16-Dec-2025

(ଡୋଲେଶ୍ୱର ବାଗ)
ନୁଆପଡ଼ା ଜିଲ୍ଲାର ସଦର ବ୍ଲକ  ସରକାରୀ ଆଦିବାସୀ ଉଚ୍ଚ ବିଦ୍ୟାଳୟ କୋଟେଞ୍ଚୁଆଁ ର ଛାତ୍ରୀ ଅଙ୍କିତା ଅଘାରିଆ ରାଜ୍ୟ ସହ ଜିଲ୍ଲା ପାଇଁ ଗୌରବ ଆଣିଛନ୍ତି। ସେ ୧୯ତମ ଟାଟା ଷ୍ଟିଲ ଯୁବ ଜ୍ୟୋତିର୍ବିଜ୍ଞାନୀ ପ୍ରତିଭା ଅନ୍ୱେଷଣ (ୟାଟସ୍‌) ପ୍ରତିଯୋଗିତାର ଗ୍ରାଣ୍ଡ ଫାଇନାଲେ  ଚୟନିତ ଶୀର୍ଷ ୩୦ ଜଣ ବିଜେତାଙ୍କ ମଧ୍ୟରେ ସ୍ଥାନ ହାସଲ କରିଛନ୍ତି।
ଡିସେମ୍ବର ୧୩, ୨୦୨୫ ତାରିଖରେ ଆୟୋଜିତ ଏହି ଗ୍ରାଣ୍ଡ ଫାଇନାଲ କାର୍ଯ୍ୟକ୍ରମରେ ଅଙ୍କିତାଙ୍କୁ ସାର୍ଟିଫିକେଟ ଆର୍ କେକ୍ସେଲେଣ୍ଟ ପ୍ରଦାନ କରାଯାଇଛି।  ଜ୍ୟୋତିର୍ବିଜ୍ଞାନ  ପ୍ରତି ତାଙ୍କର ଆଗ୍ରହ, କଠୋର ପରିଶ୍ରମ ଏବଂ ନିରନ୍ତର ଅଧ୍ୟୟନ ତାଙ୍କୁ ଏହି ସଫଳତା ଦେଇଛି। ଅଙ୍କିତାଙ୍କ ଏହି ସଫଳତାରେ ବିଦ୍ୟାଳୟର ଶିକ୍ଷକ-ଶିକ୍ଷୟିତ୍ରୀ, ଅଭିଭାବକ ଏବଂ ସମଗ୍ର ଅଞ୍ଚଳରେ ଖୁସିର ଲହରୀ ଖେଳିଯାଇଛି। ବିଦ୍ୟାଳୟ ପକ୍ଷରୁ ତାଙ୍କର ଭବିଷ୍ୟତ ଉଜ୍ଜ୍ୱଳ ହେବାକୁ ଆଶୀର୍ବାଦ କରାଯାଇଛି।
ଅଙ୍କିତା ଅଘାରିଆ ଆଜି ନୁଆପଡ଼ା ଜିଲ୍ଲାର ଝିଅମାନଙ୍କ ପାଇଁ ଏକ ପ୍ରେରଣା ସ୍ରୋତ ହୋଇ ଉଠିଛନ୍ତି ।