23-Feb-2026

ସିନାପାଲି ( ଚିନ୍ତାମଣି ନେତାମ) ନୂଆପଡା ଜିଲ୍ଲା ସିନାପାଲି ଗାନ୍ଧୀନଗରେ ଅବସ୍ଥିତ ଶ୍ରୀ ଶ୍ରୀ ସିଦ୍ଧି ବିନାୟକ ମନ୍ଦିର ରେ ରତନମୁଦ୍ ମହୋତ୍ସବ ବଡ଼ ଧୂମଧାମେ ଆଉ ଭକ୍ତିମୟ ପରିବେଶରେ ପାଳିତ ହେଇଥିଲା। ସକାଳୁ ମଙ୍ଗଳ ଆରତି ସହ ବିଶେଷ ପୂଜା-ଅର୍ଚ୍ଚନା ଆଉ ହୋମ-ଯଜ୍ଞ କାର୍ଯ୍ୟକ୍ରମରେ ଦିନଟାର ଶୁଭ ଆରମ୍ଭ ହେଇଥିଲା। ଦିନ ଭରି ମନ୍ଦିର ପରିସରେ ଶ୍ରଦ୍ଧାଳୁ ମାନଙ୍କର ଭିଡ଼ ଲାଗିରହିଥିଲା, ଆଉ “ଜୟ ଗଣେଶ” ଧ୍ୱନିରେ ପରିବେଶ ଗୁଞ୍ଜିଉଠିଥିଲା।
ଏହି ପବିତ୍ର ଅବସରେ କର୍ତ୍ତା ଭାବେ ରାଜେନ୍ଦ୍ର ମେହେର ଆଉ ଧର୍ମପତ୍ନୀ ରୀନା ମେହେର, ରାଜିନ୍ଦ୍ର ମେହେର ଆଉ ଧର୍ମପତ୍ନୀ ଉର୍ମିଳା ମେହେର ମୁଖ୍ୟ ଭାବେ ଦାୟିତ୍ୱ ନେଇଥିଲେ। ପୂଜକ ପ୍ରମୋଦ ଯୋଶୀ ଆଉ ଭୀଷ୍ମଦେବ ଦାସ ବିଧିବତ୍ ମନ୍ତ୍ରୋଚ୍ଚାରଣ କରି ପୂଜା କାମ ସଫଳ ଭାବେ ସମ୍ପନ୍ନ କରିଥିଲେ। ତାଙ୍କର ମନ୍ତ୍ରଧ୍ୱନିରେ ସମ୍ପୂର୍ଣ୍ଣ ପରିବେଶ ଆଧ୍ୟାତ୍ମିକ ଭାବନାରେ ଭିଜିଯାଇଥିଲା।ମୁଖ୍ୟ ଅତିଥି ଭାବେ ଅଧୀରାଜ ମୋହନ ପାଣିଗ୍ରାହୀ, ଖଡ଼ିଆଳ ବିଧାୟକ ଯୋଗଦେଇ ଭକ୍ତମାନଙ୍କୁ ଶୁଭେଚ୍ଛା ଜଣାଇଥିଲେ ଆଉ ମନ୍ଦିରର ଉନ୍ନତି ପାଇଁ ସମସ୍ତଙ୍କୁ ଏକତାରେ କାମ କରିବାକୁ ଆହ୍ୱାନ କରିଥିଲେ। ଲମ୍ବୋଦର ନିଆଲ ମଧ୍ୟ ଉପସ୍ଥିତ ରହି ଉତ୍ସବକୁ ଆଉ ଶୋଭାମୟ କରିଥିଲେ।ଉତ୍ସବର ସଫଳ ଆୟୋଜନ ପାଇଁ ଗଣେଷ ମେହେର, ରାଜୀବ ଲୋଚନ ମେହେର, ଶଙ୍କର ମେହେର, ସୀତାରାମ ମେହେର, ଗୌତମ ମେହେର, ରବି ମେହେର, ଶିବ ମେହେର, ତ୍ରିନାଥ ମେହେର, ଜିତେନ୍ଦ୍ର ମେହେର, ଜୟରାମ ମେହେର ଆଉ ଡମ୍ବରୁଧର ମେହେର ସହ ସମସ୍ତ ଗାଁବାସୀଙ୍କର ଅବଦାନ ସ୍ମରଣୀୟ ରହିଥିଲା।
ସମ୍ପୂର୍ଣ୍ଣ ଅଞ୍ଚଳ ଭକ୍ତିରସରେ ମଗ୍ନ ହୋଇଥିବା ବେଳେ ରତନମୁଦ୍ ମହୋତ୍ସବ ଶାନ୍ତିପୂର୍ଣ୍ଣ ଭାବେ ସମାପ୍ତ ହେଇଥିଲା।