27-Jan-2026

ତୁଷୁରା (ପଞ୍ଚାନନ ନାଏକ )ବଲାଙ୍ଗିର ଜିଲ୍ଲା ଗୁଡଭେଲା:ଗୁଡଭେଲା ବ୍ଳକ ଅନ୍ତର୍ଗତ ଜାମୁଟ ହାଇସ୍କୁଲ ଖେଳପଡିଆଠାରେ ଶିକେରପାଟ୍ ୟୁଥ୍ କ୍ଳବ ଆନୁକୂଲ୍ୟରେ ଆୟୋଜିତ ଶିକେରପାଟ୍ ଚାମ୍ପିଅନ ଟ୍ରଫି ୨୦୨୬ ସଫଳତାର ସହ ଚାଲିଛି। ପ୍ରତିଯୋଗିତାର ଚତୁର୍ଥ ଦିବସର ମ୍ୟାଚଗୁଡ଼ିକ ଦର୍ଶକମାନଙ୍କ ମଧ୍ୟରେ ବେଶ ଉତ୍ସାହ ସୃଷ୍ଟି କରିଥିଲା।
ଏହି ଅବସରରେ ମୁଖ୍ୟ ଅତିଥି ଭାବରେ ଅବିଭକ୍ତ ଜାମୁଟ ଗ୍ରାମ ପଞ୍ଚାୟତର ପୂର୍ବତନ ସରପଞ୍ଚ ଶ୍ରୀ ହରି ମାଝୀ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବରେ କଳାରାମ ରଣା, ସୁରେଶ ଧରୁଆ, ପ୍ରଶାନ୍ତ ପଧାନ, ସନ୍ତୋଷ ପଟ୍ଟନାୟକ, ସଞ୍ଜୀବ କୁମ୍ଭାର, ପଞ୍ଚାନନ ସାହୁ ଓ ପଦୁଁ ବେହେରା ଉପସ୍ଥିତ ଥିଲେ।
ଚତୁର୍ଥ ଦିବସର ପ୍ରଥମ ଲିଗ୍ ମ୍ୟାଚ୍‌ରେ ତରକମୁଣ୍ଡା ଓ ରତାଖଣ୍ଡି ମଧ୍ୟରେ ମୁକାବିଲା ହୋଇଥିଲା। ଟସ୍ ଜିଣି ରତାଖଣ୍ଡି ଦଳ ପ୍ରଥମେ ବ୍ୟାଟିଂ କରି ନିର୍ଧାରିତ ୮ ଓଭରରେ ୧୧୭ ରନ୍ କରି ବିପକ୍ଷ ଦଳକୁ ଲକ୍ଷ୍ୟ ଦେଇଥିଲା। ତରକମୁଣ୍ଡା ଦଳ ୩ ଓ୍ବିକେଟ୍ ହରାଇ ୧୦୧ ରନ୍ କରି ପରାସ୍ତ ହୋଇଥିଲା।
ସେହିପରି ଦ୍ବିତୀୟ ଲିଗ୍ ମ୍ୟାଚ୍‌ରେ ଡୁଙ୍ଗିବାହାଳ ଓ ଲାଠିତରା ମଧ୍ୟରେ ହୋଇଥିବା ମ୍ୟାଚ୍‌ରେ ଡୁଙ୍ଗିବାହାଳ ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ନିର୍ଧାରିତ ୮ ଓଭରରେ ୨ ଓ୍ବିକେଟ୍ ହରାଇ ୯୪ ରନ୍ କରିଥିଲା। ଲାଠିତରା ଦଳ ୩ ଓ୍ବିକେଟ୍ ହରାଇ ୯୭ ରନ୍ ସଂଗ୍ରହ କରି ରୋମାଞ୍ଚକର ବିଜୟ ହାସଲ କରିଥିଲା।
କ୍ବାର୍ଟର ଫାଇନାଲ୍ ମ୍ୟାଚ୍‌ରେ ଲାଠିତରା ଓ ରତାଖଣ୍ଡି ମଧ୍ୟରେ ହୋଇଥିବା ମୁକାବିଲାରେ ରତାଖଣ୍ଡି ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ନିର୍ଧାରିତ ୬ ଓଭରରେ ୬୩ ରନ୍ କରିଥିଲା। ଲାଠିତରା ଦଳ ୨ ଓ୍ବିକେଟ୍ ହରାଇ ୬୪ ରନ୍ କରି ସହଜ ବିଜୟ ହାସଲ କରି ସେମିଫାଇନାଲକୁ ଉତ୍ତୀର୍ଣ୍ଣ ହୋଇଥିଲା।
ଏହି ମ୍ୟାଚ୍‌ରେ ଶ୍ରୀକାନ୍ତ ମହାନନ୍ଦଙ୍କୁ ମ୍ୟାନ ଅଫ୍ ଦି ମ୍ୟାଚ୍ ଟ୍ରଫି ପ୍ରଦାନ କରି ସମ୍ମାନିତ କରାଯାଇଥିଲା।
ଅମ୍ପାୟାର ଭାବରେ ଯାଦବ ବେହେରା ଓ କୁନା ମାଝୀ ଦାୟିତ୍ୱ ପାଳନ କରିଥିବା ବେଳେ, ମହେନ୍ଦ୍ର ନନ୍ଦ ଖେଳର ଧାରାବିବରଣୀ ପ୍ରଦାନ କରିଥିଲେ ଓ ନାରାୟଣ ଦାସ ସ୍କୋରର୍ ଭାବେ ଦାୟିତ୍ୱ ନିର୍ବାହ କରିଥିଲେ।
ଆସନ୍ତାକାଲି ପ୍ରଥମ ସେମିଫାଇନାଲ୍ ମ୍ୟାଚ୍ ଲାଠିତରା ଓ ଫଟାମୁଣ୍ଡା ମଧ୍ୟରେ ଏବଂ ଦ୍ବିତୀୟ ସେମିଫାଇନାଲ୍ ମ୍ୟାଚ୍ ବିରାମୁଣ୍ଡା ଓ ଦୁହେଲ ଦଳ ମଧ୍ୟରେ ଅନୁଷ୍ଠିତ ହେବ।
ଆଜିର କାର୍ଯ୍ୟକ୍ରମକୁ ସଫଳ କରିବାରେ ଶିକେରପାଟ୍ ୟୁଥ୍ କ୍ଳବର ସମସ୍ତ ସଦସ୍ୟ ଗୁରୁତ୍ୱପୂର୍ଣ୍ଣ ସହଯୋଗ କରିଥିଲେ।