19-Mar-2026

ବରପାଲି,(ସୁଦାମ ଦୀପ)
ବରଗଡ ଜିଲ୍ଲା  ବରପାଲି ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିରରେ ହିନ୍ଦୁ ନବ ବର୍ଷ ପାଳନ ସହ ଓଡ଼ିଶା ସାହିତ୍ୟ ଏକାଡେମୀ,ଗଙ୍ଗାଧର ସାହିତ୍ୟ ପରିଷଦ ଏବଂ ସରସ୍ଵତୀ ଗୁ ଶିଶୁ  ବିଦ୍ୟା ମନ୍ଦିର ବରପାଲି ଙ୍କ ତରଫରୁ ସ୍ୱଭାବ କବି ଗଂଗାଧର ମେହେର ଙ୍କ ରାଜ୍ୟସ୍ତରୀୟ ଶ୍ରାଦ୍ଧୋତ୍ସବ ପାଳିତ ହୋଇଯାଇଛି । ଏହି ସଭାରେ ସମ୍ମାନୀତ ଅତିଥି ଭାବେ ବିଶିଷ୍ଟ ସମାଜ ସେବୀ ଶ୍ରୀଯୁକ୍ତ ମୋତିଲାଲ ଅଗ୍ରୱାଲ, ମୁଖ୍ୟବକ୍ତା ଭାବେ ସମ୍ବଲପୁର ବିଶ୍ଵ ବିଦ୍ୟାଳୟର ପରୀକ୍ଷା ନିୟନ୍ତ୍ରକ ଡକ୍ଟର ଉମେଶ ଚନ୍ଦ୍ର ମହାପାତ୍ର, ବିଶିଷ୍ଟ ଅତିଥି ଭାବେ ଶିକ୍ଷାବିତ ତଥା ଆଦର୍ଶ ଶିକ୍ଷକ ଶ୍ରୀଯୁକ୍ତ ଭୋଜରାଜ ସ୍ୱାଇଁ, ସ୍ୱାଗତ ଭାଷଣ ଓ ପରିଚୟ ଗଂଗାଧର ସାହିତ୍ୟ ପରିଷଦ ର କାର୍ଯ୍ୟକାରୀ ସଭାପତି ଡକ୍ଟର ଶୁକମୁନି ମେହେର, ପ୍ରାରମ୍ଭିକ ସୂଚ଼ନା ସରସ୍ଵତୀ ଶିଶୁ ବିଦ୍ୟାମନ୍ଦିର ବରପାଲି ର ସଭାପତି ଶଙ୍କର୍ଷଣ ମେହେର, ସଭାମୁଖ୍ୟ ଶ୍ରୀଯୁକ୍ତ ମନୋରଞ୍ଜନ ମେହେର ଓ କୃତଜ୍ଞତା ଜ୍ଞାପନ କରିଥିଲେ  ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ନିରଞ୍ଜନ ହୋତା।ଡକ୍ଟର ଉମେଶ  ଚନ୍ଦ୍ର ମହାପାତ୍ର ତାଙ୍କ ଭାଷଣରେ ଗଙ୍ଗାଧର ଙ୍କ ସାହିତ୍ୟ ର  ସୂକ୍ଷ୍ମା ତି ସୂକ୍ଷ୍ମ ଦର୍ଶନ ତତ୍ତ୍ଵ କୁ ଓଜସ୍ଵିନୀ ବକ୍ତବ୍ୟ ମାଧ୍ୟମ ରେ ଶ୍ରୋତାଙ୍କୁ ମନ୍ତ୍ରମୁଗ୍ଧ କରିଥିଲେ।ଠିକ୍ ସେହିପରି ଗଙ୍ଗାଧର ଙ୍କ ଉତ୍ତର ଦାୟାଦ ଡକ୍ଟର ପ୍ରଫେସର ମଣୀନ୍ଦ୍ର କୁମାର ମେହେର ଙ୍କ ଦୂରଭାଷ ମାଧ୍ୟମରେ ଶୁଭେଚ୍ଛା ବାର୍ତ୍ତା ମଧ୍ୟ ଶ୍ରୋତା ଙ୍କୁ ଶ୍ରବଣ ସହ ଡକ୍ଟର ମଣୀନ୍ଦ୍ର କୁମାର ମେହେର ଙ୍କ ଦ୍ଵାରା ରଚିତ ପୁସ୍ତକ "ଗଙ୍ଗାଧର ଙ୍କ ସମାଧି ମନ୍ଦିର" ଓ ଶ୍ରୀଯୁକ୍ତ ଭୋଜରାଜ୍  ସ୍ୱାଇଁ ଙ୍କ ରଚିତ ପୁସ୍ତକ "ଗଙ୍ଗାଧରଙ୍କ ସାହିତ୍ୟରେ ବିଜ୍ଞାନ" ପୁସ୍ତକ ର ଶୁଭ ଉନ୍ମୋଚନ କରାଯାଇଥିଲା ।ପ୍ରାରମ୍ଭିକ ସଙ୍ଗୀତ ଗାନ କରିଥିଲେ ଶିଶୁ ବିଦ୍ୟା ମନ୍ଦିରର ଭଉଣୀ ଗଣ।ଏହି କାର୍ଯ୍ୟକ୍ରମରେ ସମସ୍ତ ଗୁରୁଜୀ ଗୁରୁମା ସହଯୋଗ କରିଥିଲେ।