସଭା ଶକ୍ତିଶାଳୀ ହେଲେ ଆଦିବାସୀ ସ୍ୱୟଂ ଶାସନ ବ୍ୟବସ୍ଥା ମଜବୁତ ହୋଇପାରିବ l