30-Nov-2025

ତୁଷୁରା( ପଞ୍ଚାନନ ନାଏକ )ବଲାଙ୍ଗିର ଜିଲ୍ଲାର ଗୁଡଭେଲା ବ୍ଲକ୍ ଅନ୍ତର୍ଗତ ତୁଷୁରା ଏନ୍ଏସି କ୍ଲଷ୍ଟର ସ୍ତରୀୟ ଶିକ୍ଷଣ ସାମଗ୍ରୀ ପ୍ରସ୍ତୁତି କର୍ମଶାଳା ଗତ ଅକ୍ଟୋବର ମାସରୁ ପ୍ରତି ମାସର ଦ୍ଵିତୀୟ, ତୃତୀୟ ଓ ଚତୁର୍ଥ ଶନିବାର ଦିନ କ୍ରମାନୁସାରେ ଗୋଟିଏ ଗୋଟିଏ ବିଦ୍ୟାଳୟ ରେ ଶିକ୍ଷକ ସାମଗ୍ରୀ ପ୍ରସ୍ତୁତି କର୍ମଶାଳା ଅନୁଷ୍ଠିତ ହେଉ ଅଛି। ଏହି କ୍ରମରେ ଆଜି ତୁଷୁରା ବାଳିକା ନୋଡାଲ୍ ହାଇସ୍କୁଲ ଠାରେ ଉକ୍ତ କର୍ମଶାଳା ସିଆର୍‌ସିସି ଜଗମୋହନ ତ୍ରିପାଠୀଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇ ଯାଇଛି।‌ ଏହି କର୍ମଶାଳାରେ ପ୍ରତ୍ୟେକ ବିଦ୍ୟାଳୟର ଏଫ୍‌ଏଲ୍‌ଏନ୍ ଶିକ୍ଷକ ଓ ବ୍ଲକ୍ ଏଲ୍‌ଏଲ୍‌ଏଫ୍ ଟିମ୍ ଯୋଗ ଦେଇ ଦିନ ତମାମ ଶିକ୍ଷଣ ସାମଗ୍ରୀ ପ୍ରସ୍ତୁତ କରିଥାନ୍ତି। ଶ୍ରୀ ତ୍ରିପାଠୀ ଆମ୍ଭ ସାମ୍ବାଦିକଙ୍କୁ ନିଜ ପ୍ରତିକ୍ରିୟାରେ କହିଛନ୍ତି ଯେ, ଏହା ଦ୍ବାରା ସଂପୃକ୍ତ ବିଦ୍ୟାଳୟର ଟିଏଲ୍‌ଏମ୍ ଅଭାବ ପୂରଣ ଓ ପଢିବା, ଗଢିବା ଓଡିଶା କାର୍ଯ୍ୟକ୍ରମ ଓ ଦୈନନ୍ଦିନ ଶିକ୍ଷଣ କାର୍ଯ୍ୟ ପାଇଁ ପର୍ଯ୍ୟାପ୍ତ ପରିମାଣର ଶିକ୍ଷଣ ସାମଗ୍ରୀ ଉପଲବ୍ଧ ହୋଇ ପାରିବ ଯାହାଦ୍ବାରା ପିଲା ମାନଙ୍କୁ ଗୁଣାତ୍ମକ ଶିକ୍ଷାଦାନରେ ସହାୟକ ହେବ ବୋଲି କହିଛନ୍ତି । ଏଥିରେ ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷକମାନେ ପୂର୍ଣ୍ଣ ସହଯୋଗ କରୁଛନ୍ତି। ଶିକ୍ଷା କ୍ଷେତ୍ରରେ ଏହା ଏକ ବୈପ୍ଳବିକ ପରିବର୍ତ୍ତନ ସୃଷ୍ଟି କରୁଥିବାରୁ ତୁଷୁରା କ୍ଲଷ୍ଟର ସିଆର୍‌ସିସି, ସମସ୍ତ ପ୍ରଧାନ ଶିକ୍ଷକ ଓ ଶିକ୍ଷକ ଶିକ୍ଷୟିତ୍ରୀଙ୍କୁ ବିଇଓ ନମିତା ରାଣୀ ଭୋଇ ସାଧୁବାଦ ଜଣାଇଛନ୍ତି।