25-Nov-2025

କଟକ(ପ୍ରେରଣା ଖବର): ଜିଲ୍ଲା ସାମାଜିକ କଲ୍ୟାଣ ବିଭାଗ ଏବଂ ନାରୀସେବା ସଂଘର ମିଳିତ ଆନୁକୂଲ୍ୟରେ ଆଜି ମଙ୍ଗଳବାର ଦିନ ଲିଙ୍ଗଗତ ହିଂସା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଅବସରରେ ମହିଳା ମାନଙ୍କର ଏକ ଶୋଭାଯାତ୍ରା ଜିଲ୍ଲାପାଳ କାର୍ଯ୍ୟାଳୟରୁ ବାହାରି ବିଭିନ୍ନ ରାସ୍ତା ଅତିକ୍ରମ କରି ମହିଳା ନିର୍ଯ୍ୟାତନା ଓ ହିଂସାକାଣ୍ଡ ବିରୁଦ୍ଧରେ ସଚେତନ ବାର୍ତ୍ତା ପ୍ରଚାର କରିଥିଲେ l ସାମ୍ପ୍ରତିକ 

ସମାଜରେ ଲିଙ୍ଗଗତ ହିଂସା ଦିନକୁ ଦିନ ବୃଦ୍ଧି ପାଇବାରେ ଲାଗିଛି l ମହିଳାମାନେ ନାନା ନିର୍ଯ୍ୟାତନାର ଶିକାର ହେଉଛନ୍ତି l ତେଣୁ ସମାଜରେ ଏହା ବିରୁଦ୍ଧରେ ସଚେତନ ସୃଷ୍ଟି କରିବା ପାଇଁ ଏଭଳି କାର୍ଯ୍ୟକ୍ରମ ଆୟୋଜନ କରାଯାଇଛି l ଅତିରିକ୍ତ ଜିଲ୍ଲାପାଳ ଇପ୍ ସୀତା ପ୍ରିୟଦର୍ଶିନୀ ମିଶ୍ର ଲିଙ୍ଗଗତ ହିଂସା ସଚେତନ ଶୋଭାଯାତ୍ରାକୁ ଉଦଘାଟନ କରି କହିଲେ ପ୍ରତ୍ୟେକ ମହିଳା ମାନେ ସଚେତନ ହୋଇ ହିଂସା ବିରୁଦ୍ଧରେ ସ୍ୱର ଉତ୍ତଳନ କରନ୍ତୁ l ମହିଳା ମାନେ ପୁରୁଷ ବହୁଳ ସମାଜରେ କୌଣସି ଗୁଣରେ କମ ନୁହନ୍ତି l ମହିଳା ମାନେ ଶିକ୍ଷିତ ହେଲେ ସମାଜ ଶିକ୍ଷିତ ହୋଇ ମହିଳା ହିଂସାକାଣ୍ଡ ଲୋପ ପାଇବ l ତେଣୁ ପ୍ରତ୍ୟେକ ମହିଳା ମାନେ ଏହା ବିରୁଦ୍ଧରେ ଜନମତ ସୃଷ୍ଟି କରିବା ପରେ ଏଡିଏମ ଶ୍ରୀମତୀ ମିଶ୍ର ଆୱାନ ଦେଇଥିଲେ l ଜିଲ୍ଲା ସାମାଜିକ କଲ୍ୟାଣ ଅଧିକାରୀ ରଶ୍ମିତା ମହାନ୍ତି କାର୍ଯ୍ୟକ୍ରମ ସମ୍ପର୍କରେ ସୂଚନା ଦେଇଥିଲେ l ନାରୀସେବା ସଂଘ ପକ୍ଷରୁ ଆଭା କାନନଗୋ, ଇନ୍ଦିରା ଅରୋରା, ଅଧ୍ୟାପିକା ମୀରା ବେଉରା, ଏଫ୍ ସି ସି  କାଉନସିଲର ସରୋଜିନୀ ଓଝା, ଅମ୍ବିକା ପଲେଇ , ସୂପର୍ଣ୍ଣl ବେହେରା ସ୍ବର୍ଣ୍ଣମୟୀ ଦାସ ପ୍ରମୁଖ ଶୋଭାଯାତ୍ରାର ନେତୃତ୍ୱ ନେଇଥିଲେ l ଅଧ୍ୟାପିକା ମୀରା ବେଉରା ଏହି ସଚେତନତା କାର୍ଯ୍ୟକ୍ରମର ସମ୍ପର୍କରେ ନିଜର ପ୍ରତିକ୍ରିୟା ଦେଇ କହିଲେ କଟକ ସମେତ ରାଜ୍ୟରେ ଶହ ଶହ

ମହିଳା ମାନଙ୍କର ଅବସ୍ଥା ଏବେ ଏମିତି ସେମାନେ ହିଂସାକାଣ୍ଡ କୁ ବିରୋଧ କଲେବି କେହି ଶୁଣିବାକୁ ନାହିଁ l ଝିଅ ଜନ୍ମ ମଧ୍ୟବିତ୍ତ ଓ ଗରିବ ପରିବାରର ଏକ ଅଭିଶାପ ବୋଲି ବର୍ତ୍ତମାନ ମନେ କରାଯାଉଛି l ଯାହା ଫଳରେ ଝିଅଟି ନାନା ହିଂସାକାଣ୍ଡ ଭୋଗିବାକୁ ପଡୁଛି l ତେଣୁ ଭାବଧାରକୁ ପରିବର୍ତ୍ତନ କରି ସଚେତନତା ସୃଷ୍ଟି ହେଲେ ଲିଙ୍ଗଗତ ହିଂସାକାଣ୍ଡ ରୋକା ଯାଇ ପାରିବ l