28-Feb-2026

ସୋନପୁର ( ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ବନ ବିଭାଗର ପଟାଭାଡ଼ି ନର୍ସରୀ ଠାରେ  ଏକ ବିଦାୟ କାଳୀନ ସମ୍ବର୍ଧନା ସଭାର ଅୟୋଜନ ହୋଇଥିଲା । ସଭାରେ ସୁବର୍ଣ୍ଣପୁର ଜିଲ୍ଲା ବନଖଣ୍ଡ ଅଧିକାରୀ ଶ୍ରୀ ମଦନଲାଲ ଶର୍ମାଙ୍କୁ ଅବସରକାଳୀନ ଭବ୍ୟ ସମ୍ବର୍ଧନା ଜ୍ଞାପନ କରାଯାଇଥିଲା । ଏହି ସଭାରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଏସପି ଶ୍ରୀ ନାରାୟଣ ନାଏକ ଓ ସ୍ବତନ୍ତ୍ର ଅତିଥି ଭାବେ ବଲାଙ୍ଗିର ଜିଲ୍ଲା ବନଖଣ୍ଡ ଅଧିକାରୀ ତଥା ନୂତନ ଭାବରେ ସୁବର୍ଣ୍ଣପୁର ଜିଲ୍ଲା ଭାରପ୍ରାପ୍ତ ବନଖଣ୍ଡ ଅଧିକାରୀ ଶ୍ରୀ ଅଜିତ ବିଶି, ସମ୍ମାନିତ ଅତିଥି ଭାବେ ଆରସିସିଏଫ୍ ସନ୍ତୋଷ ଯୋଶୀ, ବଲାଙ୍ଗିର ଏସିଏଫ୍ ମାନସ ବେହେରା, ସୁବର୍ଣ୍ଣପୁର ଏସିଏଫ୍ ଗିରିଧାରୀ ନାଗ, ବୀରମହାରାଜପୁର ଏସିଏଫ୍ ଅବିନାଶ ବରିହା, ସୋନପୁର ଉପଖଣ୍ଡ ବନାଞ୍ଚଳ ଅଧିକାରୀ ଶ୍ରୀ ସୁବାଷ ମହାପାତ୍ର ଯୋଗଦେଇ ଡିଏଫଓ ଶ୍ରୀ ଶର୍ମା ଙ୍କୁ ଫୁଲତୋଡା ଉପଢୌକନ ମାନପତ୍ର ପ୍ରଦାନ ପୂର୍ବକ ସମ୍ବର୍ଧନା ଜ୍ଞାପନ କରିଥିଲେ ଓ ଅବସର ଜୀବନରେ ସୁଖ ଶାନ୍ତି ପାଇଁ ଶୁଭକାମନା ଜଣାଇଥିଲେ । ଓ ନୁତନ ଡିଏଫଓ ଶ୍ରୀ ଅଜିତ ବିଶିଙ୍କୁ ବିଭାଗ ପକ୍ଷରୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l ଶ୍ରୀ ଶର୍ମା ଜଙ୍ଗଲ ସୁରକ୍ଷା ଦିଗରେ ଉତ୍ସର୍ଗୀକୃତ ସେବା ଜାରି ରଖିବାକୁ ପରାମର୍ଶ କରିଥିବା ବେଳେ ନୂତନ ଡିଏଫଓ ଶ୍ରୀ ବିଶି ଜଙ୍ଗଲ ସହ ବନ୍ୟ ସୁରକ୍ଷା ଓ ଅଗ୍ନି ନିରାପତ୍ତା ଦିଗରେ ସଜାଗ ରହିବାକୁ ଆଜି ପ୍ରଥମେ ସମସ୍ତ କର୍ମଚାରୀଙ୍କୁ ନିବେଦନ କରିଛନ୍ତି । ସେହିପରି ଓଡ଼ିଶା ସାମ୍ୱାଦିକ ସଂଘ ପକ୍ଷରୁ ମଧ୍ୟ ଶ୍ରୀ ଶର୍ମା ଙ୍କୁ ମାନପତ୍ର ପ୍ରଦାନ କରି ସମ୍ବର୍ଧିତ କରାଯାଇଥିଲା l ଓ ନୂତନ ଡିଏଫ୍ଓ ଙ୍କୁ ସ୍ବାଗତ କରାଯାଇଥିଲା l ସଭାରେ ଉଲୁଣ୍ଡା ରେଞ୍ଜର ଦେବରାଜ ଛତ୍ରିଆ, ବିନିକା ରେଞ୍ଜର ଡମ୍ବରୁଧର ପ୍ରଧାନଙ୍କ ସମେତ ଜିଲ୍ଲାର ସମସ୍ତ ରେଞ୍ଜ ଅଫିସର, କର୍ମଚାରୀ, ଅନେକ ବୁଦ୍ଧିଜୀବି, ସାମ୍ୱାଦିକ ପ୍ରମୁଖ ଯୋଗ ଦେଇଥିଲେ । ସୋନପୁର ଫରେଷ୍ଟର ଶ୍ରୀ ଭକ୍ତବନ୍ଧୁ ମିଶ୍ରଙ୍କ ତତ୍ୱାବଧାନରେ ଆଜିର ସମସ୍ତ କାର୍ଯ୍ଯକ୍ରମ ଅନୁଷ୍ଟିତ ହୋଇଥିଲା l ବୀରମହାରାଜ ଏସିଏଫ୍ ଅବିନାଶ ବରିହା ସଭାପରିଚାଳନା କରିଥିବା ବେଳେ ରେଞ୍ଜ ଅଫିସର ପ୍ରସନ୍ନ କୁମାର ନାଏକ ଧନ୍ୟବାଦ୍ ଅର୍ପଣ କରିଥିଲେ l