20-Mar-2026

ନର୍ଲା   (ଚିନ୍ତାମଣି ନାଏକ ): ଜନଗଣନା-୨୦୨୭ ପାଇଁ ନର୍ଲା ସ୍ଥିତ ପଞ୍ଚାୟତ ସମିତି ନୋଡାଲ ଉଚ୍ଚ ବିଦ୍ୟାଳୟ ଠାରେ ଗତ ୧୬.୦୩.୨୦୨୬ ରୁ ଜନଗଣନା ତାଲିମ ଶିବିର ଅନୁଷ୍ଠିତ ହୋଇଯାଇଛି | ନର୍ଲା ତହସିଲଦାର ତଥା ଜନଗଣନା ଅଧିକାରୀ ଶ୍ରୀ ବିଭୁପ୍ରସାଦ ସିଂ ଙ୍କ ନେତୃତ୍ବରେ ୨୩୩ ଜଣ ଜନଗଣନାକାରୀ ଓ ୪୨ ଜଣ ସୁପରଭାଇଜରଙ୍କୁ ନେଇ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ଏଥିରେ। ଅତିରିକ୍ତ ତହସିଲଦାର ଶ୍ରୀ ମନୋରଞ୍ଜନ ନାୟକ, ବରିଷ୍ଠ ରାଜସ୍ୱ ସହାୟକ ଅଜିତ କୁମାର ସାହୁ ଓ ଭାଗୀରଥି ନାଏକ,ଟେକ୍ନିକାଲ ଆସିଷ୍ଟାଣ୍ଟ ଙ୍କ ପରିଚାଳନା ରେ  ଏହି କାର୍ଯ୍ୟକ୍ରମ ଆସନ୍ତା ମାର୍ଚ୍ଚ ୨୫ ତାରିଖ ପର୍ଯ୍ୟନ୍ତ ଚାଲିବ । ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସୁସ୍ମିତା ସୁନାମୁଣ୍ଡି ଶିବିର ପରିଚାଳନାରେ ସହଯୋଗ କରିଥିବା ବେଳେ
ଜନଗଣନା ୨୦୨୭ (ପର୍ଯ୍ୟାୟ ୧) ପାଇଁ ଗଣନାକାରୀ ଓ ପର୍ଯ୍ୟବେକ୍ଷକ ତାଲିମ ଶିବିର ଅନୁଷ୍ଠିତ ହୋଇଛି । ଗୃହ ତାଲିକାକରଣ ପରିଚାଳନା ଓ ଗୃହ ଜନଗଣନା ପାଇଁ ୧୬ ତାରିଖରୁ ଆରମ୍ଭ ହୋଇ ଚଳିତ ମାସ ୨୫ ତାରିଖ ପର୍ଯ୍ୟନ୍ତ (୯ ଦିନ ଧରି ଏହି ତାଲିମ ଶିବିର) ଅନୁଷ୍ଠିତ ହେବ । ପ୍ରଥମ କରି ଏହି ଜନଗଣନା ଏକ ନୂଆ ରୂପରେ; ଯାହାକି ଡିଜିଟାଲ ମୋଡରେ କରାଯିବ ବୋଲି ତହସିଲଦାର ଓ ଅତିରିକ୍ତ ତହସିଲଦାର ଦୁଇ ଅଧିକାରୀ ସୂଚନା ଦେଇଛନ୍ତି । ଏହି ତାଲିମ୍ ଶିବିରରେ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ତାଲିମ୍ ଦେବାପାଇଁ ଚାରିଜଣ ତାଲିମ୍ ପ୍ରାପ୍ତ ତାଲିମ ଦାତା(ଶ୍ରୀମତୀ ସଙ୍ଘମିତ୍ରା ପଣ୍ଡା, କୌଶଲ୍ୟା ଗଡବା, ସୁରେଶ ଚନ୍ଦ୍ର ନାଏକ ଓ ବିକ୍ରମ ହରିଜନ) ଫିଲ୍ଡ ଟ୍ରେନର କୁ ନିଯୁକ୍ତି କରାଯାଇଅଛି।୨୦୧୧ ଜନଗଣନା ପରେ ଏହି ଜନଗଣନା କାର୍ଯ୍ୟକ୍ରମ ପ୍ରଥମ କରି ସମ୍ପୂର୍ଣ୍ଣ ଡିଜିଟାଲ ମୋଡରେ ହେବ | ଏଣୁ ୯ ଦିନ ବ୍ୟାପୀ ନିୟୋଜିତ ହେବାକୁ ଥିବା ଗଣନାକାରୀ ଓ ପର୍ଯ୍ୟବେକ୍ଷକଙ୍କୁ ପୁଙ୍ଖାନୁପୁଙ୍ଖ ଭାବେ ତାଲିମ ଦେବାର କାର୍ଯ୍ୟକ୍ରମ ରହିଛି I ନର୍ଲା ତହସିଲଦାର ଓ ଅତିରିକ୍ତ ତହସିଲଦାରଙ୍କ ତତ୍ତ୍ୱାବଧାନରେ ଏହି ଶିବିରକୁ ଶୁଭାରମ୍ଭ କରି ଡିଜିଟାଲ ମୋଡରେ ଓ  କିଭଳି ନିର୍ଭୂଲ ଭାବରେ ଜନଗଣନା କରିବେ ସେ ନେଇ ସମସ୍ତଙ୍କୁ ଅବଗତ କରିଥିଲେ ।ଏବଂ ତାଲିମ ସୁରୁଖୁରୁ ଭାବରେ ଚାଲିଥିବା  ଅତିରିକ୍ତ ତହସିଲଦାର ଶ୍ରୀ ମନୋରଞ୍ଜନ ନାୟକ ସୂଚନା ଦେଇଛନ୍ତି