03-Feb-2026

ସିନାପାଲି ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ବୋଡେ଼ନ ବ୍ଲକ ଲିଟିସର୍ଗି ପଂଚାୟତ ଲିଟିସର୍ଗି ନିବାସୀ ଶ୍ରୀଯୁକ୍ତ ଲଛମନ ଜାଲ ଙ୍କ ଦ୍ଵିତୀୟ ଝିଅ ଜନନୀଙ୍କର ପ୍ରଥମ ରଜଦର୍ଶନ ର ସପ୍ତମ ଦିବସରେ ସାମାଜିକ ବିଧିବିଧାନ ସହ ପୁଷ୍ପବତୀ ହୋମ  ତାଙ୍କ ବାସଗୃହରେ ଅନୁଷ୍ଠିତ ହୋଇଯାଇଛି l କନ୍ୟାଙ୍କୁ ସୁଦ୍ଧସ୍ନାନ କରାଇ ନବବସ୍ତ୍ର ପିନ୍ଧାଇ ଏହିଦିନ ମା ଝିଅକୁ କୋଳରେ ବସାଇ ବନ୍ଧାଇ ଥାନ୍ତି ଓ  ନିମନ୍ତ୍ରିତ ବନ୍ଧୁମାନଙ୍କର ତଥା ଜ୍ଞାତି କୁଟୁମ୍ଭ  ସ୍ତ୍ରୀଲୋକ ବନ୍ଧୁବାନ୍ଧବ ଓ ଜ୍ଞାତି କୁଟୁମ୍ଭ ସ୍ତ୍ରୀଲୋକମାନେ ଚାଉଳ, ଚନ୍ଦନ,ତିଳକ ଲଗାଇ ବନ୍ଧାପନା କରିଥାନ୍ତି l ଝିଅକୁ ସାବୁନ,ପାଉଡର, ମୁଣ୍ଡଵାଲ ତେଲ,ଅତର, ନଖପାଲିଶ,ଅଳତା, ପୋଷାକ ଓ ଟଙ୍କା ଆଦି ଉପହାର ଦେଇଥିଲେ l ପୁଷ୍ପବତୀ ହୋମ ବନ୍ଧାପନା ପରେ ଅତିଥିଗଣଙ୍କୁ ଭୁରି ଭୋଜନ ଦ୍ୱାରା ଆପ୍ୟାୟିତ କରାଯାଇଥିଲା l ଓ ବି ଶି, ଆଦିବାସୀ ଓ ହରିଜନ ଜାତିରେ ଏହି ପରମ୍ପରା ବହୁ ଦିନରୁ ଚାଲି ଆସିଛି l ଏହିପରି ଝିଅ କର୍ମହୋଇ ସାତ ଦିନ ପରେ ଘରୁ ବାହାର କରାଯାଏ l ସାତ ଦିନ ଝିଅ କୌଣସି ପୁରୁଷର ମୁହଁ କୁ ଦେଖି ନ ଥାଏ l ଘର ବାଡ଼ିପଟେ ସ୍ନାନ ଶୌଚ  ହୋଇ ଘର କୋଣରେ ବିଶ୍ରାମ ନେଇଥାଏ l ଏହି ଦିନ ଠାରୁ  ତିନି ଚାରି ବର୍ଷ ପରେ ବିବାହ ଯୋଗ୍ୟା ହେଲା ବୋଲି ଧରାଯାଏ l କର୍ମସମୟର ନକ୍ଷତ୍ର ଓ ଲଗ୍ନ ସହିତ ବରପାତ୍ରର ଜନ୍ମ କୋଷ୍ଠି ମେଳଖୁଆଇ ବିବାହ ସ୍ଥିର କରାଯାଇଥାଏ l ଏହି ଦିବସ  ଓ ସମୟ ଝିଅ ଜୀବନର ଗୁରୁତ୍ୱ ପୂର୍ଣ୍ଣ ଏବଂ ଭବିଷ୍ୟତ ନିର୍ଣ୍ଣାୟକ ହୋଇଥାଏ  l