23-Jan-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର କ୍ଷୁଦ୍ରଜଳସେନ ବିଭାଗରେ କାର୍ଯ୍ୟରତ ଏସଡିଓ ମାନଭଞ୍ଜନ ଶତପଥିଙ୍କୁ ଶ୍ରେଷ୍ଠଅଧିକାରୀ ଓ ପାଟଣାଗଡର ଗଙ୍ଗାସାଗର ପାଣି ପଞ୍ଚାୟତକୁ ରାଜ୍ୟସ୍ତରରେ ପୁରସ୍କୃତ କରାଯାଇଥିବା ଜଣାଯାଇଛି । ଗତ ୨୨ ତାରିଖରେ ଭୁବନେଶ୍ୱର ଲୋକସେବାଭବନର ସଭାକକ୍ଷଠାରେ ଆୟୋଜିତ ପାଣିପଞ୍ଚାୟତ ପକ୍ଷର ରାଜ୍ୟସ୍ତରୀୟ କାର୍ଯ୍ୟକ୍ରମରେ ତାଙ୍କୁ

ମୁଖ୍ୟମନ୍ତ୍ରୀ ମୋହନଚରଣ ମାଝି ପୁରସ୍କୃତ କରିଛନ୍ତି । ପାଟଣାଗଡର ଗଙ୍ଗାସାଗର ଧନ୍ଧ୍ରାବାହାଲ ପ୍ରକଲ୍ପରେ ଜଳପରିଚାଳନା ପାଇଁ ଗଙ୍ଗାସାଗର ପାଣିପଞ୍ଚାୟତକୁ ଏହି ପୁରସ୍କାର ପ୍ରଦାନ କରାଯାଇଛି । ଠିକ ସେହିପରି ବଲାଙ୍ଗୀର ସଦର ଏସଡିଓ ମାନଭଞ୍ଜନ ଶତପଥି ବଲାଙ୍ଗୀର ଜିଲ୍ଲାର ବିଭିନ୍ନ କ୍ଷୁଦ୍ରପ୍ରକଲ୍ପର ଜଳପରିଚାଳନାରେ ସଫଳ ଉଦ୍ୟମ କରିଛନ୍ତି । ତାଙ୍କପାଇଁ ଜିଲ୍ଲାରେ ଅନେକଗୁଡିଏ ପ୍ରକଲ୍ପ ଜଳସେଚନ ହାର ବଢାଇବାରେ ସଫଳତା ପାଇଛି । ତେଣୁ ତାଙ୍କୁ ରାଜ୍ୟସ୍ତରରେ ମୁଖ୍ୟମନ୍ତ୍ରୀ ପୁରସ୍କୃତ କରିଛନ୍ତି । ଏହି କାର୍ଯ୍ୟକ୍ରମରେ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ,ଅତିରିକ୍ତ ମୁଖ୍ୟଶାସନ ସଚିବ ଡ.ଅରବିନ୍ଦ ପାଢୀ,ଜଳସମ୍ପଦ ବିଭାଗର ମୁଖ୍ୟଶାସନ ସଚିବ ସୁଭା ଶର୍ମା ଓ ଇଞ୍ଜିନିୟରିଂ ଇନ ଚିଫ ସାଗର ମହାନ୍ତି ଉପସ୍ଥିତିରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ଏହି ପୁରସ୍କାର ପ୍ରଦାନ କରିଛନ୍ତି ।