09-Jan-2026

ଡୁଙ୍ଗୁରିପାଲି- ଗତ ୪ତାରିଖ ଅଙ୍ଗନବୀ ପୋଲ ଉପରେ ବିନିକା ବ୍ଳକର କାଳା-ପୁଚୁରା ଦୁର୍ଘଟଣାରେ ମୃତ୍ୟୁ ବରଣ କରିଥିବା ବେଳେ ଆଜି ଟ୍ରାକ୍ଟର ଧକ୍କାରେ ଜଣକର ଜୀବନ ଚାଲି ଯାଇଛି । ଗତକାଲି ଚିନାୟୁରୀଠାରେ ଦୁଇ ବାଇକ ମଧ୍ୟରେ ମୁହାଁମୁଡି ଧକ୍କା ଫଳରେ ତିନି ଜଣ ଗୁରୁତର ହୋଇଥିଲେ । ପ୍ରାପ୍ତ ସୂଚନା ଅନୁସାରେ ଆଜି ସଂଧ୍ୟାରେ ଲରିଆବାହାଲ ଗ୍ରାମର ମାୟାଧର ବାଗ ଙ୍କ ପୁଅ ଫକିର ବାଗ(୨୨) ଅନ୍ୟ ଜଣେ ସାଙ୍ଗ ଆଦର୍ଶ ପୋଢ ଙ୍କ ସହିତ ୨୬ନମ୍ବର ଜାତୀୟ ରାଜପଥ ବୈଦୁପାଲି ପଟରୁ ଡୁଙ୍ଗୁରିପାଲି ଅଭିମୁଖେ ଆସୁଥିଲେ। । ବିପରୀତ ଦିଗରୁ ଏକ ଟ୍ରାକ୍ଟର ଆସୁଥିବା ବେଳେ ଶିଶୁ ମନ୍ଦିର ଛକ ନିକଟରେ ବାଇକୁ ଧକ୍କା ଦେଇଥିଲା ।ଫଳରେ ଉଭୟେ ବାଇକରୁ ଛିଟିକି ପଡିଥିଲେ । ଏହି ସମୟରେ ରାସ୍ତା କଡରେ ପଶ୍ଚିମବଙ୍ଗର ସୋହେଲ ଖାଁ (ରାଜମିସ୍ତ୍ରୀ) ଯାଉଥିବା ବେଳେ ଉକ୍ତ ବାଇକ ଧକ୍କା ଦେଇଥୁଲା । ଫଳରେ ସେ ମଧ୍ୟ ଗୁରୁତର ଆହତ ହୋଇ ପଡିଥିଲେ । ସ୍ଥାନୀୟ ଲୋକେ ଅଗ୍ନିଶଳ ବିଭାଗକୁ ଖବର ଦେଇଥିଲେ । ସେମାନଙ୍କୁ ଘଟଣା ସ୍ଥଳ ରୁ ଉଦ୍ଧାର କରି ଡୁଙ୍ଗୁରିପାଲି ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଫକିର ବାଗଙ୍କୁ ମୃତ ଘୋଷଣା କରିଥିଲେ । ଆଦର୍ଶ ପୋଢ ହାତ ଏବଂ ଗୋଡରେ ଆଘାତ ହୋଇଥିବା ବେଳେ ସୋହେଲ ଖାଁ   ଗୁରୁତର ହୋଇଥିବା ବେଳେ ତାଙ୍କୁ ବୁର୍ଲା ଅଧ‌ିକ ଚିକିତ୍ସା ପାଇଂ ପଠାଯାଇଛି । ଡାକ୍ତରଖାନାରେ

ଡୁଙ୍ଗୁରିପାଲି ପୁଲିସ ଏଏସଆଇ ଏକାମ୍ର ନାହାକ ପହଂଚି ତଦନ୍ତ ଆରମ୍ଭ କରିଛନ୍ତି । ବର୍ତମାନ ମୃତ ଦେହ ଡାକ୍ତରଖାନା ରେ ରଖାଯାଇଥିବା ବେଳେ ଆସନ୍ତାକାଲି ବିନିକା ଶବ ବ୍ୟବଚ୍ଛେଦ ପାଇଁ ପଠାଯିବ ବୋଲି ପୁଲିସ ସୂତ୍ରରୁ ପ୍ରକାଶ । ବର୍ତମାନ ସୁଦ୍ଧା ଦୁର୍ଘଟଣା ଘଟାଇଥିବା ଟ୍ରାକ୍ଟର ଏବଂ ଚାଳକ କୁ ଧରିବାକୁ ପୁଲିସର ଉଦ୍ୟମ ଜାରି ରହିଛି । ଜାତୀୟ ରାଜପଥରେ ଦିନକୁ ଦିନ ଦୁର୍ଘଟଣା ଯେଭଳି ଭାବରେ ଘଟିବାକୁ ଯାଉଛି ଲୋକେ ଘରୁ ବାହାରିବାକୁ ସୁରକ୍ଷିତ ମଣୁ ନାହାନ୍ତି ।