01-Dec-2025

ବଲାଙ୍ଗୀର(ପ୍ରେରଣା ଖବର): ପନିପରିବା ଚାଷ କରି ଅଂଚଳରେ ଉଦାହରଣ ସୃଷ୍ଟି କରିଛନ୍ତି ବଲାଙ୍ଗୀର ଜିଲ୍ଲା ଆଗଲପୁର(ଡୁଡୁକା) ବ୍ଲକ ବଡ଼ଟିକା ଗାଁ ର ଚାଷୀ ସଞ୍ଜୟ ପଧାନ । ପ୍ରାୟ ୮୦ ଏକର ଜମିରେ ବାଇଗଣ, ଟମାଟୋ, କଲରା, କାକୁଡି, ଲାଉ, କଖାରୁ, ଗେଣ୍ଡୁ ଫୁଲ ଚାଷ ସହିତ ୬ ଏକର ଜମିରେ ଉନ୍ନତମାନର ପିଜୁଳି ଲଗେଇଛନ୍ତି | ଯାହା ବର୍ଷ ସାରା ଅମଳ ଦେଉଛି | ସେ ଯେଉଁ ଚାଷ କରନ୍ତି ୫ ଏକର ରୁ ଉର୍ଦ୍ଧ କରନ୍ତି ସେଥିପାଇଁ ତାଙ୍କୁ ଅଧିକ ଲାଭ ମିଳେ ଓ ସେ ସଫଳ ହୁଅନ୍ତି | ଧାନ ଚାଷ ଠାରୁ ପନିପରିବା ଚାଷ ରୁ ଅଧିକ ଲାଭ ମିଳୁଥିବା ରୁ ସଞ୍ଜୟ ପରିବା ଚାଷ କୁ ବେଶୀ ପ୍ରାଧ୍ୟନ୍ୟ ଦେଉଥିବା କହିଛନ୍ତି | ପ୍ରତିଦିନ ତାଙ୍କ ଠାରୁ ୨ ଟ୍ରକ ପନିପରିବା ବାହାରକୁ ଯାଉଛି | ଏବଂ ଆଗଲପୁର ଓ ଲୋଇସିଂହା ଅଂଚଳ ର ୧୦୦ ଜଣ ପୁରୁଷ ମହିଳା ମିଶି କ୍ଷେତ ରେ କାମ କରି ପରିବାର ପ୍ରତିପୋଷଣ କରୁଛନ୍ତି | ଦାଦନ ପ୍ରବଣ ଅଂଚଳ ହୋଇଥିବା ରୁ କିଛି ଲୋକଙ୍କୁ ଦାଦନ ଖଟି ଯିବାରୁ ରୋକି ରୋଜଗାର ଦେଇଥିବାରୁ ସଞ୍ଜୟ ଙ୍କୁ ଅଂଚଳ ରେ ବହୁ ପ୍ରଶଂସା ମିଳୁଛି |ଆଗାମୀ ବର୍ଷ ଛତୁ ଚାଷ ଓ କୁକୁଡ଼ା ଫାର୍ମ ଆରମ୍ଭ ହେଲେ ୫୦୦ ଲୋକଙ୍କୁ ରୋଜଗାର ଦେବାକୁ ଲକ୍ଷ ରଖିଛି ବୋଲି ସଞ୍ଜୟ ତାଙ୍କ ପ୍ରତିକ୍ରିୟାରେ କହିଛନ୍ତି । ଏବେ ବର୍ଷ ସାରା ପନିପରିବା ର ଚାହିଦା ରହୁଥିବାରୁ ଏଇ ଚାଷ କରି ଦିନକୁ ଲକ୍ଷେ ଟଙ୍କାରୁ ଅଧିକ ରୋଜଗାର କରି କୋଟିପତି ହୋଇପାରିଛି ବୋଲି ସଞ୍ଜୟ କହିଛନ୍ତି | ଏଥିରେ ତାଙ୍କ ପୁଅ ତାଙ୍କୁ ସହଯୋଗ କରିବା ସହିତ ଜଣେ ମ୍ୟାନେଜର ସବୁ ବୁଝାବୁଝି କରନ୍ତି । ବିହନ ସମ୍ପର୍କରେ ପଚରା ଯିବାରୁ ବିହନ ଉପରେ ନିର୍ଭର ନ କରି ରାୟ ପୁର ର ଏକ ନର୍ସରି ରୁ ଉନ୍ନତ ମାନର ଚାରା ଆଣି ଲଗେଇ ଥାନ୍ତି | ଓ ଏହା ମୋତେ ଆହୁରି ଲାଭବାନ କରାଉଛି ବୋଲି ସଞ୍ଜୟ କହିଛନ୍ତି | ଜିଲ୍ଲା ର ସଫଳ ଚାଷୀ ଭାବରେ ମୁଖ୍ୟମନ୍ତ୍ରୀ ଙ୍କ ଠାରୁ ମଧ୍ୟ୍ୟ ପୁରସ୍କାର ପାଇଛନ୍ତି | ଜଳସେଚନ ପାଇଁ ୪ଟି ଫୋଖରୀ ଓ ୪ଟି ବୋରୱେଲ ଖୋଲିଛନ୍ତି ଓ ସମସ୍ତ ଚାଷ କୁ ବୁନ୍ଦା ଜଳସେଚନର ବ୍ୟବସ୍ତା କରିଛନ୍ତି । ଏବେ ନୂତନ ଜ୍ଞାନକୌଶଳ ରେ ଚାରା ଉତ୍ପାଦନ, ଯତ୍ନ, ଜଳସେଚନ, କୀଟ ନାଶକ ସିଞ୍ଚନ ବ୍ୟବସ୍ଥା ହୋଇଥିବାରୁ ବେଶ ସହଜ ହୋଇ ପାରୁଛି ବୋଲି କହିଛନ୍ତି । ତେଣୁ କୃଷି ବିଭାଗ କିମ୍ବା ଉଦ୍ୟାନ ବିଭାଗରୁ କିଛି ପ୍ରୋତ୍ସାହନ ମିଲିଲେ ଆହୁରି ଭଲ ହୁଅନ୍ତା ବୋଲି ସଞ୍ଜୟ କହିଛନ୍ତି |