29-Jan-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ଥିତ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଟଳ ବୟୋ ଅଭ୍ୟୁଦୟ ଯୋଜନା କାର୍ଯ୍ୟକ୍ରମ ଗୁରୁବାର ଅନୁଷ୍ଟିତ ହୋଇଥିଲା।ବିଡ଼ିଓ ଶରତ କୁମାର ବାଘଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅବସରପ୍ରାପ୍ତ ଶିକ୍ଷକ ପ୍ରମୋଦ କୁମାର ପଣ୍ଡା ମୁଖ୍ୟ ଅତିଥି,ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷା ରେଖା ପ୍ରଧାନ ମୁଖ୍ୟ ବକ୍ତା, ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ସମ୍ମାନିତ ଅତିଥି ଭାବେ ଯୋଗଦେଇ ସମାଜରେ ବରିଷ୍ଟ ନାଗରିକଙ୍କ ଅବଦାନ ଓ ତାଙ୍କ ପ୍ରତି ଆମ୍ଭମାନଙ୍କର କର୍ତ୍ତବ୍ୟ ଉପରେ ଆଲୋକପାତ କରିଥିଲେ।ଏହି କାର୍ଯ୍ୟକ୍ରମରେ ବିନିକାର ବିଭିନ୍ନ ମହାବିଦ୍ୟାଳୟରୁ ଯୋଗଦେଇଥିବା ଛାତ୍ରଛାତ୍ରୀ ମାନଙ୍କୁ ନେଇ ବିଏସଏସଓ ମନୋଜ ବିଭାର ବିଭିନ୍ନ ପ୍ରତିଯୋଗିତା କରିଥିଲେ ।ଏଥିରେ ବିଚାରକ ଭାବେ ଅଧ୍ୟାପକ ନୀଳ ମାଧବ ଛତ୍ର,ରୋହିତ ଧରୁଆ,ଝଲକ ମିଶ୍ର,ଦେବେଶ ଗଡ ନାୟକ,ପ୍ରଦୀପ ନାଏକ,ସୁବଳ ପ୍ରଧାନ,ଆକାଶ ପ୍ରଧାନୀ,ଆଶୀର୍ବାଦ ପ୍ରଧାନ,ବିଶ୍ଵମୟ ଗୁରୁ,ଅଧ୍ୟାପିକା ତୁଳସୀ ରାୟ ପ୍ରମୁଖ ଦାୟିତ୍ଵ ତୁଲାଇଥିଲେ।କୃତକାର୍ଯ୍ୟ ହୋଇଥିବା ପ୍ରତିଯୋଗୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ।କାର୍ଯ୍ୟକ୍ରମକୁ ଅଧ୍ୟାପକ ଧନେଶ୍ୱର ସାହୁ ସଂଯୋଜନା କରିଥିବା ବେଳେ ଖେଲ ଶିକ୍ଷକ ନାରାୟଣ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ।କାର୍ଯ୍ୟକ୍ରମ ପରିଚାଳନାରେ ଅଧ୍ୟାପକ ମାନିସ ଆଚାର୍ଯ୍ୟ ଓ ଅଧ୍ୟାପିକା ଡିପ୍ତିମୟୀ ଭୋଇ ସହଯୋଗ କରିଥିଲେ।