12-Mar-2026

ବଲାଙ୍ଗିର ଜିଲ୍ଲା ଛାତ୍ର କଂଗ୍ରେସ (ଏନ୍‌ଏସ୍‌ୟୁଆଇ) ସଭାପତି ଚିନ୍ମୟ ବେହେରାଙ୍କ ନେତୃତ୍ୱରେ ଛାତ୍ର କଂଗ୍ରେସ ତରଫରୁ ରାଜେନ୍ଦ୍ର ବିଶ୍ୱ ବିଦ୍ୟାଳୟର କୁଳପତି ଓ କୁଳସଚିବ ଙ୍କୁ ଆଜି ଏକ ଦାବିପତ୍ର ପ୍ରଦାନ କରାଯାଇଛି । ଛାତ୍ର ଛାତ୍ରୀମାନଙ୍କ ସୁବିଧା ଓ ସୁରକ୍ଷା କୁ ଦୃଷ୍ଟିରେ ରଖି ଜିଲ୍ଲା ଛାତ୍ର କଂଗରେସ ପକ୍ଷରୁ ନୂତନ ଏକାଡେମିକ ବିଲଡିଂ ସମ୍ମୁଖରେ ଏକ ସୁବ୍ୟବସ୍ଥିତ ପାର୍କିଂ ଜୋନ ସୃଷ୍ଟି କରିବା ସହିତ ବିଶ୍ୱ ବିଦ୍ୟାଳୟ ରାସ୍ତାରେ ସ୍ପୀଡ ବ୍ରେକର ଓ ସ୍ପୀଡ ସିଗନାଲ ସ୍ଥାପନ କରିବାକୁ ଦାବି କରାଯାଇଛି । ଛାତ୍ର କଂଗ୍ରେସ ସଭାପତି ଚିନ୍ମୟ

ବେହେରାଙ୍କ କହିବା ଅନୁଯାୟୀ, ବିଶ୍ୱ ବିଦ୍ୟାଳୟ ମାର୍ଗରେ ଯାନବାହନ ର ଗତି ଅଧିକ ଥିବାରୁ ଛାତ୍ର ଛାତ୍ରୀମାନେ ଅନେକ ସମୟରେ ଅସୁରକ୍ଷିତ ଅନୁଭବ କରୁଛନ୍ତି । ଏହା ସହିତ ନୂତନ ଏକାଡେମିକ ବିଲଡିଂ ପାଖରେ ପାର୍କିଂ ବ୍ୟବସ୍ଥା ନ ଥିବାରୁ ଛାତ୍ର ଛାତ୍ରୀମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି । ଏହା ପରେ କୁଳପତି ଓ କୁଳ ସଚିବ ମହୋଦୟ ଛାତ୍ର ପ୍ରତିନିଧିମାନଙ୍କୁ ଆଶ୍ୱାସନା ଦେଇ କହିଥିଲେ ଯେ, ଯଥା ଶିଘ୍ର ଏହି ସମସ୍ତ ଦାବି ଗୁଡିକ ପୁରଣ କରାଯିବ ।