09-Feb-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ଯୁଗ ପୁରୁଷୋତ୍ତମ ଶ୍ରୀ ଶ୍ରୀ ଠାକୁର ଅନୁକୂଳଚନ୍ଦ୍ରଙ୍କ ୧୩୮ ତମ ଜନ୍ମ ଜୟନ୍ତୀ  ଆଜି ସ୍ଥାନୀୟ ସତସଙ୍ଗ ବିହାର ଠାରେ ମହା ସମାରୋହ ରେ ପାଳନ ହେବାସହ ସତସଙ୍ଗ ବିହାର ର ନବମ ବାର୍ଷିକୀ ଉତ୍ସବ ମଧ୍ୟ  ପାଳିତ ହୋଇଯାଇଛି। ଏହି ପରି ପ୍ରେକ୍ଷୀରେ ଜିଲ୍ଲା ର ବିଭିନ୍ନ ବ୍ଲକ ରୁ ହଜାର ହଜାର ଭକ୍ତଙ୍କ ସମାଗମ ହୋଇଥିଲା। ଏଥିପାଇଁ ଆଜି ପ୍ରତ୍ୟୁଷ ରୁ ପ୍ରାର୍ଥନା, ଭଜନ, କୀର୍ତନ, ଯାଜନ, ତଥା ସାଂସ୍କୃତିକ କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇଥିଲା। ଭକ୍ତ ମାନେ ଠାକୁର ଅନୁକୂଳଚନ୍ଦ୍ରଙ୍କ ଆଦର୍ଶ ଜୀବନୀରେ ଅନୁପ୍ରାଣିତ ହୋଇ ନିଜେ ଧନ୍ୟ ହେବା ସହିତ ପରିବାର ପରିବେଶ ସମସ୍ତଙ୍କୁ ଧନ୍ୟ କରି ତୋଳିଥିଲେ। ଏହି ପରି ଜିଲ୍ଲା ସ୍ତରୀୟ ସତସଙ୍ଗ ଉତ୍ସବ ଭାତୃତ୍ବବୋଧ କୁ ଜାଗୃତ କରିବା ସହିତ ପରସ୍ପର ପ୍ରତି ସେବା ମନୋଭାବକୁ ବୃଦ୍ଧି କରିଥିବା କାରଣରୁ ତାଙ୍କୁ ଗ୍ରହଣ କରି ଆଜି ହଜାର ହାଜର ଭକ୍ତ ସୁଖ, ଶାନ୍ତି, ଆନନ୍ଦର ସ୍ୱାଦ ପାଇ ପାରିଛନ୍ତି, କେତେଯେ ଅସଜଡ଼ା ମଣିଷ ଆଜି ଠାକୁରଙ୍କୁ ଗ୍ରହଣ କରି ସଜାଡି ହୋଇଛନ୍ତି, କେତେ ଅସଜଡ଼ା ପରିବାର ତାଙ୍କୁ ଗ୍ରହଣ କରି ସଜାଡି ହୋଇଛି। ଆଜି ସମାଜରେ ମଣିଷ  ଅଣନିଶ୍ୱାସୀ ହୋଇ ସାରିଲାଣି ଏହି ଅଣ ନିଶ୍ୱାସୀରୁ ବଞ୍ଚିବା ପାଇଁ ଠାକୁରଙ୍କ ନୀତି, ନିୟମ, ଆଦର୍ଶ ଅନୁଶାସନରେ ଅନୁଶାସିତ ହୋଇ ଚାଲିବା ନିତାନ୍ତ ଆବଶ୍ୟକ ବୋଲି ମତ ଆସିଥିଲା । ଶେଷରେ ଆନନ୍ଦ ବଜାରରେ  ସାମୁହିକ ପ୍ରସାଦ ସେବନର ବ୍ୟବସ୍ଥା ମଧ୍ୟ କରା ହୋଇଥିଲା। ବିଭିନ୍ନ ଛାତ୍ରୀ ଛାତ୍ର ମାନେ ତଥା ସୁବର୍ଣ୍ଣପୁର ସଙ୍ଗୀତ ମହାବିଦ୍ୟାଳୟ ର ଛାତ୍ରୀ ଙ୍କ ଓଡ଼ିଶୀ ନୃତ୍ୟ ପରିବେଷଣ ସମସ୍ତ ଙ୍କ ମନମୋହିଥିଲା। ଏ ସମସ୍ତ କାର୍ଯ୍ୟକ୍ରମ  ପ୍ରଫୁଲ୍ଲ କୁମାର ପ୍ରଧାନ, ରାଜେଶ କୁମାର ମହାଣା, ଶ୍ରୀବତ୍ସ ମଲ୍ଲିକ, ବିଶ୍ଵଜିତ ପରିଡା,ପ୍ରହଲ୍ଲାଦ ବାରିକ,ବିଦ୍ୟାଧର ମେହେର ପ୍ରମୁଖ ଙ୍କ ତତ୍ତ୍ଵାବଧାନରେ ସମାପିତ ହୋଇଥିଲା।