21-Jan-2026

(ଡୋଲେଶ୍ୱର ବାଗ)
ନୂଆପଡା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ମହୁଲପଡା ସେବାଶ୍ରମ ବିଦ୍ୟାଳୟରେ ପ୍ରଧାନ ଶିକ୍ଷକ କମଳ ସିଂ ମାଝୀଙ୍କ ନେତୃତ୍ୱରେ ବାର୍ଷିକ କ୍ରୀଡ଼ା ଉତ୍ସବ ଉଦଘାଟିତ ହୋଇଯାଇଛି ।ଏଥିରେ ମୁଖ୍ୟ ଅତିଥି ଭାବରେ ବାବେବୀର ସିଆରସିସି ମଧୁସୂଦନ ମାଝୀ  ପତାକା ଉତ୍ତୋଳନ କରି ବାର୍ଷିକ କ୍ରୀଡ଼ାର ଶୁଭାରମ୍ଭ କରିଥିଲେ । ସର୍ବପ୍ରଥମେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଗ୍ରାମଦେବୀ ପୀଠରୁ ମଶାଲ ଶୋଭାଯାତ୍ରା ହୋଇ  ବିଭିନ୍ନ ଖେଳ ପ୍ରତିଯୋଗିତାର ଆରମ୍ଭ କରାଯାଇଥିଲା । ବିଦ୍ୟାଳୟର ଜୁନିଅର ଓ ସବ ଜୁନିଅର ବିଭାଗରେ ଛାତ୍ରଛାତ୍ରୀମାନଙ୍କୁ ନେଇ ଦୌଡ,ଲମ୍ବଡିଆଁ,ପୁଚି,ରଶି ଡିଆଁ,କେରମ,ଲୁଡୁ,ବେଟ୍ ବିଣ୍ଟନ,ମ୍ୟୁଜିକ୍ ଚେୟାର ଏଭଳି ଅନେକ ଖେଳ ଆୟୋଜିତ ହୋଇଥିଲା । ପ୍ରଧାନ ଶିକ୍ଷକଙ୍କ ସୂଚନା ଅନୁସାରେ ଆଗାମୀ ବିଦ୍ୟାଳୟର ବିଦ୍ୟାଳୟ କ୍ରୀଡା ଉତ୍ସବରେ କୃତି ଛାତ୍ରଛାତ୍ରୀଙ୍କୁ ପୁରସ୍କାର ବିତରଣ ସହ ସାର୍ଟିଫିକେଟ ପ୍ରଦାନ କରାଯିବ । ଏହି କ୍ରୀଡ଼ା ପ୍ରତିଯୋଗିତାରେ ବିଦ୍ୟାଳୟ ଶିକ୍ଷକ ଡିସମ୍ବର ମେହେର, ଜ୍ୟୋସ୍ନାମୟୀ ଜଗତ , ମୋନାଲିସା ପତୀ ସହଯୋଗ ପ୍ରଦାନ କରିଥିଲେ।