02-Feb-2026

ବଲାଙ୍ଗିର(ପ୍ରେରଣା ଖବର): ୧୮୭୨ ମସିହାରେ ପାଟଣାଗଡରୁ ବଲାଙ୍ଗୀର ସହରକୁ ତତକାଳିନ ପାଟଣା ରାଜ୍ୟର ରାଜଧାନୀ ସ୍ଥାନାନ୍ତର ପରେ ଏହି ରାଜ୍ୟର ଇଷ୍ଟଦେବୀ ପାଟଣେଶ୍ୱରୀଙ୍କ ଦେବୀଙ୍କର ଏକ ପୀଠ ମଧ୍ୟ ସ୍ଥାପନା କରାଯାଇଥିଲା । ରାଜା ରାମଚନ୍ଦ୍ର ଦେଓ ଏହାର ସ୍ଥାପନା କରାଇ ପୂଜାର୍ଚ୍ଚନା କରୁଥିଲେ । ଏହାପରେ ଏଠାରେ ମନ୍ଦିର ନିର୍ମାଣ ହୋଇଥିଲା । ଏବେ ଗତ ୨୦୨୪ ମସିହାରେ ରାଜ୍ୟ ସରକାରଙ୍କ ପ୍ରାୟ ଦୁଇକୋଟି ଟଙ୍କା ଅନୁଦାନ ବ୍ୟୟରେ

ମନ୍ଦିରର ପୁନଃନିର୍ମାଣ କରାଯାଇଛି । ସେହି ପାଟଣେଶ୍ୱରୀ ପୀଠ ସ୍ଥାପନର ୧୫୦ବର୍ଷ ପୂର୍ତ୍ତି ହୋଇଛି । ସେଥିପାଇଁ ଏକ ମହୋତ୍ସବର ଆୟୋଜନ କରାଯାଇଛି । ଆଜି ଫେବୃୟାରୀ ୨ ତାରିଖଠାରୁ ଦେବୀଙ୍କ ପୀଠରେ ପୂଜାର୍ଚ୍ଚନା କରାଯାଇ ମହୋତ୍ସବର ଶୁଭାରମ୍ଭ କରାଯାଇଛି । ଆସନ୍ତା ୪ ତାରିଖ ପର୍ଯ୍ୟନ୍ତ ଏହି ମହୋତ୍ସବ ଚାଲିବ । ଆଜି ପୌରାଧ୍ୟକ୍ଷା ଲିକା ସାହୁ ଓ ତାଙ୍କ ସ୍ୱାମୀ ଦେବଦତ୍ତ ବେହେରା,ସାମ୍ବାଦିକ ଅଞ୍ଜନକୁମାର ପଧାନ ଓ ତାଙ୍କ ଲୋପାମୁଦ୍ରା ସାହୁ ପତ୍ନୀ କର୍ତ୍ତାରୂପେ ବସି ପୂଜାର୍ଚ୍ଚନା କରିଥିଲେ । ରାଜପୁରୋହିତ ସନ୍ତୋଷ ଦାସଙ୍କ ତତ୍ୱାବଧାନରେ ଦେବୀପୀଠର ୧୫୦ ବର୍ଷ ପୂର୍ତ୍ତି ଅବସରରେ ଯଜ୍ଞମଣ୍ଡପ ପ୍ରତିଷ୍ଟା ସହ ଚଣ୍ଡିପାଠ କରାଯାଇଥିଲା ।
   ଦେବାଳୟ ଓ ଐତିହ୍ୟ ସୁରକ୍ଷା କମିଟି ପାଟଣା ରାଜ୍ୟର ଇଷ୍ଟଦେବୀ ମାଁ ପାଟଣେଶ୍ୱରୀ ୧୫୦ ବର୍ଷ ପୁର୍ତ୍ତି ପୀଠର ଉତ୍ସବ ଆୟୋଜନ କରୁଛି । ଗତକାଲି ୧ତାରିଖ ଦିନ ଅପରାହ୍ନ ଘ.୪ ରେ କଳସଧିବାସ, ୨ତାରିଖ ସୋମବାର ଦିନ ଯଜ୍ଞ ଓ ଚଣ୍ଡିପାଠ ଆରମ୍ଭ ହୋଇଯାଇଛି । ସୋମବାର ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ କଳାଧାମ ଏକାଡେମୀ ଭଜନ ସନ୍ଧ୍ୟା ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ, ୩ ତାରିଖ ମଙ୍ଗଳବାର ଦିନ ପୂଜା ଓ ଚଣ୍ଡିପାଠ, ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ, ମହା ଆଳତି ରୁଗୁଡିପଡା ଦୁର୍ଗାପୂଜା କମିଟି ଦ୍ୱାରା ଆୟୋଜିତ ହେବ, ଭଜନ ସନ୍ଧ୍ୟା ପଂଚମ ଅନୁଷ୍ଠାନ, ୪ ତାରିଖ ବୁଧବାର ଦିନ ଚଣ୍ଡିପାଠ ଓ ହୋମଯଜ୍ଞ, ଅପରାହ୍ନ ୨.୫୧ମି. ରୁ ଘ.୪.୧୧ମି. ମଧ୍ୟରେ ଅନୁଷ୍ଠିତ ହେବ ।  ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ଓ ସାଂସଦ ସଂଗୀତା କୁମାରୀ ସିଂଦେଓ ,ସ୍ୱାସ୍ଥ୍ୟମନ୍ତ୍ରୀ ଡା. ମୁକେଶ ମହାଲିଙ୍ଗ, ରାଜ୍ୟସଭା ସାଂସଦ ନିରଞ୍ଜନ ବିଶି,ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂହଦେଓ,ପୂର୍ବତନ ବିଧାୟକ ନରସିଂହ ମିଶ୍ର , ପୌରାଧ୍ୟକ୍ଷା ଲିକା ସାହୁ ସାମିଲ ହେବା ପାଇଁ ସହମତି ପ୍ରକାଶ କରିଛନ୍ତି ବୋଲି ଦେବାଳୟ ଐତିହ୍ୟ ସୁରକ୍ଷା କମିଟିର ସଭାପତି ଜୟକୃଷ୍ଣ ମିଶ୍ର ସୂଚନା ପ୍ରଦାନ କରିଛନ୍ତି । ଦେବାଳୟ ସୁରକ୍ଷାକମିଟିରେ ଜୟକୁମାର ଆଚାର୍ଯ୍ୟ ଙ୍କ ସଂପାଦନାରେ

