12-Mar-2026

ବଲାଙ୍ଗିର-ଦୁଇ ବିଭାଗର ଭିନ୍ନ ନିର୍ଦ୍ଦେଶ ନେଇ ପ୍ରଶାସନିକ ମହଳରେ ଚର୍ଚ୍ଚା।
ଓଡ଼ିଶା ସରକାରଙ୍କ ଦୁଇଟି ସରକାରୀ ପତ୍ରକୁ ନେଇ ବିଭିନ୍ନ ବିଭାଗରେ ଅସମଞ୍ଜସ ସୃଷ୍ଟି ହୋଇଛି।
Centre for Modernizing Government Initiative (CMGI) ପକ୍ଷରୁ ଜାରି ସୂଚନା ଅନୁସାରେ HRMS Odisha ସର୍ଭରର maintenance କାମ ପାଇଁ ୧୪ ମାର୍ଚ୍ଚ ୨୦୨୬ ସକାଳ ୯ଟାରୁ ୧୬ମାର୍ଚ୍ଚ ୨୦୨୬ରାତି ୯ଟା ପର୍ଯ୍ୟନ୍ତ ସର୍ଭର ବନ୍ଦ ରହିବ।ଏହି ସମୟରେ HRMS ମାଧ୍ୟମରେ କୌଣସି online କାମ କରିହେବ ନାହିଁ ବୋଲି ସୂଚନା ଦିଆଯାଇଛି।
କିନ୍ତୁ ଅନ୍ୟପଟେ ଓଡ଼ିଶା ସରକାରଙ୍କ ଅର୍ଥ ବିଭାଗ ପକ୍ଷରୁ ଜାରି ହୋଇଥିବା ଅନ୍ୟ ଏକ ପତ୍ରରେ ୨୦୨୫-୨୬ ଆର୍ଥିକ ବର୍ଷ ସମ୍ପର୍କିତ କିଛି ବିଲ୍ ଦାଖଲ ପାଇଁ ୧୬ମାର୍ଚ୍ଚକୁ ଶେଷ ତାରିଖ ଭାବେ ଧାର୍ଯ୍ୟ କରାଯାଇଛି।
ସର୍ଭର ବନ୍ଦ ଥିବା ସମୟରେ ବିଲ୍ ଦାଖଲ କରିବା ସମ୍ଭବ ନ ଥିବାରୁ ବିଭିନ୍ନ ବିଭାଗର କର୍ମଚାରୀ ଓ ଅଧିକାରୀମାନେ ଅସୁବିଧାର ସମ୍ମୁଖୀନ ହେବେ ବୋଲି ମତ ପ୍ରକାଶ ପାଇଛି।
ଏହି ଦୁଇଟି ନିର୍ଦ୍ଦେଶକୁ ନେଇ ସରକାରୀ ବିଭାଗ ମାନଙ୍କ ମଧ୍ୟରେ ସମନ୍ୱୟ ଅଭାବ ଥିବ କି ନାହିଁ ବୋଲି ପ୍ରଶ୍ନ ଉଠୁଛି।ପ୍ରଶାସନିକ ମହଳରେ ଏହାକୁ ନେଇ ଚର୍ଚ୍ଚା ଚାଲିଛି ଓ ସ୍ପଷ୍ଟ ନିର୍ଦ୍ଦେଶ ପାଇଁ ଅନେକେ ଅପେକ୍ଷା କରିଛନ୍ତି।ଓଡ଼ିଶା ସରକାର ଙ୍କ ଏ ପ୍ରକାର ଅଜବ ନୀତି ସାଧାରଣରେ ଅସନ୍ତୋଷ ସୃଷ୍ଟି କରିଛି।