14-Nov-2025

ବରଗଡ଼ ଜିଲ୍ଲାର ଭଟଲି ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଅନ୍ତର୍ଗତ ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ, କାଶିପାଲିରେ ବିପୁଳ ଉତ୍ସାହ ଓ ରୁଚିର ସହ ଏବର୍ଷର ବିଦ୍ୟାଳୟସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ଆୟୋଜିତ ହୋଇ ଯାଇଅଛି ପ୍ରଦର୍ଶନୀର ଶୁଭ ଉଦ୍ଘାଟନ ବିଦ୍ୟାଳୟ ପରିଚାଳନା କମିଟି ସଭାପତି ପବିତ୍ର ମହାପାତ୍ରଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା।ପ୍ରଧାନଶିକ୍ଷକ ସୁଦାମ ସେଟ ଉଦ୍ଦେଶ୍ୟ ଜ୍ଞାପନ କରିଥିଲେ।ଛାତ୍ରଛାତ୍ରୀମାନଙ୍କ ସୃଜନୀଶୀଳତା, ବିଜ୍ଞାନ ଚିନ୍ତାଧାରା ଓ ନବୋତ୍ତମ ଧାରଣାକୁ ଉତ୍ସାହିତ କରିବା ହେଉଛି  ଏହାର ପ୍ରଧାନ ଲକ୍ଷ୍ୟ ବୋଲି ମତାମତ ଦେଇଥିଲେ। ମୁଖ୍ୟଅତିଥି ଭାବେ ନାରଙ୍ଗପୁର ସିଆରସିସି ଗୁପ୍ତଚନ୍ଦ୍ର ରାଏ

ଯୋଗଦାନ କରିଥିଲେ।  ଅନ୍ୟତମ ସମ୍ମାନିତ ଅତିଥି ଭାବେ ଗ୍ରାମ୍ୟ ଶାନ୍ତି କମିଟିର ସଭାପତି ସରୋଜ କୁମାର ମହାପାତ୍ର ମଞ୍ଚାସିନ ଥିଲେ। ବିଚାରକ ଭାବେ   ଅଚ୍ୟୁତ ସାହୁ (ସୀମାନ୍ତ ହାଇସ୍କୁଲ୍, ବିଛୁଆଁ), ଅନନ୍ତ ସାହୁ (ସରକାରୀ ଉ.ପ୍ରା. ବିଦ୍ୟାଳୟ ସାନଅମଲିପାଲି) ଏବଂ ଅବିନାଶ କୁମାର ପଧାନ

(ସରକାରୀ ଉ.ପ୍ରା. ବିଦ୍ୟାଳୟ ଝିକଝିକି) ଯୋଗ ଦେଇଥିଲେ । ସେମାନଙ୍କ ବୈଜ୍ଞାନିକ ମୂଲ୍ୟାଙ୍କନ ଛାତ୍ରମାନଙ୍କୁ ବହୁତ ପ୍ରେରଣା ଦେଇଥିଲା। ଛାତ୍ରମାନଙ୍କ ପ୍ରକଳ୍ପ ପ୍ରସ୍ତୁତି ପାଇଁ ପ୍ରଦୀପ କୁମାର ପଧାନ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ।  ସହକାରୀ ଶିକ୍ଷକ ନେହେରୁ ପାଇକ, ଗୋବିନ୍ଦ ବାଗ ଏବଂ ଦେବ ପ୍ରସାଦ ବାଗ ସହଯୋଗ କରିଥିଲେ।  ବିଦ୍ୟାଳୟର ଶିକ୍ଷକ ରାମ ନାରାୟଣ ରଥ ମଞ୍ଚ ପରିଚାଳନା କରିଥିଲେ।