01-Dec-2025

ରେଢାଖୋଲ(ଅନିଲ ପୃଷ୍ଟି): ଆଜି ସ୍ଥାନୀୟ ଭୀମ ଭୋଇ ମହାବିଦ୍ୟାଳୟରେ ଯୁବ ରେଡକ୍ରସ୍, ରେଡ ରିବନ କ୍ଲବ୍ , ଜାତୀୟ ସେବା ଯୋଜନା ଏବଂ ଏନ. ସି. ସି ତରଫରୁ ବିଶ୍ଵ ଏଡସ୍ ଦିବସ ପାଳିତ ହୋଇ ଯାଇଛି । ଏହି ଉପଲକ୍ଷେ ଏକ ଭଵ୍ୟ ସେଚେତନତା ଶୋଭାଯାତ୍ରା ସହର ପରିକ୍ରମା କରିଥିଲା । କଲେଜର ଅଧ୍ୟକ୍ଷ ଶ୍ରୀ ଅମୂଲ୍ୟ କୃଷ୍ଣ ପାଢୀ ଶୋଭାଯାତ୍ରାକୁ ଉଦ୍ଘାଟନ କରି ଏଡସ୍ ରୋଗର ନିରାକାରଣ ପାଇଁ ସଚେତନତା ହିଁ ଏକମାତ୍ର ମାଧ୍ୟମ ବୋଲି କହିଥିଲେ। ଏହାପରେ ଯୁବ ରେଡକ୍ରସ ଉପଦେଷ୍ଟା  ଶ୍ରୀ ଅଞ୍ଜନ କୁମାର ମିଶ୍ର ଏବଂ ଜାତୀୟ ସେବା ଯୋଜନାର ଅଧିକାରୀ ଲିବନେସ କିଣ୍ଡୋ ଙ୍କ ତତ୍ତ୍ଵ‍ା ବୋଧାନରେ ଛାତ୍ରଛାତ୍ରୀମାନେ ଶୋଭାଯାତ୍ରାରେ ବାହାରିଥିଲେ। ସେମାନେ ବିଭିନ୍ନ ପ୍ଲାକାଡ ଧରି ସ୍ଲୋଗାନ ଦେବ‍ା ସହ ରେଡ ରିବନ ପୁନ୍ଧାଇ ଜନସାଧାରଣଙ୍କୁ ସଚେତନ କରିଥିଲେ। ଏହା ପରେ ଅଧ୍ୟକ୍ଷ ଶ୍ରୀ ପାଢୀଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭାରେ ଡ. ଅଂଶୁମାନ କର ବିଷୟ ବିଶେଷଜ୍ଞ ଭାବରେ ଯୋଗ ଦେଇ ଏଡସ୍ ରୋଗର କାରଣ ଓ ନିରାକାରଣ ସମ୍ପର୍କ ରେ ବୁଝାଇଥିଲେ । ଏହି ଅବସରରେ ଏଡସ୍ ରୋଗ ସଚେତନତା ପାଇଁ ଅନୁଷ୍ଠିତ ବିଭିନ୍ନ ପ୍ରତିଯୋଗିତା ର କୃତି ପ୍ରତିଯୋଗୀ ଶୁକ୍ରୁ ମାଝି, ଗାୟତ୍ରୀ ସାହୁ, ପ୍ରଲିପ୍ତା ସତପଥୀ, ପୁନମ୍ ପ୍ରଧାନ, ବବିତା ସାହୁ, ସବ୍ୟସାଚୀ ପ୍ରଧାନ, ଲିକିତା ପ୍ରଧାନ ଓ ଶୁଭଦ୍ରା ଷଣ୍ଢ ଙ୍କୁ ପୁରସ୍କୃତ କରାଯାଇଥିଲା।
। ଏଥିରେ ପ୍ରାଧ୍ୟାପକ ଅରୁଣ କୁମାର ଶାସନୀ, ,ଅଧ୍ୟାପକ ସୁଶାନ୍ତ ନନ୍ଦ, ଡ଼ ବିରଞ୍ଚି ଖଡିଆ, ପ୍ରମୁଖ ଅଧ୍ଯାପକ , ଅଧ୍ୟାପିକା ଓ ସମସ୍ତ ଛାତ୍ରଛାତ୍ରୀ ଯୋଗଦେଇଥିଲେ । ରାଜା ପ୍ରଧାନ, ଶ୍ରେୟାଂଶୁ ମହାପାତ୍ର, ସନ୍ତୋଷ୍ମିତା ବିଶ୍ଵାଳ, ଗାୟତ୍ରୀ ସାହୁ ଓ ଅନିଶା ଶାସନୀ ପ୍ରମୁଖ ଛାତ୍ରଛାତ୍ରୀ ସକ୍ରିୟ ସହଯୋଗ କରିଥିଲେ। ପରିଶେଷରେ ଅଧ୍ୟାପିକା ସମିତା ମଲ୍ଲିକ ଧନ୍ୟବାଦ ଅର୍ପଣ କରିଥିଲେ ।