21-Mar-2026

ବଲାଙ୍ଗିର- ସଦାଇପାଲି ରାମଜୀ ଯୁବକ ସଂଘ ତରଫରୁ ପଲ୍ଲିଶ୍ରୀ ବିହାର ସ୍ଥିତ ରାଧାକୃଷ୍ଣ ମଣ୍ଡପ ରେ ଗତ ବୁଧବାର ରୁ ଚାଲିଥିବା ରାଜ୍ୟ ସ୍ତରୀୟ କୋଶଲି ନାଟବାଦୀ-ନାଟଯାତ୍‌ରା ଆଜି ଉଦ୍‌ଯାପିତ ହୋଇଯାଇଛି । ଅଜିର ଉଦଯାପନ ଉତ୍ସବ ରେ ସାମାଜିକ କର୍ମୀ ସୁଲୋଚନା ମିଶ୍ର ମାଁ ସମଲେଇଶ୍ୱରୀ ଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରି ପୁଜାର୍ଚ୍ଚନା ପରେ ନାଟ୍ୟ ନିର୍ଦ୍ଦେଶକ୰ଉଗ୍ରେସନ ଷଡଙ୍ଗି ଓ ଲୀଳା ନାଟକ କଳାକାର ୰ ପବିତ୍ର ନାଏକ ଙ୍କ ସ୍ମୃତି ରେ ମଞ୍ଚ ସମର୍ପଣ କରାଯାଇଥିଲା । ସାଇଟ୍ କଲେଜ ର ପ୍ରତିଷ୍ଠାତା ତଥା ବିଶିଷ୍ଟ ସମାଜସେବୀ ଡ. ଶ୍ରୀକର ମିଶ୍ର ଅତିଥି ପରିଚୟ ପ୍ରଦାନ କରି ସ୍ୱାଗତ ଭାଷଣ ଦେଇଥିଲେ । ଏହି ଅବସର ରେ ଦିର୍ଘ ଅର୍ଦ୍ଧ ଶତାଦ୍ଧି ଧରି ତାଙ୍କ ସଂସ୍ଥା କିପରି କ୍ରୀଡାର ତଥା ନାଟକ ର ଉନ୍ନତି ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ରେ ଯୋଡି ହୋଇ ଶିକ୍ଷା, ସ୍ୱାସ୍ଥ୍ୟ, ପରିବେଶ ତଥା ଅର୍ଥନୈତିକ ଉନ୍ନତି ରେ ଆଗେଇ ଚାଲି ସମସ୍ତଙ୍କ ର ଆସ୍ଥାଭାଜନ ହୋଇପରିଛି, ତାହା ସଂକ୍ଷେପରେ ବର୍ଣ୍ଣନା କରିଥିଲେ । ମୁଖ୍ୟ ଅତିଥି ଭାବରେ ଯୁବ ନେତା ଗୋପାଳଜୀ ପାଣିଗ୍ରାହୀ ଓ ସମ୍ମାନୀତ ଅତିଥି ଭାବରେ ସଫଳ ଉଦ୍ୟୋଗୀ କିଶୋର ରଥ ଯୋଗଦାନ କରି ନାଟକ ଜରିଆରେ କେବଳ ଭାଷା କାହିଁକି ସମାଜ କୁ ଉଚିତ ମାର୍ଗ ଦର୍ଶନ କରିପାରିବ ବୋଲି କହିଥିଲେ । ପୁନଶ୍ଚ ଏହି ସଂସ୍ଥା ବିଭିନ୍ନ

ଜନହିତକର କାର୍ଯ୍ୟ କରି ଜିଲ୍ଲାର ଗୌରବ ବଢାଉଛି ବୋଲି କହିଥିଲେ । ସାଇଟ୍ କଲେଜ ସଂପାଦକ ଡ. ନାରାୟଣ ପ୍ରସାଦ ମିଶ୍ର ଅଧ୍ୟକ୍ଷତା କରି ଏମିତି ସମସ୍ତଙ୍କ ଠାରୁ ସହଯୋଗ ମିଳିଲେ ଆଗକୁ ଅନ୍ୟ ଜିଲ୍ଲାମାନଙ୍କୁ ସାମିଲ କରି ନାଟବାଦୀ କୁ ଆହୁରି ଆକର୍ଶଣିୟ କରିପାରିବା ବୋଲି କହିଥିଲେ । ଏହି ଅବସରରେ ନାଟ୍ୟ କଳାକାର ସମ୍ବଲପୁର ର ତୁଷାରରଂଜନ ବାରିକ , ବିନିକାର ଗୋପାଳଚନ୍ଦ୍ର ପଣ୍ଡା ଓ ବଲାଙ୍ଗିରର ରାମଚନ୍ଦ୍ର ବିଶ୍ୱାଳଙ୍କୁ ନାଟକ ପ୍ରତିଭା ସମ୍ମାନ ରେ ସମ୍ମାନୀତ କରାଯାଇଥିଲା । ଶେଷରେ ରାମପ୍ରସାଦ ଦାଶ ଧନ୍ୟବାଦ ଅର୍ପଣ କରିଥିଲେ । ତାପରେ ଅଧ୍ୟାପକ ଅଶୋକ ବେହେରାଙ୍କ ନିର୍ଦ୍ଦେଶନା ରେ ବରଗଡ ସୌଖିନ କଳାକାର ସଂଘ ର କଳାକାର ମାନେ ପରିବେଶଣ କରିଥିଲେ ନାଟକ “କାଠର ଚୌକି” । ପରେ ପରେ ସାଇଟ୍ କଲେଜ ର ଛାତ୍ରଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ସହ ସାଇଟ୍ ନର୍ସିଂ କଲେଜ ର ନିର୍ଦ୍ଦେଶିକା ତୃପ୍ତିମୟୀ ମିଶ୍ର, ନମିତା ପଟେଲ, ସ୍ନିଗଧାମିନତି ଦାନୀ, ଲୋପାମୁଦ୍ରା ମିଶ୍ର, ଅନ୍ୱେଷା ସିଂହଦେଓ, ବିଉଟି ମେହର, ହେମନ୍ତୀ ମେହେର, ଆଦ୍ୟାଶା ବେହେରା, ନୀରୁପମା ସତ୍‌ନାମୀ, ବୃନ୍ଦାବନ ମହାକୁର, ଅଶୋକ ପଧାନ, ପ୍ରଶାନ୍ତ ତ୍ରିପାଠୀ, ସନ୍ତୋଷ ବ୍ରହ୍ମା, ଆଦିତ୍ୟ ପଟ୍ଟନାୟକ, ବୁଲୁ ମିଶ୍ର, ପ୍ରହଲ୍ଲାଦ ଦର୍ଜି, ପ୍ରଫୁଲ୍ଲ ମିଶ୍ର, ପ୍ରେମାନନ୍ଦ ସାଏ, ମିଲି ବାରିକ, ଲୋକନାଥ ସିଂହ ଆଦି ସହଯୋଗ କରିଥିଲେ ।