27-Feb-2026

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ଜିଲ୍ଲା ଆନ୍ତର୍ଗତ ଆଞ୍ଚଳିକ ଡ଼ିଗ୍ରୀ ମହାବିଦ୍ୟାଳୟ କୁଶଙ୍ଗରେ ଓଡ଼ିଆ ସମ୍ପାନ ଅନୁଷ୍ଠିତ ହୋଇଯାଇଛି l  ଏହି ସମ୍ପାନରେ ବୀର ମହାରାଜ ଡ଼ିଗ୍ରୀ ମହାବିଦ୍ୟାଳୟର  ଅଧ୍ୟାପକ ପ୍ରକାଶ କୁମାର ଶେଠ ଲୋକ ଗୀତରେ ସାମାଜିକ ବାସ୍ତବତା ଉପରେ  ଆଲୋଚନା କରିଥିବା ବେଳେ ସରକାରୀ ଡ଼ିଗ୍ରୀ ମହାବିଦ୍ୟାଳୟ ବଲାଙ୍ଗୀର ର ଡ଼.ଶ୍ରୀକାନ୍ତ କୁମାର ବାରିକ ସ୍ୱାଧୀନତା ପରବର୍ତୀ ଓଡ଼ିଆ କବିତାର ଆଙ୍ଗିକ ବୈଚିତ୍ର୍ୟ ବିଷୟରେ ତଥ୍ୟପୂର୍ଣ୍ଣ ଆଲୋଚନା କରିଥିଲେ l

 ଏହି କାର୍ଯ୍ୟକ୍ରମରେ ଅଧ୍ୟକ୍ଷ ଡ.ବିଜୟ କୁମାର କଲେଟ୍ ସଭାପତିତ୍ବ କରିଥିବା ବେଳେ ଡ଼.ଅଜିତ କୁମାର ଭୋଇ ସଂଯୋଜନା କରିଥିଲେ l ଡ. ଲକ୍ଷ୍ମଣ କୁମାର ମେହେର ସ୍ୱାଗତ ସମ୍ଭାଷଣ ରଖିଥିଲେ।

ମହାବିଦ୍ୟାଳୟର ଅଧ୍ୟାପକ ଅନନ୍ତ କୁମାର ଆର୍ଯ୍ୟ, ବିଜ୍ଞଶ୍ରୀ ଗୁରୁ, ବାରିଧି ତ୍ରିପାଠୀ, ଲିସାରାଣୀ କଠାର, ଆଶିଷ ସା, ପ୍ରମୋଦ ମହାକୁର ଉପସ୍ଥିତ ଥିବା ବେଳେ କଲେଜର ସମସ୍ତ କର୍ମଚାରୀଙ୍କ ସହଯୋଗ ଥିଲା l ବିଭାଗର ସମସ୍ତ ଛାତ୍ରଛାତ୍ରୀ ତିନିଦିନ ପୂର୍ବରୁ ପ୍ରସ୍ତୁତିରେ ଲାଗିପଡ଼ିଥିଲେ l କାର୍ଯ୍ୟକ୍ରମ ଶେଷରେ ଶେଷ ବର୍ଷର ଛାତ୍ରୀ ଝରଣା ମହଲା ଧନ୍ୟବାଦ ଅର୍ପଣ କରିଥିଲେ l