୧୫୦ ବର୍ଷରପୁସ୍ତକ ପ୍ରକାସିତ ହେବାକୁଯାଉଛି ଓ ଏଥରେ ଜିଲ୍ଲାର ଦେବାଦେବୀଙ୍କ ବିଷୟରେ ପ୍ରବନ୍ଧସ୍ଥାନିତ ହେବାକୁ ଯାଉଛି ।  କମିଟିରେ ସାଂପାଦକ ପ୍ରଶାନ୍ତ ମହାକୁର, ଭବାନୀ ଶଙ୍କର ଭୋଇ, ଦିନେଶକୁମାର ଶର୍ମା, ଅଶ୍ୱିନୀକୁମାର ପଟ୍ଟନାୟକ, ରିଣ୍ଟୁ ସାହୁ ପ୍ରମୁଖ ରହିଛନ୍ତି । କମିଟି ନିଷ୍ପତ୍ତି ଅନୁଯାୟୀ ବିଭିନ୍ନ ଗ୍ରାମର ଦେବାଦେବୀ ମାଁ ଙ୍କ ଦର୍ଶନ ପାଇଁ ଏକ ଶୋଭାଯାତ୍ରା ଆୟୋଜିତ ହେବ । ଆଖ ପାଖ ଗାଁର ମନ୍ଦିର ପୀଠର ପୂଜକମାନେ ଯୋଗଦେବେ ବୋଲି ସୂଚନା ମିଳିଛି ।  ୮୪ ଘର ଅଘରିଆ ସମାଜ, ସାଇ ସେବା ସଂସ୍ଥାଙ୍କ ସହ ସହରର  ବିଭିନ୍ନ ସଂଗଠନ ଏଥିରେ ସାମିଲ ହେଉଛନ୍ତି ।