25-Nov-2025

କଟକ(ପ୍ରେରଣା ଖବର): ବକ୍ସି ବଜାର ସ୍ଥିତ ନାୟକ ସାହି ଠାରେ ଥିବା ଶ୍ରୀ ମା ସରସ୍ୱତୀ ଶିଶୁ ବିଦ୍ୟାମନ୍ଦିର ପରିସରରେ ଦ୍ଵାଦଶ ତମ ବାର୍ଷିକ ବିଜ୍ଞାନ ମେଳା, ହସ୍ତ କର୍ମ ଓ ମୀନା ବଜାର ଅନୁଷ୍ଠିତ ହୋଇଯାଇଅଛି। ବିଶିଷ୍ଟ ସମାଜସେବୀ ସନ୍ୟାସ୍ନୀ ବିଦ୍ୟୁତ୍ କୁମାରୀ ଲାଲା ଏହି କାର୍ଯ୍ୟକ୍ରମକୁ ଉଦ୍ ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ବିଶିଷ୍ଟ ସମାଜସେବୀ ତଥା ଅଧ୍ୟାପକ ଶ୍ରୀଯୁକ୍ତ କିଶୋରଚନ୍ଦ୍ରଦାସ, ଅଧ୍ୟାପକ ଶ୍ରୀଯୁକ୍ତ ଖିରୋତ କୁମାର ସାହୁ .ଅଧ୍ୟାପକ ଅଶୋକ କୁମାର ପଣ୍ଡା, ଅଧ୍ୟାପକ ଶ୍ରୀଯୁକ୍ତ ପ୍ରକାଶକୁମାର ମହାନ୍ତି, ଶିକ୍ଷାବିତ୍ ଶ୍ରୀଯୁକ୍ତ ଗଜେନ୍ଦ୍ରକୁମାର ପାଣି ଯୋଗଦାନ କରି କୁନି ବୈଜ୍ଞାନିକ ମାନଙ୍କ ପ୍ରକଳ୍ପ ବୁଲି ଦେଖି ପ୍ରଶଂସା କରିଥିଲେ।ଏଥିରେ ୪୭ଟି ବିଜ୍ଞାନଭିତ୍ତିକ ପ୍ରକଳ୍ପ ୧୮ଟି ହ୍ରସ୍ତକ୍ରମ ଓ ୧୨ ଜଣ ମୀନାବଜାର ରେ ଭାଗ ନେଇଥିଲେ,.
ଦ୍ୱିତୀୟ ଅଧିବେଶନରେ  ସ୍ତମ୍ବକାର, ସାହିତ୍ୟିକl ସମାଜ ସେବୀ ଶ୍ରୀମତୀ ମୀରାବେଉରାଙ୍କ ଅଧ୍ଯକ୍ଷତାରେ ଶିକ୍ଷାବିତ୍ ଶ୍ରୀଯୁକ୍ତଗୋପୀନାଥ ସାମଲ, ଶିକ୍ଷାବିତ୍ ହୃଷିକେଶ ବିଶ୍ୱାଳ ଶ୍ରୀମତୀ ବିନୋଦିନୀ ପେଣ୍ଠୋଇ, ଶ୍ରୀମତୀ ସୌଭାଗ୍ୟ ସ୍ମିତା ଜେନା, ଶ୍ରୀମତୀ ରୂପସୀ ମହାପାତ୍ର କୃତି ଛାତ୍ର ଓ ଛାତ୍ରୀମାନଙ୍କୁ ପୁରସୃତ କରିଥିଲେ | ଏହି କାର୍ଯ୍ୟକ୍ରମ ର ପ୍ରାରମ୍ଭରେ ବିଦ୍ୟାଳୟ ର ପ୍ରଧାନଶିକ୍ଷୟିତ୍ରୀ ଶ୍ରୀମତୀ ପଙ୍କଜିନୀ  ପରିଡ଼ା ଅତୀଥି ପରିଚୟ ପ୍ରଦାନ କରିଥିଲେ,ସମ୍ପାଦକ ଶ୍ରୀଯୁକ୍ତ ଚିତ୍ତରଞ୍ଜନ ପରିଡା ଧନ୍ୟବାଦ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମ ରେ ବିଦ୍ୟାଳୟର ଶିକ୍ଷୟିତ୍ରୀ ଓ ଶିକ୍ଷକ ସାହାଯ୍ୟ ଓ ସହଯୋଗ କରିଥିଲେ ।ଏହିଅଞ୍ଚଳରୁ ବହୁଲୋକ ଆସି ଏହି ମେଳା କୁ ବୁଲି ଦେଖିଥିଲେ ।