01-Feb-2021

ଭୁବନେଶ୍ବର(ଶୁଭାଶିଷ ନାୟକ) : ରମାଦେବୀ ମହିଳା ବିଶ୍ବବିଦ୍ୟାଳୟ ଛାତ୍ରୀ ଝରାଫୁଲ ମୃତ୍ୟୁ ମାମଲାରେ ଅତ୍ମସମର୍ପଣ ପରେ ଗିରଫ ହୋଇଥିବା ମୁଖ୍ୟ ଅଭିଯୁକ୍ତ ରାକେଶ ସ୍ବାଇଁ ଓରଫ ନନ୍ଦୁକୁ ରିମାଣ୍ଡରେ ନେବ ଯାଜପୁର ପୋଲିସ । ରାକେଶକୁ ୩ ଦିନିଆ ରିମାଣ୍ଡରେ ନେବାକୁ ଯାଜପୁର ଜିଲ୍ଲା ଦୌରାଜଜ୍ କୋର୍ଟ ପୋଲିସକୁ ଅନୁମତି ଦେଇଛନ୍ତି । ୫ ଦିନିଆ ରିମାଣ୍ଡରେ ନେବାକୁ ଆବେଦନ କରିଥିଲା ଯାଜପୁର ପୋଲିସ ।

ଝରାଫୁଲଙ୍କ ମୃତ୍ୟୁକୁ ନେଇ ବଢ଼ି ବଢ଼ି ଚାଲିଛି ସସ୍‌ପେନ୍ସ । ମିଳିନାହିଁ ମୋବାଇଲ। ମିଳିନାହିଁ ସ୍କୁଟି। ମିଳିନାହାନ୍ତି ସ୍କୁଟିରେ ତୃତୀୟ ଚରିତ୍ର । ଝରାଫୁଲଙ୍କ ମୃତ୍ୟୁ ପଛରେ ଅନେକ କିଛି ପ୍ରଶ୍ନର ରହସ୍ୟାବୃତ ହୋଇରହିଛି। ୨ ଦିନ ହେବ ରାକେଶ ଯାଜପୁର ପୋଲିସ କବ୍‌ଜାକୁ ଆସିଥିବା ବେଳେ ଏଯାଏଁ କାହିଁକି ପୋଲିସ ରାକେଶର ସହଯୋଗୀକୁ ଧରିବାରେ ସମର୍ଥ ହୋଇନାହିଁ ? ଯେଉଁ ସ୍କୁଟିରେ ନେଇ ମୃତଦେହ ଫୋପାଡ଼ିଥିଲେ ସେ ସ୍କୁଟି କାହାର ? ଏବଂ ଏହା ପାଖରେ କାହିଁକି ପହଞ୍ଚିପାରୁନି ପୋଲିସ ?  ଝରାଫୁଲଙ୍କ ମୋବାଇଲ୍ ପୋଲିସ ଏବେଯାଏଁ ଜବତ କରିନାହିଁ କାହିଁକି ? ଘଟଣା ଘଟିବାର ୫ ଦିନ ପରେ ବି ଏଯାଏଁ ମୃତ୍ୟୁ ରହସ୍ୟ ଉପରୁ ହଟିପାରୁନି ପରଦା । ଝରାଫୁଲ ବ୍ୟବହାର କରୁଥିବା ମୋବାଇଲ୍ ମିଳିଲେ ଅନେକ କିଛି ଖୁଲାସା ହୋଇପାରିବ ଆଶା କରାଯାଉଛି ।
ଏସବୁ ଭିତରେ ଯାଜପୁର ଜିଲ୍ଲା ଓ ଦୌରାଜଜ୍‌ ୩ ଦିନିଆ ରିମାଣ୍ଡ ଦେବାପରେ ପୋଲିସ ତାଙ୍କୁ ରିମାଣ୍ଡରେ ନେଇ କ୍ରାଇମ୍ ସିନ୍‌ ରିକ୍ରିଏଟ୍ କରିବ ବୋଲି ଅନୁମାନ କରାଯାଉଛି ।