21-Mar-2026

ଓଡିଆ ସାହିତ୍ୟ ସେବା ଓ ସୁରକ୍ଷା ଅନୁଷ୍ଠାନ ଆନୁକୁଲ୍ୟ ରେ ସଭାପତି ଶ୍ରୀମତୀ ରଶ୍ମି ପାତ୍ରଙ୍କ ସଭାପତିତ୍ଵ ରେ ମଞ୍ଚ ପରିଚାଳନା ସହ  ବିଶ୍ଵ ପଖାଳ ଦିବସ ଓ ବିଶ୍ଵ କବିତା ଦିବସ ଉପଲକ୍ଷେ ଏକ ବହୁଭାଷୀ କବିତା ଆସର ଆଭାସୀ ମାଧ୍ୟମରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ବରିଷ୍ଠ ସାହିତ୍ୟିକା ତଥା ବିଶ୍ଵ ହିନ୍ଦୁ ପରିଷଦ ର ପ୍ରାନ୍ତ ମାତୃଶକ୍ତି ସଂଯୋଜିକା ସରସ୍ଵତୀ ନନ୍ଦ ଓ ପ୍ରକୃତି ବନ୍ଧୁ ଡ. ଡୋଲାମଣି ଶତପଥୀ,ବରଗଡ ରୁ ଯୋଗଦାନ ଦେଇ ନିଜ ମତାମତ ପ୍ରଦାନ କରି ପଖାଳ  ଓ କବିତା ର ଜୀବନ ସହ ମହତ୍ଵ ଓ ଗୁଣକାରୀ ସମ୍ପର୍କରେ ଆଲୋକପାତ କରିଥିଲେ ।  ଏଥିରେ ବହୁ ସାହିତ୍ୟ ପ୍ରେମୀ ଯୋଗଦାନ ପୂର୍ବକ କବିତା ପଠନ କରି ଆସର ଟିକୁ ସାଫଲ୍ୟ ମଣ୍ଡିତ କରିଥିଲେ  । ଅନୁଷ୍ଠାନ ର ସମ୍ପାଦକ ଶ୍ରୀ ଦିଲୀପ କୁମାର ପୁରୋହିତ ମଧ୍ୟ ବାସ୍ତବ ଜୀବନରେ କବିତାର କଣ ସବୁ ଆବଶ୍ୟକତା ଅଛି ତାହା ଆଲୋଚନା କରିଥିଲେ ଓ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ସହ ସମ୍ପାଦିକା ମମତା ପାତ୍ର ସ୍ୱାଗତ ସଂଙ୍ଗୀତ ଓ କଣ୍ଠଶିଳ୍ପୀ ଶ୍ରୀମତୀ ଚୁମ୍ କି ଦାସ  ଉପସ୍ଥାପନା ସହ ସୁଲଳିତ କଣ୍ଠରେ ଦେଶ ବନ୍ଦନା ଗାନ କରିଥିଲେ । ଶ୍ରୀ ଭବାନୀ ଶଙ୍କର ପଟେଲ ମହୋଦୟ ନିଜ ସଂକ୍ଷିପ୍ତ ବକ୍ତବ୍ୟରେ ଭିନ୍ନ ଭିନ୍ନ  ପଖାଳ ବିଷୟରେ କହିଥିଲେ ଓ ଏହା ମଧ୍ୟ ଉଲ୍ଲେଖ କରିଥିଲେ ଯେ ଏମିତି ଆସର ବଲାଙ୍ଗିର ରେ ପ୍ରଥମ ଥର ଅନୁଷ୍ଠିତ ହେଲା କହି ଧନ୍ୟବାଦ ଜଣାଇଲେ  ।  ସୁଷମା ଦାସ ,ଶ୍ରୀମତୀ ନିରୁପମା ମିଶ୍ର , ଶ୍ରୀମତୀ ଶୁକୁନ୍ତଳା ପାତ୍ର,  ସରସ୍ଵତୀ ମିଶ୍ର , ମିନାକ୍ଷୀ ପାତ୍ର, ଜାନକୀ ସୁବୁଦ୍ଧି,ଶ୍ରୀ ମନୋଜ କୁମାର ପାତ୍ର  ଯୋଗଦାନ କରି  ପ୍ରତି ମାସରେ ଏମିତି ଆସର ହେଉ କହି ମତାମତ ଦେଲେ । ଖୁବ ଉଚ୍ଚକୋଟିର ଆସର ଥିଲା କହି ସମସ୍ତେ ନିଜ ନିଜ ବକ୍ତବ୍ୟ ରଖି ଆସର ର ସମାପ୍ତି ଘୋଷଣା କରାଯାଇଥିଲା ॥