01-Feb-2026

 ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ୍ ଅନ୍ତର୍ଗତ ଆଞ୍ଚଳିକ ଉଚ୍ଚ ବିଦ୍ୟାଳୟ ଶିଂହିଯୁବାର  ପ୍ରଧାନଶିକ୍ଷକ ହେମନ୍ତ ମେଶୁଆଙ୍କ ତତ୍ତ୍ଵାବଧାନରେ ବିଦ୍ୟାଳୟ ଛାତ୍ରଛାତ୍ରୀ ଚଳିତ ବର୍ଷର ବାର୍ଷିକ ଶିକ୍ଷଣୀୟ ପରିଭ୍ରମଣ ରାମପୁର ନିକଟବର୍ତ୍ତୀ ପୂଜାଡୁଙ୍ଗୁରି ପିଠକୁ ଯାଇଥିଲେ। ବିଦ୍ୟାଳୟର ୮୦ ଜଣ ଛାତ୍ରଛାତ୍ରୀଙ୍କୁ ଶିକ୍ଷକ ଅନିଲ କୁମାର ସେଠୀ , ମଳୟ ରଞ୍ଜନ ସାହୁ, ବିଜୟ ବେହେରା ଓ ପ୍ରେମରାଜ୍ ପତି ପ୍ରତ୍ୟକ୍ଷ ଭାବରେ ମାର୍ଗଦର୍ଶନ କରି ପୂଜାଡୁଙ୍ଗୁରି, ଫୁଲ ଚାଙ୍ଗୁଡ଼ି, ବାବା ମଠ, ଉଷ। କୋଠୀ, ବାଘ୍ ଖୋଲ,ପରି ଦର୍ଶନୀୟ ସ୍ଥାନ ପରିଭ୍ରମଣ କରିଥିଲେ। ମାୟାବର୍ହା ହାଇସ୍କୁଲର ବିଜ୍ଞାନ  ଶିକ୍ଷକ ଦୀନବନ୍ଧୁ ପ୍ରଧାନ ଏହି ଅବସରରେ ବିଶେଷଜ୍ଞ ବକ୍ତା ଭାବରେ ଯୋଗଦେଇ ଆର୍ଦ୍ରଭୂମି ର ଉପକାରିତା, ବ୍ୟବହାର, ସଂରକ୍ଷଣ ଉପରେ ବକ୍ତବ୍ୟ ରଖିଥିଲେ ।ଶିକ୍ଷକ ମାନଙ୍କ ସହାୟତାରେ ଛାତ୍ରଛାତ୍ରୀମାନେ ପୂଜାଡୁଙ୍ଗୁରି ପରିସରକୁ ସଫା ସୁତୁରା କରିଥିଲେ ଓ ପ୍ଲାଷ୍ଟିକମୁକ୍ତ ରଖିବା ପାଇଁ ଶପଥ ନେଇଥିଲେ ଓ  ସଡକ ସୁରକ୍ଷା ମାସ ପାଳନ ଅବସରରେ ସମସ୍ତେ ସଡକ ସୁରକ୍ଷା ଶପଥ ପାଠ କରିଥିଲେ। ପରିଚାଳନା କମିଟି ସଭାପତି ଫଗୁନୁ କୁମ୍ଭାର, ସଭ୍ୟ ନିରାକାର କର୍ଣ୍ଣ,ପ୍ରମୋଦ ଶର୍ମା, ମାୟାବର୍ହା ହାଇସ୍କୁଲ ସଂସ୍କୃତ ଶିକ୍ଷକ ରାଜୁ ମେହେର ଯୋଗଦାନ କରି ସମସ୍ତଙ୍କୁ ଉତ୍ସାହିତ କରିଥିଲେ। ଏହି କାର୍ଯ୍ୟକ୍ରମକୁ ବିଜୟ ମିସ୍ତ୍ରୀ, ପାଢ଼ୀ,  ନିର୍ମଳ  ପ୍ରଭୁତି  ସହଯୋଗ କରିଥିଲେ ।