19-Mar-2026

ବଲାଙ୍ଗିର(ପ୍ରେରଣା ଖବର )-ଆସନ୍ତା ମାର୍ଚ୍ଚ ୨୨ ତାରିଖରୁ ୨୬ ତାରିଖ ପର୍ଯ୍ୟନ୍ତ ଦୀର୍ଘ ୫ଦିନ ଧରି ବଲାଙ୍ଗୀର ସହରର ତାଲପାଲିପଡା ଉତ୍ସବମୁଖର ହେବ । ତାଲପାଲିପଡାରେ ପୁନଃନିର୍ମିତ ଶ୍ରୀରାମମନ୍ଦିରର ବିଗ୍ରହପ୍ରତିଷ୍ଠା ଉତ୍ସବ ଓ ଚବିଶପ୍ରହର ନାମଯଜ୍ଞ ଅନୁଷ୍ଠିତ ହେବାକୁ ଯାଉଛି । ସେଥିପାଇଁ ।ୟୋଜକ କମିଟି ପକ୍ଷରୁ ବ୍ୟାପକ ପ୍ରସ୍ତୁତି କାର୍ଯ୍ୟକ୍ରମ ଚାଲିଛି । ମାର୍ଚ୍ଚ ୨୨ ତାରିଖ ରବିବାର ଦିନ କଳସ ଶୋଭାଯାତ୍ରା ତଥା ଅଧିବାସ କାର୍ଯ୍ୟକ୍ରମରୁ ଆରମ୍ଭ ହୋଇ ୨୫ ତାରିଖରେ ବିଗ୍ରହପ୍ରତିଷ୍ଠା ଓ ୨୬ ତାରିଖରେ ସିଂଘାସନ ଆରୋହଣ, ଗର୍ଭଗୃହରେ ଷଡଶଉପଚାର ପୂଜା ସହିତ ପୂର୍ଣ୍ଣାହତି କରାଯିବ । ପ୍ରତ୍ୟେକଦିନ ହୋମଯଜ୍ଞ ସହିତ ନାମସଂକିର୍ତ୍ତନ୍ୟ କରାଯିବ । ଶେଷଦିନରେ ଛତିଶଗଡ ଝାରବନ୍ଧ ଓ ଧାନବସାର ବୈଠକୀ କିର୍ତ୍ତନ ମୁଖ୍ୟଆକର୍ଷଣ ରହିଛି । ତାଲପାଲିପଡାର ବିଶିଷ୍ଟବ୍ୟକ୍ତିଙ୍କୁ ନେଇ ଆୟୋଜକକମିଟି ଗଠନ କରାଯାଇଛି । ପଡାର ସମସ୍ତେ ସହଯୋଗର ହାତବଢାଉଛନ୍ତି । ପଡାର ସମସ୍ତବର୍ଗର ଲୋକ ଏଥିରେ ସାମିଲ ହୋଇଛନ୍ତି । ରାଜନୈତିକ ଭେଦଭାବ ଦୂରରେ ରହି ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ଯୁବଗୋଷ୍ଠୀ ବାହାରିଛନ୍ତି । ଗତ ୨ବର୍ଷ ତଳେ ମନ୍ଦିରର ମୁଣ୍ଡି ମରାଯାଇଥିଲା । ସେତେବେଳେ ମଧ୍ୟ ଏକ ବଡ କାର୍ଯ୍ୟକ୍ରମ କରାଯାଇଥିଲା।ଏବେ ମନ୍ଦିରର ବିଗ୍ରହପ୍ରତିଷ୍ଠା ଉତ୍ସବକୁ ସମସ୍ତେ ଧୂଢମଧାମରେ ମନାଇବାକୁ ଆଗେଇ ଆସିଛନ୍ତି । ମନ୍ଦିରର ପୁନଃନିର୍ମାଣରେ ପଡାବାସୀଙ୍କ ସହଯୋଗ ସହିତ ବିଭିନ୍ନ ରାଜନେତାଙ୍କର ସହାୟତା ମଧ୍ୟ ରହିଛି । ପ୍ରକାଶ ଯେ,ଦିର୍ଘବର୍ଷ ପୂର୍ବରୁ ତାଲପାଲିପଡାରେ ରାମଲିଲା ନାଟକ ଅନୁଷ୍ଠିତ ହୋଇଆସୁଥିଲା । ଗଉଁତିଆ ଦୁର୍ଗାପ୍ରସାଦ ସାଏଙ୍କ ଉଦ୍ୟମରେ ତଥା ତାଙ୍କର ଜମିଦାନରେ ଏଠାରେ ଏକ ଶ୍ରୀରାମ ମନ୍ଦିର ଗଢିଉଠିଥିଲା । ତେବେ ମନ୍ଦିରର ପୁନଃନିର୍ମାଣର ଆବଶ୍ୟକତା ପଡିବାରୁ ପଡାବାସୀଙ୍କ ମିଳିତ ଉଦ୍ୟମରେ ସରକାରୀ ଅନୁଦାନ ମନ୍ଦିରର ପୁନଃନିର୍ମାଣ କରାଯାଇଛି ।