01-Feb-2026

ବଲାଙ୍ଗିର/ସୋନପୁର(ପ୍ରେରଣା ଖବର): ସନ୍ଥକବିଙ୍କ ଯୋଗୁଁ ଖଲିଆପାଲି ମହିମାନ୍ଵିତ ହୋଇଛି। ଏଠାରେ ସେ ରହି ସାଧନା କରି ସିଦ୍ଧି ଲାଭ କରିଥିଲେ। ଏହି ମାଟିରେ ସେ ତାଙ୍କ କାଳଜୟୀ କବିତା ଗୁଡିକ ଲେଖିଥିଲେ ବୋଲି ଖଲିଆପାଳି ଠାରେ ଅୟୋଜିତ ସାରସ୍ବତ ସମାରୋହରେ ଅତିଥିଗଣ ମତ ବ୍ୟକ୍ତ କରିଛନ୍ତି। ଭୀମଭୋଇଙ୍କ ସାଧନା, ସିଦ୍ଧି ଓ ସମାଧି ପୀଠରେ ଚାଲିଥିବା ମାଘମେଳାରେ ଶନିବାର ସନ୍ଧ୍ୟାରେ ସାରସ୍ୱତ ସମାରୋହ ଅନୁଷ୍ଠିତ ହେଇଥିଲା।

ଟ୍ରଷ୍ଟ ଉପାଧ୍ୟକ୍ଷ ତଥା ଉପଜିଲ୍ଲାପାଳ ଡ. ସୌମ୍ୟରୂପା ରଥ ଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ଡ. ନୃପରାଜ ସାହୁ, ମୁଖ୍ୟ ବକ୍ତା ଭାବେ ସୋନପୁର ଆଦିତି ଉଚ୍ଚ ମାଧ୍ୟମିକ ବିଦ୍ୟାଳୟର ଚେୟାରମେନ ଡ. ଜ୍ୟୋତି ରଞ୍ଜନ ବହିଦାର, ସମ୍ମାନିତ ଅତିଥି ଭାବେ ଆଇ ଆଇ ଏମ୍ ସମ୍ବଲପୁରର ପ୍ରଫେସର ଡ ସୁଜିତ କୁମାର ପୃଷେଠ, ଡ ଛତ୍ରଧାରୀ ଅଗ୍ରୱାଲ ପ୍ରମୁଖ ଯୋଗଦେଇ ସନ୍ଥକବି ଭୀମଭୋଇ ଙ୍କ କାଳଜୟୀ କାବ୍ୟ କବିତା ଏବଂ ତାଙ୍କ ସମାଜ ପ୍ରତି ରହିଥିବା ସମର୍ପଣ ମନୋଭାବ ଉପରେ ଆଲୋଚନା କରି ଥିଲେ l ଏହି ଅବସରରେ ଅନୁଷ୍ଠିତ ସାରସ୍ୱତ ସମାରୋହରେ କୈଳାସ ଚନ୍ଦ୍ର ପୁରୋହିତଙ୍କୁ ଭୀମଭୋଇ ସ୍ମୁତି ସମ୍ମାନ, ବାବା ଖଗେଶ୍ବର ସାହୁଙ୍କୁ ଭୀମଭୋଇ ମହିମା ସମ୍ମାନ, ପ୍ରଫେସର କାଳିଦାସ ମିଶ୍ରଙ୍କୁ ଭୀମଭୋଇ ସାହିତ୍ୟ ସମ୍ମାନ,

କରମ ଚାନ୍ଦ ମହାନ୍ତିଙ୍କୁ ଭୀମଭୋଇ କଳା ସମ୍ମାନ, ଡ ସଞ୍ଜୟ ନାଏକଙ୍କୁ ଭୀମଭୋଇ ଯୁବ ପ୍ରତିଭା ସମ୍ମାନ ଓ ସୁଶ୍ରୀ ସୁମନ୍ତିନି ରାଜହଂସଙ୍କୁ ଭୀମଭୋଇ କ୍ରୀଡା ସମ୍ମାନରେ ସମ୍ମାନିତ କରା ଯାଇଥିଲା l ଭୀମଭୋଇ ସମାଧିପୀଠ ମେନେଜୀଙ୍ଗ ଟ୍ରଷ୍ଟି ଛତ୍ରଧାରୀ ଅଗ୍ରୱାଲ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଧନ୍ୟବାଦ ଦେଇଥିଲେ l ଏହି ଅବସରରେ ଟ୍ରଷ୍ଟ ତରଫରୁ ଭୀମଭୋଇ ଆଶ୍ରମ ଉଚ୍ଚ ବିଦ୍ୟାଳୟ ଓ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇହୋଇଥିବା ସଙ୍ଗୀତ ଓ ବକୃତା ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା l