23-Nov-2025

ଭୁବନେଶ୍ୱର(ପ୍ରେରଣା ଖବର): ଦେଶର ପ୍ରମୁଖ ସାମୁଦ୍ରିକ ଖାଦ୍ୟ ଟେକ୍ ଏଣ୍ଟରପ୍ରାଇଜ ଆକ୍ୱାପଲ୍ସ ପକ୍ଷରୁ ଚାନ୍ଦବାଲିର କ୍ଷୁଦ୍ର ମତ୍ସ୍ୟଚାଷୀଙ୍କ ସହ ବିଶ୍ୱ ମତ୍ସ୍ୟ ସମ୍ପଦ ଦିବସ ୨୦୨୫ ପାଳିତ ହୋଇଯାଇଛି । ଦେଶର ସାମୁଦ୍ରିକ ଖାଦ୍ୟ ଇକୋସିଷ୍ଟମକୁ ଦୃଢ଼ କରିବା ଦିଗରେ କ୍ଷୁଦ୍ରଚାଷୀଙ୍କ ଯୋଗଦାନକୁ ପାଳନ କରିବା ଦିଗରେ କମ୍ପାନି ପକ୍ଷରୁ ତୃଣମୂଳ

ସ୍ତରରେ ଏଭଳି ବିଶେଷ କାର୍ଯ୍ୟକ୍ରମ ଆୟୋଜନ କରାଯାଇଛି । କାର୍ଯ୍ୟକ୍ରମରେ କମ୍ପାନିର ପରିଚାଳନା ନିର୍ଦେଶକ, ସହପ୍ରତିଷ୍ଠାତା ତଥା ସିଇଓ ଅଭିଶେକ ଦ୍ୱିବେଦୀ ଏବଂ ମୁଖ୍ୟ ଅଭିବୃଦ୍ଧି ଅଧିକାରୀ ଅଭିଳାସ ଦ୍ୱିବେଦୀ ଅତିଥି ଭାବେ ଯୋଗ ଦେଇ ଏହି ଅଞ୍ଚଳର ଚାଷୀଙ୍କ ସହ ଭାବ ବିନିମୟ କରିଥିଲେ । ଏହି ଅବସରରେ କୃଷକଙ୍କୁ ଚିହ୍ନଟ, ଅଭିଜ୍ଞତା ବଖାଣିବା ଅଧିବେସନ, ଆକ୍ୱାପଲ୍ସର ସହଯୋଗ, ଟେକ୍ନୋଲୋଜି ଗ୍ରହଣ ଏବଂ ବଜାର ସଂଯୋଗ ସୁବିଧା ଉପରେ ବିଶେଷ ଆଲୋଚନା କରାଯାଇଥିଲା ।
କାର୍ଯ୍ୟକ୍ରମରେ ସିଇଓ ଶ୍ରୀ ଅଭିଶେକ ଦ୍ବିବେଦୀ କହିଛନ୍ତି, ଦେଶର ମତ୍ସ୍ୟ ସମ୍ପଦ କ୍ଷେତ୍ରର ମେରୁଦଣ୍ଡ ହେଉଛନ୍ତି କ୍ଷୁଦ୍ରଚାଷୀ । ସେମାନଙ୍କ ସହ ଏହି ଦିନଟିକୁ ପାଳନ କରି ଆମେ ପରିବେଶ ଉପଯୋଗୀ, ଉଚ୍ଚ ଗୁଣବତ୍ତା, ଦେଶ ତଥା ରାଜ୍ୟରେ ମତ୍ସ୍ୟଚାଷୀଙ୍କୁ ଗୁରୁତ୍ୱ ଦିଗରେ ପ୍ରତିବଦ୍ଧତାକୁ ଦୃଢ଼ କରୁଛୁ ।
ମୁଖ୍ୟ ଅଭିବୃଦ୍ଧିି ଅଧିକାରୀ ଅଭିଳାସ ଦ୍ୱିଦେବୀ କହିଛନ୍ତି, ସାମୁଦ୍ରିକ ଖାଦ୍ୟ ଇକୋସିଷ୍ଟମରେ ଉପକୂଳ ଓଡ଼ିଶା ସବୁବେଳେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ । କୃଷକଙ୍କ ସହ ମିଳିତ ହୋଇ ଏ କ୍ଷେତ୍ରରେ ନବସୃଜନ, ସ୍ୱଚ୍ଛତା, ବିଶ୍ୱ ବଜାରରେ ପହଞ୍ଚ ତଥା ତୃଣମୂଳ ସ୍ତରରେ ସେମାନଙ୍କ ଶସକ୍ତିକରଣ ଦିଗରେ ଆମର ଉଦ୍ୟମ ଜାରି ରହିଛି ।
କାର୍ଯ୍ୟକ୍ରମରେ ଆକ୍ୱାପଲ୍ସ ପକ୍ଷରୁ ଗ୍ରହଣ କରାଯାଇଥିବା ବିଭିନ୍ନ ପ୍ରଚେଷ୍ଠା ସମ୍ପର୍କରେ ଆଲୋକପାତ କରାଯାଇଥିଲା ।
- କ୍ଲଷ୍ଟର ଭିତ୍ତିକ ପଦକ୍ଷେପ ଜରିଆରେ କୃଷକଙ୍କ ସହ ସମ୍ପର୍କ

ଦୃଢ଼ୀକରଣ
- ଅମଳ ପୂର୍ବ ଏବଂ ଅମଳ ପରବର୍ତ୍ତୀ ପରାମର୍ଶକୁ ତ୍ୱରାନ୍ୱିତ କରିବା
- ଓଡ଼ିଶାରୁ ବିଶ୍ୱ ବଜାରକୁ ରପ୍ତାନି ସୁଯୋଗ ସମ୍ପ୍ରସାରଣ
- ଦେଶର ଖାଦ୍ୟ ନିରାପତ୍ତା ଏବଂ ନୀଳ ଅର୍ଥନୀତି ଲକ୍ଷ୍ୟ ଆଧାରରେ ପରିବେଶ ଉପଯୋଗୀ କାର୍ଯ୍ୟକ୍ରମ ଗ୍ରହଣ
ଏ ଦିଗରେ ଆକ୍ୱାପଲ୍ସ ସାମୁଦ୍ରିକ ଖାଦ୍ୟ ମୂଲ୍ୟ ଶୃଙ୍ଖଳକୁ ରୁପାନ୍ତରଣ କରିବା ଦିଗରେ ଏକ ଲକ୍ଷ୍ୟ ରଖି କାର୍ଯ୍ୟ କରୁଛି । ବିଶ୍ୱ ମତ୍ସ୍ୟ ସମ୍ପଦ ଦିବସ ଅବସରରେ ତୃଣମୂଳ ସ୍ତରରେ କୃଷକଙ୍କ ଉନ୍ନତି ଏବଂ କୃଷକ କୈନ୍ଦ୍ରିକ ପଦକ୍ଷେପ ଗ୍ରହଣ କରି କମ୍ପାନି ପ୍ରତିବଦ୍ଧତାକୁ ଦୃଢ଼ କରିଛି ।