20-Mar-2026

କଣ୍ଟାମାଳ(ଜୟ କୁମାର ମହାରଣା):  କଣ୍ଟାମାଳ ଥାନା ସମ୍ମୁଖରୁ  ୨କୁଇଣ୍ଟାଲ ୯୬କେଜି ଗଂଜେଇ ସହ ଏକ ଇନୋଭା କାର ଜବତ କରିଥିବାବେଳେ ଜଣେ ମାଫିଆକୁ ଗିରଫ କରି କୋର୍ଟ ଚାଲାଣ କରିଛି କଣ୍ଟାମାଳ ପୁଲିସ  l ଆଇଆଇସି ବାସୁଦେବ ଭୋଇଙ୍କ ତତ୍ବାବଧାନରେ କଣ୍ଟାମାଳ ପୁଲିସର ଏକ ଟିମ୍ କଣ୍ଟାମାଳ ଥାନା ଅଞ୍ଚଳରେ ପେଟ୍ରୋଲିଙ୍ଗ କରୁଥିଲା | ସେହି ସମୟରେ ଡ଼ୁମାଳପାଲି ପଟୁ କଣ୍ଟାମାଳ ଦିଗକୁ ଦ୍ରୁତଗତିରେ ଆସୁଥିବା ଏକ ଇନୋଭା କାରକୁ ପୁଲିସ ସନ୍ଦେହରେ ଅଟକାଇ ଯାଞ୍ଚ କରିଥିଲା l  ପୁଲିସକୁ ଦେଖି ମାଫିଆମାନେ ଦୌଡ଼ି ପଳାଉ ଥିବା ବେଳେ ପୁଲିସ ସେମାନଙ୍କୁ ଗୋଡ଼ାଇ ଜଣଙ୍କୁ କାବୁ କରିଥିବା ବେଳେ ଅନ୍ୟମାନେ ଖସିଯିବାରେ ସକ୍ଷମ ହୋଇଥିଲେ । ମାଜିଷ୍ଟ୍ରେଟ ଅତିରିକ୍ତ ତହସିଲଦାର ଧନଞ୍ଜୟ ସାହୁ ଙ୍କ ଉପସ୍ଥିତିରେ ଜବତ ଗଞ୍ଜେଇକୁ ଓଜନ କରିବାରୁ ତାହା ୨କୁଇଣ୍ଟାଲ ୯୬କେଜି ହୋଇଥିଲା l ଯାହାର ଆନୁମାନିକ ବଜାର ମୂଲ୍ୟ ୧୮ଲକ୍ଷରୁ ଉର୍ଦ୍ଧ୍ୱ l  ଗିରଫ ଅଭିଯୁକ୍ତ  ହେଲେ ସୁନ୍ଦରଗଡ଼ ଜିଲ୍ଲା

ରାଉରକେଲା ୧୩ନମ୍ବର ସେକ୍ଟର ଥାନା ଅନ୍ତର୍ଗତ ସେକ୍ଟର-୧ ର ଅନୁପ କିରୋ (୩୧)ବର୍ଷ ବୋଲି କଣ୍ଟାମାଳ ପୁଲିସ ସୂଚନା ଦେଇଛି  l ଏ ସମ୍ପର୍କରେ କଣ୍ଟାମାଳ ଥାନାରେ ଏନ୍‌ଡିପିଏସ୍ ଆକ୍ଟରେ ଏକ ମାମଲା ରୁଜୁ କରି ତଦନ୍ତ ଚାଲିଥିବା ସୂଚନା ମିଳିଛି। ଉକ୍ତ ଚଢ଼ଉରେ ଅନ୍ୟମାନଙ୍କ ମଧ୍ୟରେ ଏସଆଇ ପ୍ରକାଶ ଭୋଇ, ଏଏସଆଇ ଅଭୟ ପ୍ରଧାନ, ହାବିଲଦାର ହିମାଂଶୁ ଡାଙ୍ଗ,ମାନସ କୁମାର ପ୍ରଧାନ,  ହୋମଗାର୍ଡ ଲକ୍ଷ୍ମୀକାନ୍ତ ସାହୁ ସମେତ ଆଇଆରବି ଷ୍ଟାଫ ସାମିଲଥିଲେ   l