10-Mar-2026

କଟକ(ପ୍ରେରଣା ଖବର): ଆଜି ସରସ୍ୱତୀ ଶିଶୁ ବିଦ୍ୟା ମନ୍ଦିର, ତୁଳସୀପୁର ଠାରେ ଚଳିତ ୨୦୨୫-୨୬ ବର୍ଷ ୧୦ମ ଶ୍ରେଣୀ ବୋର୍ଡ ପରୀକ୍ଷା ଦେଇଥିବା ଛାତ୍ରଛାତ୍ରୀ ମାନଙ୍କ ଅଭିଭାବକ ମାନଙ୍କ ଦ୍ୱାରା ଉକ୍ତ ବିଦ୍ୟାଳୟ ଏବଂ ଏହାର ଗୁରୁମା/ଗୁରୁଜୀ ତଥା ସେବିକା/ସେବକଙ୍କୁ ସେମାନଙ୍କର ଦୀର୍ଘ ଏକ ଦଶଦ୍ଧିରୁ ଉର୍ଦ୍ଧ୍ୱ ସମୟ ଧରି ପିଲାମାନଙ୍କର ଅଧ୍ୟୟନ ଯାତ୍ରାରେ ଅବଦାନ ନିମନ୍ତେ ଏକ କୃତଜ୍ଞତା ଅର୍ପଣ ଉତ୍ସବର ଆୟୋଜିତ ହୋଇ ଥିଲା। ଉକ୍ତ ଉତ୍ସବରେ ବିଦ୍ୟାଳୟର ପରିଚାଳଣା ସମିତିର ଶର ଦାସ ଏବଂ ସଂଜୟ 

ପଟ୍ଟନାୟକଙ୍କ ସହିତ ସମସ୍ତ ଶିକ୍ଷକ ଏବଂ ଅଣଶିକ୍ଷକ କର୍ମଚାରୀଙ୍କୁ ସମ୍ବର୍ଦ୍ଧିତ କରାଯିବା ସହ ଏକ ସ୍ମୃତିଫଳକ ପ୍ରଦାନ କରାଯାଇଥିଲା । ଅଭିଭାବକ ତଥା ଖ୍ରୀଷ୍ଟ ମହାବିଦ୍ୟାଳୟର ଅଧ୍ୟାପକ ଡ.କୃତ୍ତିବାସ ଷଡଙ୍ଗୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବିଦ୍ୟାଳୟର ନିକଟ ଅତିତରେ ଅବସରପ୍ରାପ୍ତ ପ୍ରଧାନ ଆଚାର୍ଯ୍ୟ ନାରାୟଣ ପ୍ରସାଦ ଷଡଙ୍ଗୀଙ୍କୁ ବିଶେଷ ସମ୍ବର୍ଦ୍ଧନା ପ୍ରଦାନ କରାଯାଇଥିଲା ।
 ଉକ୍ତ ଉତ୍ସବରେ ସମସ୍ତ ୧୦ମ ଶ୍ରେଣୀର ଛାତ୍ରଛାତ୍ରୀ ଏବଂ ଅଭିଭାବକ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ ।
 ଚିତ୍ତରଂଜନ ଭୁକ୍ତା, କୈଳାସ ସାହୁ, ଶକ୍ତି ମାନସ ନାୟକ, କାମିନୀ ମୋହନ ପଟ୍ଟନାୟକ ଓ  ଅକ୍ଷୟ କୁମାର ସେଠୀ ଆଦି କାର୍ଯ୍ୟକ୍ରମ ପରିଚାଳନା କରିଥିଲେ।