21-Jan-2026

ବଲାଙ୍ଗିର(ଦେବାଶିଷ ବହିଦାର): ରାଜ୍ୟ ଆଇନ ସେବା ପ୍ରାଧିକରଣ ର ନିର୍ଦ୍ଦେଶ କ୍ରମେ ତଥା ଜିଲ୍ଲା ଆଇନ ସେବା ପ୍ରାଧିକରଣର ଭାରପ୍ରାପ୍ତ ଅଧ୍ୟକ୍ଷ ମଳୟ ରଂଜନ ଦାସ ଙ୍କ ଅନୁମତି କ୍ରମେ ବଲାଙ୍ଗିର ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ଅଦ୍ୟ ତା ୧୯ ତାରିଖ ଜିଲ୍ଲା ବାର ବୈଠକ ଗୃହ, ବଲାଙ୍ଗିର ରେ "SUBAS(AI), ITC, Hon'ble Court V.C. Rule, Mediation Rule, ADR Rule) ଉପରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ଏହି ଶିବିରରେ ଜିଲ୍ଲା ଆଇନ ସେବା ପ୍ରାଧିକରଣର ଭାରପ୍ରାପ୍ତ ଅଧ୍ୟକ୍ଷ ଶ୍ରୀଯୁକ୍ତ ଦାସ ମଧ୍ୟସ୍ଥତା ମାଧ୍ୟମରେ ମାମଲାଗୁଡିକର ସମାଧାନ କରିବା ପାଇଁ ସଚେତନତା କରିଥିଲେ । ସିଭିଲ୍ ଜଜ୍‌ (ବରିଷ୍ଠ) ଶ୍ରୀଯୁକ୍ତ ଆଶିଷ କୁମାର ସାହୁ ମଧ୍ୟସ୍ଥତା ନିୟମାବଳି ଓ ଏହାର ସୁବିଧା ଉପରେ ଆଲୋକପାତ କରିଥିଲେ । ପ୍ରଥମଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ଶ୍ରୀ ଏସ.କାରଜି SUVAS ମାଧ୍ୟମରେ ମାନ୍ୟବର କୋର୍ଟଙ୍କର ନିଷ୍ପତିଗୁଡିକର ଆଂଚଳିକ ଭାଷା ରେ ଅନୁବାଦ କରି ତାହାର ଉପଯୋଗ କରିବା ପାଇଁ ଉତ୍ସାହନ କରିଥିଲେ । ଜିଲ୍ଲା ଆଇନ ସେବା ପ୍ରାଧିକରଣର ସଚିବ ଶ୍ରୀଯୁକ୍ତ ପବିତ୍ରାନନ୍ଦ ପ୍ରଧାନ ମାନ୍ୟବର କୋଟଙ୍କର V.C. Rule, ADR Rule ଏବଂ ଏହାର ଉପଯୋଗିତା ଉପରେ ଗୁରୁତ୍ବାରୋପ କରିଥିଲେ । ଜିଲ୍ଲା ଓକିଲ ସଂଘର ସଭାପତି ବାସୁଦେବ ରଥ ମଧ୍ୟସ୍ଥତା ମାଧ୍ୟମରେ ମାମଲାଗୁଡିକର ସମାଧାନ କରିବା ପାଇଁ ପ୍ରୋତ୍ସାହନ କରିଥିଲେ । ଉକ୍ତ ଶିବିରରେ ଶ୍ରୀଯୁକ୍ତ ବିକ୍ରମ କେଶରୀ ପଟ୍ଟନାୟକ ଜଜ୍ ଫ୍ୟାମିଲି କୋର୍ଟ,ଶ୍ରୀଯୁକ୍ତ ସୁବ୍ରତ ପଟ୍ଟନାୟକ Spl.Judge (SC, ST), ଶ୍ରୀଯୁକ୍ତ ଶ୍ରଦିପ ମିଶ୍ର, ରେଜିଷ୍ଟର ସିଭିଲ କୋର୍ଟ, ଶ୍ରୀମତୀ ବୈଶାଳି ନାୟକ, ସିଭିଲ୍ ଜଜ୍ (ବରିଷ୍ଠ) କମରସିୟାଲ କୋଟ, ଶ୍ରୀମତୀ ଅନ୍ନପୂର୍ଣ୍ଣା ନାୟକ, ସିଭିଲ୍ ଜଜ୍ (ବରିଷ୍ଠ) , ଦିପାରାଣୀ ଜେନା,

ଏସ.ଡି.ଜି.ଏମ.,ସାସ୍ଵତୀ ମହାପାତ୍ର,ସିଭିଲ୍ ଜଜ୍ (କନିଷ୍ଠ), ମିସ ଦିପାଳି ଦାସ ଯେ.ମ.ଫ.ସି, ବଲାଙ୍ଗିର, ଶ୍ରୀଯୁକ୍ତ ଶିଶିର କୁମାର ଭୋଇ ଗ୍ରାମ ନ୍ୟାୟଧିକାରୀ ଶିଶିର, ଅର୍ଦ୍ଧରୂପା ମିଶ୍ର, ଯେ.ମ.ଫ.ସି ବଲାଙ୍ଗିର ଯୋଗ ଦେଇଥିଲେ । ତତସହିତ ଜିଲ୍ଲା ବାର ଆସୋସିଏସନର ଅନେକ ସଭ୍ୟ ଯୋଗଦାନ ଦେଇଥିଲେ । ସର୍ବଶେଷରେ ରାଷ୍ଟ୍ରୀୟ ମଧ୍ୟସ୍ଥତା ଅଭିଯାନ-ଦ୍ୱିତିୟ ପର୍ଯ୍ୟାୟର ସଫଳ ଅଭିଯାନ ପାଇଁ ସମସ୍ତଙ୍କର ସହୋଯୋଗ କାମନା କରାଯାଇଥିଲା ଏବଂ ବାର ସେକ୍ରେଟାରୀ ସଂଜୟ କୁମାର ବଗତି ଧନ୍ୟବାଦ ଅର୍ପଣ କରିଥିଲେ ।