07-Jan-2026

(ପ୍ରିୟଦର୍ଶିନୀ ପାତ୍ର)
ପ୍ରଶାସନର ନିୟମକୁ ମାନି ପ୍ରସିଦ୍ଧ ପାରମ୍ପରିକ ତାରାଗାଁ/କଟାଗାଁ ମଣ୍ଡେଇ ବିବଦ୍ଧ ଭାବେ ସ୍ଥାନୀୟ ସାଧାରଣଙ୍କ ଉପସ୍ଥିତିରେ ଦୋକାନ ବଜାର ବନ୍ଦ କରି ମଙ୍ଗଳବାର ଦିନ  ପାଳନ କରାଯାଇଛି I ଏଭଳି ଦୃଶ୍ୟ ପୂର୍ବରୁ କେବେ ମଧ୍ୟ ହୋଇନଥ୍‌ଲା | ଦୁଇ ଗ୍ରାମର ଜମି ଅଧିଗ୍ରହଣ କୁ ନେଇ ଗୋଷ୍ଠୀ ଗଣ୍ଡଗୋଳ ହୋଇଥିଲା । ଯାହାକୁ ନେଇ ପ୍ରଶାସନ ଏଥିରେ ରୋକ ଲଗାଇଥିଲା । ଏହାସତ୍ତ୍ୱ ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଳକ ଅନ୍ତର୍ଗତ ତାରାଗାଁ ପଞ୍ଚାଯତ ସଦର ଗ୍ରାମର ପରମ୍ପରା ଆଦିବାସୀଙ୍କ ପ୍ରସିଦ୍ଧ ବାର୍ଷିକ ମଣ୍ଡେଇ ଯାତ୍ରା  ଅନୁଷ୍ଠିତ ହୋଇଥିଲା।ପରମ୍ପରା ଆଗରେ ହାର ମାନିଲା ପ୍ରଶାସନ। ଏହି ଗଣ ପରବ ମଣ୍ଡେଇ ଯାତ୍ରା ବର୍ଷକୁ ଥରେ ଅନୁଷ୍ଠିତ ହୋଇଥାଏ। ପ୍ରଥମେ ତାରା ଗାଁ, କଟା ଗାଁ ଓ ଆଖପାଖ ବାରପାଲି ଗ୍ରାମରୁ ଶତାକ ଦେଓ ଲାଠି, କୁର୍ଚି, ପାଲିଙ୍କି ଆସି ଗୋଟିଏ ଜାଗାରେ ରୁଣ୍ଡ ହୋଇଥିଲେ | ତାପରେ ଗ୍ରାମର ମୁଖ୍ୟ ଦେବତାଙ୍କ ଆଜ୍ଞା ମାଳ ଆସିବା ପରେ ଗ୍ରାମର ସମସ୍ତ ଦେବତାଙ୍କୁ ପୂଜାର୍ଚ୍ଚନା କରାଯିବା ପରେ ସମସ୍ତ ଲାଠି, କୁର୍ଚି ଓ ପାଲିଙ୍କି ଗ୍ରାମ ପରିକ୍ରମା କରିଥିଲେ। ଏଥିରେ ସ୍ଥାନୀୟ ମୁଖ୍ୟ ଦେବା ରାଜା ଚଉଁରିଆଙ୍କ ଓ ଦେବୀ ମନ୍ଦିର ପୂଜାରି,ଶିରା, ଚଲାଣ ଓ ଗାଣ୍ଡା ପ୍ରମୁଖ ଉପସ୍ଥିତ ରହି ଆଦିବାସୀଙ୍କ ପରମ୍ପରା ଅନୁଯାୟୀ ଦେବାଦେବୀଙ୍କ ପୂଜାପାଠ କରିଥିଲେ I ବିଶ୍ଵାସ କରାଯାଏ କି ଗ୍ରାମର ଦେବାଦେବୀଙ୍କୁ ପୂଜାପାଠ କରି ସନ୍ତୁଷ୍ଟ କଲେ ଅଞ୍ଚଳରେ ରୋଗ ବ୍ୟାଧ୍, ମହାମାରୀ ଆସେ ନାହିଁ ଓ ଆସନ୍ତା ଫସଲ ହୋଇଥାଏ | ମଣ୍ଡେଇ ଯାତ୍ରା ଦେଖ‌ିବା ପାଇଁ ଆଖପାଖ ଆ ଅଞ୍ଚଳରୁ ଭକ୍ତଙ୍କ ଭିଡ଼ ପରିଲକ୍ଷିତ ହୋଇଥିଲା। ଶାନ୍ତିଶୃଙ୍ଖଳା ରକ୍ଷାପାଇଁ କୋଡ଼ିଙ୍ଗା ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇ।