08-Mar-2026

ବରପାଲି :(ସୁଦାମ ଦୀପ) ପେସ୍ ଫାଉଣ୍ଡେସନ୍ ଓ ପିଙ୍କଉଡ୍ ଦ୍ଵାରା ପ୍ରଯୋଜିତ ଗୀତିନାଟ୍ୟ ‘ଅଭିମନ୍ୟୁ ବଧ’ ଭୁବନେଶ୍ୱର ସ୍ଥିତ ରବୀନ୍ଦ୍ର ମଣ୍ଡପରେ ମଞ୍ଚସ୍ଥ ହୋଇଯାଇଛି। ସରକାରୀ ଉଚ୍ଚବିଦ୍ୟାଳୟ ଖଣ୍ଡଗିରି, ଜାଗମରା ଓ ସରକାରୀ ଉଚ୍ଚବିଦ୍ୟାଳୟ ବ୍ରହ୍ମେଶ୍ଵରର କୁନି କୁନି ବିଦ୍ୟାର୍ଥୀମାନେ ନିଖୁଣ ଅଭିନୟ କରିଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଯୋଗଦେଇ କହିଲେ ଯେ ଆମ ସମୃଦ୍ଧ ପରମ୍ପରାକୁ ଭୁଲି ଯାଉଥିବା
ଯୁବପିଢ଼ିକୁ ନାଟକ ମାଧ୍ୟମରେ ପୁରୁଣା ସମୟ ସହିତ ଯୋଡ଼ିବାର ଆବଶ୍ୟକତା ରହିଛି। ସମ୍ମାନିତ ଅତିଥି
ଭାବେ ଏକାମ୍ର ବିଧାୟକ ବାବୁ ସିଂ, ବରଗଡ ଲୋକସଭା ସାଂସଦ ପ୍ରଦୀପ ପୁରୋହିତ, ଉଦ୍ୟୋଗୀ ସୁରେଶ ପାଣିଗ୍ରାହୀ, ଗାଳ୍ପିକ ଦେବପ୍ରସାଦ ଦାଶ, ନିଶିକାନ୍ତ ମିଶ୍ର, ଅଭିନେତ୍ରୀ ରାଖି ଦାଶ ଓ ସରକାରୀ ଉଚ୍ଚବିଦ୍ୟାଳୟ ଖଣ୍ଡଗିରିର ପ୍ରଧାନ ଶିକ୍ଷୟିତ୍ରୀ କବିତା ଦଣ୍ଡପାଟ ଯୋଗଦେଇଥିଲେ।  ଅଭିନେତ୍ରୀ ପିଙ୍କି ପ୍ରଧାନଙ୍କ ମାର୍ଗଦର୍ଶନରେ ନାଟକ ମଞ୍ଚସ୍ତ ହୋଇଥିଲା। ସାତ୍ତ୍ଵିକ ରାଜା ଓ ରାଜେଶ ମଲ୍ଲିଆ ନାଟକର ନିର୍ଦ୍ଦେଶନା ଦେଇଥିଲେ। ଅଜୟ ଚୌଧୁରୀ ସଂଗୀତ ନିର୍ଦ୍ଦେଶନା ଦେଇଥିଲେ ଏବଂ ପୁଷ୍ପାଞ୍ଜଳି ନୃତ୍ୟ ନିର୍ଦ୍ଦେଶନା ଦେଇଥିଲେ ।